ସ୍ୱିସ୍‌ ବ୍ୟାଙ୍କରେ କଳାଟଙ୍କାର ଦ୍ୱିତୀୟ ତାଲିକା ପାଇଲା ଭାରତ

ନୂଆଦିଲ୍ଲୀ: ସୁଇସ୍‌ ବ୍ୟାଙ୍କରେ କଳାଧନର ଦ୍ୱିତୀୟ ତାଲିକା ଭାରତକୁ ମିଳିଛି। ଚୁକ୍ତି ଅନୁସାରେ ସ୍ୱିଜରଲ୍ୟାଣ୍ଡ ସରକାର କଳାଟଙ୍କାର ଦ୍ୱିତୀୟ ସୂଚନା ଭାରତ ସରକାରଙ୍କୁ ଦେଇଛନ୍ତି।

ଭାରତ ସମେତ ୮୬ଟି ଦେଶକୁ ୩୧ ଲକ୍ଷ ଆକାଉଣ୍ଟଧାରୀଙ୍କ ତଥ୍ୟ ଦିଆଯାଇଛି। ଏହାପୂର୍ବରୁ ୨୦୧୯ ସେପ୍ଟେମ୍ବରରେ ଭାରତ ସମେତ ୭୫ଟି ଦେଶକୁ କଳା ଟଙ୍କାର ତାଲିକା ଦେଇଥିଲେ ସ୍ୱିଜରଲ୍ୟାଣ୍ଡ ସରକାର। ଅଟୋମେଟିକ ଏକ୍ସଚେଞ୍ଜ ଅଫ୍ ଇନଫରମେସନ ଜରିଆରେ ସ୍ୱଜରଲ୍ୟାଣ୍ଡର ଫେଡରାଲ ଟ୍ୟାକ୍ସ ଆଡମିନଷ୍ଟ୍ରେସନ(ଏଫ୍‌ଟିଏ) କଳା ଟଙ୍କାର ସୂଚନା ଆଦାନ ପ୍ରଦାନ କରୁଛି।

ଏ ସମ୍ପର୍କରେ ସୂଚନା ଦେଇ ଏଫ୍‌ଟିଏ କହିଛି, ଭାରତ ସେପ୍ଟେମ୍ବର ୨୦୧୯ରେ ଅଟୋମେଟିକ୍ ଏକ୍ସଚେଞ୍ଜ୍ ଅଫ୍ ଇନଫରମେସନ ଜରିଆରେ ସ୍ୱିଜରଲ୍ୟାଣ୍ଡ ଠାରୁ ସ୍ୱିସ୍‌ ଆକାଉଣ୍ଟଧାରୀଙ୍କ ପ୍ରଥମ ତାଲିକା ଗ୍ରହଣ କରିଥିଲା। ଭାରତ ସହ ଏହି ସମୟରେ ୭୫ଟି ଦେଶକୁ ତଥ୍ୟ ଦିଆଯାଇଥିଲା। ଚଳିତ ବର୍ଷ ପ୍ରାୟ ୩୧ ଲକ୍ଷ ଆକାଉଣ୍ଟଧାରୀଙ୍କ ତଥ୍ୟ ୮୬ଟି ଦେଶକୁ ଦିଆଯାଇଛି। ତେବେ ଏଥିରେ ଆକାଉଣ୍ଟଧାରୀଙ୍କ ନାଁ କିମ୍ବା ଠିକଣା ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ।

ତେବେ ଏହି ୩୧ ଲକ୍ଷ ଆକାଉଣ୍ଟଧାରୀଙ୍କ ମଧ୍ୟରେ ଭାରତୀୟ ନାଗରିକ ଓ ଅନୁଷ୍ଠାନଗୁଡ଼ିକର ସଂଖ୍ୟା ଅଧିକ ରହିଛି। ଗତ ଏକ ବର୍ଷ ମଧ୍ୟରେ ସ୍ୱିସ୍ କର୍ତ୍ତୃପକ୍ଷ ୧୦୦ରୁ ଅଧିକ ଭାରତୀୟ ନାଗରିକ ଓ ଅନୁଷ୍ଠାନ ବିଷୟରେ ସରକାରଙ୍କୁ ସୂଚନା ଦେଇଛନ୍ତି। ୨୦୧୮ ପୂର୍ବରୁ ବନ୍ଦ ହୋଇଯାଇଥିବା ଅଧିକାଂଶ ଆକାଉଣ୍ଟ ବିଷୟରେ ବିସ୍ତୃତ ତଥ୍ୟ ଦିଆଯାଇଛି।

ଅନ୍ୟପକ୍ଷରେ ୨୦୧୮ରୁ ହିଁ ସ୍ୱିଜରଲ୍ୟାଣ୍ଡ ସରକାର ଏଭଳି ତଥ୍ୟ ଆଦାନ ପ୍ରଦାନ କରୁଛନ୍ତି। କିନ୍ତୁ ସେତେବେଳେ ଭାରତ ଏହାର ଅଂଶବିଶେଷ ନଥିଲା। ୨୦୧୮ରେ ସ୍ୱିସ ସରକାର ୩୬ଟି ଦେଶ ସହ ଆକାଉଣ୍ଟଧାରୀଙ୍କ ତଥ୍ୟ ଆଦାନ ପ୍ରଦାନ କରିଥିଲେ।

ଆହୁରି ପଢ଼ନ୍ତୁ

‘ଶକ୍ତି କ୍ଷେତ୍ରରେ ଭାରତର ଭବିଷ୍ୟତ ଉଜ୍ଜ୍ୱଳ ଓ ସୁରକ୍ଷିତ’

ଭାଇରାଲ ହେଉଛି ରାବଣଙ୍କ ଭାଙ୍ଗଡ଼ା

ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ କ୍ରିକେଟ ଟିମ ଘୋଷଣା

ମଣିଷ ଶରୀରରେ କରୋନା ଟିକା ଦିଆଯିବା ପରେ ଆସିଲା ରୋଚକ ତଥ୍ୟ

କାର୍ଗି‌ଲ୍‌ ଯୁଦ୍ଧକୁ ନେଇ ବଡ ଖୁଲାସା କଲେ ନବାଜ ସରିଫ

ପୁରୁଣା ମ୍ୟାପ ସହ ବିଜୟାଦଶମୀ ବାର୍ତ୍ତା ଦେଲେ ଓଲି

ଡୋଭାଲଙ୍କ ଚେତାବନୀ -‘ବିପଦ ଆସିଲେ ଛାଡ଼ିବୁନି’

ବିଜୟାଦଶମୀରେ ଶସ୍ତ୍ର ପୂଜା ପରେ ଡ୍ରାଗନକୁ ଏମିତି ଚେତାବନୀ ଦେଲେ ପ୍ରତିରକ୍ଷା ମନ୍ତ୍ରୀ

ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କରୋନା ଆକ୍ରାନ୍ତ

ଯେମିତି ନିର୍ବାଚନ, ସେଇ ପଦ୍ଧତିରେ ହେବ ଦେଶରେ କୋଭିଡ୍ ଟିକାକରଣ

ଆର୍‌ବିଆଇ ଗଭର୍ଣ୍ଣରଙ୍କୁ କରୋନା

ସିଏଏକୁ ନେଇ ମୋହନ ଭାଗବତଙ୍କ ମନ୍ତବ୍ୟରେ କଡ଼ା ପ୍ରତିକ୍ରିୟା ରଖିଲେ ଅସଦୁଦ୍ଦିନ ଓୱେସୀ

You might also like