‘କରୋନା ଭ୍ୟାକ୍ସିନ୍‌ ତିଆରି କରିବା ଦିଗରେ ଅନ୍ୟ ଦେଶ ତୁଳନାରେ ଭଲ କାମ କରୁଛି ଭାରତ’

ନୂଆଦିଲ୍ଲୀ: ବିଶ୍ୱ ସହିତ କାନ୍ଧରେ କାନ୍ଧ ମିଳାଇ କରୋନା ଭ୍ୟାକ୍ସିନ୍‌ ତିଆରି କରିବାରେ କାର୍ଯ୍ୟ କରୁଛି ଭାରତ। ଏ କ୍ଷେତ୍ରରେ ଅନ୍ୟ ଦେଶ ତୁଳନାରେ ଭାରତ ଭଲ କାମ କରୁଛି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ  କରୋନା ବିରୋଧୀ ପ୍ରତିଷେଧକ ବାବଦରେ ସୂଚନା ଦେବା ବେଳେ ଆଜି ଏହା କହିଛନ୍ତି ଯୁଗ୍ମ ସଚିବ ଲବ୍‌ ଅଗ୍ରୱାଲ।

ସେ କହିଛନ୍ତି, ଏହି ଅବସରେ କୁହାଯାଇଛି କୋଭିଡ୍‌-୧୯ର ମୁକାବିଲା ପାଇଁ ପ୍ରଭାବୀ ପ୍ରତିଷେଧକ ବା ଭ୍ୟାକ୍‌ସିନ୍‌ ପ୍ରସ୍ତୁତି ପାଇଁ ବିଶ୍ୱସ୍ତରର ସହଯୋଗୀଙ୍କ ସହ ଭାରତ କାମ କରୁଛି। ଆମେ ଆହୁରି ମଧ୍ୟ ଭାଇରାଲ ସିକ୍ୱେନ୍ସିଂ ଏବଂ ଭ୍ୟାକ୍ସିନ୍‌ ଡେଭଲପମେଣ୍ଟ ଆଦି ଉପରେ କାମ କରୁଛୁ। ଆମେ ପ୍ରକ୍ରିୟା ତ୍ୱରିତ କରିବାକୁ ପ୍ରୟାସ କରୁଛୁ। ଅନ୍ୟ ଦେଶ ତୁଳନାରେ ଭାରତ ଭଲ କାମ କରୁଛି, ଏବେ ଏହି ପ୍ରୟାସକୁ ଆହୁରି ବ୍ୟାପକ କରିବାର ଅଛି ବୋଲି ସଚିବ କହିଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ କାଉନସିଲ୍‌ ଅଫ୍‌ ସାଇଣ୍ଟିଫିକ୍‌ ଆଣ୍ଡ ଇଣ୍ଡଷ୍ଟ୍ରିଆଲ ରିସର୍ଚ୍ଚଗୁଡ଼ିକ ପିପିଇ କିଟ୍‌ ପାଇଁ ସ୍ୱଦେଶୀ ଟେକ୍ନୋଲୋଜିରେ କାମ କରୁଛନ୍ତି। ଏତଦ୍‌ବ୍ୟତୀତ ଅକ୍ସିଜେନ୍‌ କନ୍‌ସେଣ୍ଟ୍ରେଟରର୍ସ, ଭେଣ୍ଟିଲେଟର୍ ଏବଂ ଅନ୍ୟ ସପୋର୍ଟ ଡିଭାଇସ୍‌ ପାଇଁ କାମ କରୁଛନ୍ତି।

ଏତଦ୍‌ବ୍ୟତୀତ ସିଏସ୍‌ଆଇଆର ବର୍ତ୍ତମାନ ରାପିଡ୍‌ ଟେଷ୍ଟିଂ କିଟ୍‌ସ ଏବଂ ରାପିଡ୍‌ ଆଣ୍ଟିବଡି କିଟ୍ସ ଉପରେ କାମ କରୁଛି। ମେ ମାସ ସୁଦ୍ଧା ଭାରତ ମାସକୁ ଉଭୟ ପ୍ରକାରର କିଟ୍‌ ୧୦ ଲକ୍ଷ ଲେଖାଏ ପ୍ରସ୍ତୁତ କରିବ। ଗୋଟିଏ ଦିନ ତୁଳନାରେ ଅନ୍ୟ ଏକ ଦିନର କରୋନା ଆକ୍ରାନ୍ତଙ୍କ ସଂଖ୍ୟା ତୁଳନା କଲେ ଏତିରେ ୪୦% ହ୍ରାସ ପରିଲକ୍ଷିତ ହେଉଛି।

ଭାରତରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୩,୮୩୫ରେ ପହଞ୍ଚିଛି। ଅନ୍ୟପକ୍ଷରେ ଭୟଙ୍କର ଭାଇରସ୍‌ କରୋନା କାରଣରୁ ଏଯାଏ ମୋଟ ୪୫୨ ଜଣଙ୍କର ମୃତ୍ୟୁ ହେଲାଣି।

You might also like