‘ବନ୍ଦୀ ପାଇଲଟ୍‌ଙ୍କୁ ସୁରକ୍ଷିତ ଫେରାଅ’

ଇସଲାମାବାଦ : ପାକିସ୍ତାନ କବଜାରେ ଥିବା ଭାରତୀୟ ବାୟୁସେନା ପାଇଲଟ୍‌ ଅଭିନନ୍ଦନଙ୍କୁ ସୁରକ୍ଷିତ ଫେରାଇ ଦେବାକୁ ଦାବି କରିଛି ଭାରତ। ପାଇଲଟଙ୍କର ଯେପରି କୌଣସି କ୍ଷତି ନ ହୁଏ, ତାହା ସୁନିଶ୍ଚିତ କରିବାକୁ ଇସଲାମାବାଦକୁ ଚେତାବନୀ ଦେଇଛି ନୂଆଦିଲ୍ଲୀ।

ଗତକାଲି ସନ୍ଧ୍ୟାରେ ଇସଲମାବାଦ୍‌ସ୍ଥିତ ଭାରତୀୟ ହାଇକମିଶନ୍ ପକ୍ଷରୁ ପାକିସ୍ତାନର ବିଦେଶ ମନ୍ତ୍ରଣାଳୟକୁ ଏନେଇ ବିଧିବଦ୍ଧ ଭାବେ ଜଣାଯାଇଥିଲା। ଠିକ୍ ସେହିପରି ନୂଆଦିଲ୍ଲୀସ୍ଥିତ ପାକିସ୍ତାନର କାର୍ଯ୍ୟକାରୀ ହାଇକମିଶନରଙ୍କୁ ମଧ୍ୟ ଏନେଇ ଅବଗତ କରାଯାଇଛି ।

ବାଲାକୋଟ ଆତଙ୍କବାଦୀ ଶିବିର ଏୟାର ଷ୍ଟ୍ରାଇକ ପରେ ମୁହାଁମୁହିଁ ହୋଇଛନ୍ତି ଉଭୟ ଦେଶ। ଗତକାଲି ଭାରତୀୟ ବାୟୁସୀମା ଉଲ୍ଲଂଘନ ଲାଗି ଉଦ୍ୟମ ବେଳେ ପାକିସ୍ତାନର ଏକ ଏଫ୍-୧୬ ଜେଟ୍‌କୁ ଗୁଳି କରି ଖସାଇ ଦେଇଛି ଭାରତ। ଭାରତର ଏକ ମିଗ୍-୨୧ ଜେଟ୍ ବି ଖସିପଡିଛି।

ଏହି ସମୟରେରେ ପାକିସ୍ତାନ ଜଣେ ଭାରତୀୟ ପାଇଲଟ୍‌ଙ୍କୁ ନିଜ କବଜାକୁ ନେଇଛି। ତୁରନ୍ତ ଓ ନିରାପଦ ଭାବେ ବନ୍ଦୀ ପାଇଲଟ ଅଭିନନ୍ଦନଙ୍କୁ ଛାଡ଼ି ଦେବାକୁ ଚେତାବନୀ ଦେଇଛି ଭାରତ।

TENSION_AT_LOC_AVO_9AM

You might also like