ଭାରତ ଓ ଜାପାନ ମଧ୍ୟରେ ମୁଦ୍ରା ବିନିମୟ ରାଜିନାମା

୭୫ ବିଲିଅନ ଡଲାରର ରାଜିନାମା ସ୍ୱାକ୍ଷରିତ

ଟୋକିଓ : ଭାରତ ଓ ଜାପାନ ମଧ୍ୟରେ ୭୫ ବିଲିଅନ ଡଲାରର ବା ପ୍ରାୟ ୬ ଲକ୍ଷ କୋଟି ଟଙ୍କାର ମୁଦ୍ରା ଅଦଳବଦଳ ରାଜିନାମା ସ୍ୱାକ୍ଷର ହୋଇଛି। ବେଜିଂ ସହ ଏଭଳି ରାଜିନାମା ସ୍ୱାକ୍ଷର କରିବାର ସପ୍ତାହେ ପରେ ଭାରତ ସହ ଏଭଳି ଚୁକ୍ତି କରିଛି ଜାପାନ ।

ଏହାଫଳରେ ଦୁଇ ଦେଶ ମଧ୍ୟରେ ବିଦେଶୀ ମୁଦ୍ରା ବିନିମୟ ସହଜ ହେବ ଓ ଶିଳ୍ପ ପ୍ରତିଷ୍ଠା କ୍ଷେତ୍ରରେ ସହାୟକ ହେବ ବୋଲି କୁହାଯାଇଛି। ଜାପାନ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ପ୍ରତିପକ୍ଷ ସିଞ୍ଜୋ ଅାବେଙ୍କ ମଧ୍ୟରେ ବାର୍ଷିକ ବୈଠକ ପରେ ଟୋକିଓ ପକ୍ଷରୁ ଏଭଳି ପଦକ୍ଷେପ ନିଅାଯାଇଛି। ଅାମେରିକାର ଡଲାର ତୁଳନାରେ ଭାରତୀୟ ମୁଦ୍ରାର ଅବମୂଲ୍ୟାୟନ ଲାଗି ରହିଥିବାବେଳେ ଜାପାନ ସହ ବିନିମୟ ଚୁକ୍ତି ଯୋଗୁଁ ଭାରତର ଅର୍ଥନୀତି ସମୃଦ୍ଧ ହେବ । ପୂର୍ବରୁ ଭାରତ ଜାପାନ ସହ ଏ ରାଜିନାମା କରିସାରିଛି। ହେଲେ ଏବେ ମୋଟା ରାଶିର ଅଦଳବଦଳ ପାଇଁ ଚୁକ୍ତି ହୋଇଛି ।

୨୦୧୩ରେ ୫୦ ବିଲିଅନ ଡଲାରର ଅଦଳବଦଳ ଚୁକ୍ତି ହୋଇଥିଲା। ଏବେ ଭାରତରେ ଜାପାନ ପକ୍ଷରୁ ବିଭିନ୍ନ ପ୍ରକଳ୍ପ କାର୍ଯ୍ୟକାରୀ ହେଉଥିବାରୁ, ଅଧିକ ଅର୍ଥ ଅଦଳବଦଳ ଅାବଶ୍ୟକତା ରହିଛି ।

You might also like
Comments
Loading...