ଆସାମ ମଦ ମୃତ୍ୟୁ ସଂଖ୍ୟା ୧୩୦କୁ ବୃଦ୍ଧି

ଦିସପୁର: ଆସାମରେ ବିଷାକ୍ତ ମଦ ମୃତ୍ୟୁ ଘଟଣା ଧୀରେ ଧୀରେ ସଙ୍ଗୀନ ହେଉଛି। ବିଷାକ୍ତ ମଦ ପିଇ ରାଜ୍ୟରେ ୧୩୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଏହାସହ ତିନି ଶହରୁ ଅଧିକ ଲୋକ ହସ୍ପିଟାଲ୍‌ରେ ଚିକିତ୍ସାଧୀନ ଅଛନ୍ତି। ସେମାନଙ୍କୁ ଗୌହାଟି ସମେତ ରାଜ୍ୟର ଅନ୍ୟ ଡାକ୍ତରଖାନରେ ଚିକିତ୍ସା କରାଯାଉଛି।

ଏବେ ବି ବିଭିନ୍ନ ଅଞ୍ଚଳରୁ ଲୋକେ ହସ୍ପିଟାଲ୍‌ରେ ଭର୍ତ୍ତି ହେଉଛନ୍ତି। ସେପଟେ ଘଟଣାରେ ୧୨ ଜଣଙ୍କୁ ଗିରଫ କରିଛି ପୁଲିସ। ଅଧ ଡଜନ୍ ଅବକାରୀ ଅଧିକାରୀଙ୍କୁ ନିଲମ୍ବିତ କରାଯାଇଛି।

ଗୁରୁବାର ଦିନ ସାଲମରା ଚାହା ବଗିଚାରେ କାର୍ଯ୍ୟରତ ଶ୍ରମିକ ବିଷାକ୍ତ ମଦ ପିଇଥିଲେ। ଏହାପରେ ହଠାତ୍ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ି ଯାଇଥିଲା। ସେହିଦିନ ୨୦୦ରୁ ଅଧିକ ଶ୍ରମିକ ଦେଶୀ ମଦ ପିଇଥିଲେ। ସେମାନେ ଅସୁସ୍ଥ ହେବା ପରେ ଗୋଲଘାଟ ମେଡିକାଲ କଲେଜ ଓ ଜୋରହାଟ ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ମଦ ପ୍ରସ୍ତୁତ କରିଥିବା ଦୁଇ ଜଣ ବ୍ୟକ୍ତିଙ୍କର ମଧ୍ୟ ମୃତ୍ୟୁ ହୋଇଛି। ପୂରା ଘଟଣାର ତଦନ୍ତ ପାଇଁ ତଦନ୍ତ କମିଶନ ଗଠନ କରିଛନ୍ତି ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ୱାଲ।

You might also like