ଲଦାଖରୁ ସେନା ଅପସାରଣ କଲେ ଚୀନ-ଭାରତ

ନୂଆଦିଲ୍ଲୀ:ପୂର୍ବ ଲଦାଖ ବର୍ଡର ପାଖରେ ତିନୋଟି ସ୍ଥାନରେ ଚୀନ-ଭାରତ ନିଜ ନିଜ ସେନାକୁ ପଛକୁ ହଟାଇଛନ୍ତି। ତେବେ ଭାରତ ଏକଥା ସ୍ପଷ୍ଟ କରଛି ଯେ, ଆଇନ ଅଫ ଆକ୍ଚୁଆଲ କଣ୍ଟ୍ରୋଲ (LAC) ରେ ଉତ୍ତେଜନା ସେତିକିବେଳେ ହ୍ରାସ ପାଇବ ଯେତେବେଳେ ଚୀନ ତା’ର ସବୁ ସେନା ଅପସାରଣ କରିବ।

ଚୀନ୍‌ ଭାରତ ସୀମାର ଅତି ନିକଟବର୍ତ୍ତୀ ଅଞ୍ଚଳରେ ଆର୍ଟିଲରୀ ଏବଂ ଟେକ ରେଜିମେଣ୍ଟକୁ ମୁତୟନ କରିଛି। ବୁଧବାର ଦୁଇଦେଶର ସେନା ଅଧିକାରୀ ସ୍ତରୀୟ ଆଲୋଚନା ହୋଇଥିଲା। ତେବେ ତାହା ପୂର୍ବରୁ ଜୁନ ୬ ତାରିଖ ମିଲିଟାଣୀ କମାଣ୍ଡର ସ୍ତରୀୟ ଆଲୋଚନା ପରେ ଦୁଇ ଦେଶ ନିଜ ନିଜ ସେନାକୁ ପ୍ରତ୍ୟାହାର କରି ନେଇଛନ୍ତି।

ଦୁଇ ଦେଶ ଗଲବାନ ଘାଟି ଅଞ୍ଚଳ (ପାଟ୍ରୋଲିଂ ପଏଣ୍ଟ ୧୪ ଏବଂ ୧୫), ହଟ ସ୍ପ୍ରିଙ୍ଗ୍ସ (ପାଟ୍ରୋଲିଂ ପଏଣ୍ଟ ୧୭)-ଏହି ତିନୋଟି ପଏଣ୍ଟରୁ ଦୁଇ ଦେଶ ନିଜ ନିଜର ସେନା ଅପସାରଣ କରିଛି। ଉଭୟ ସେନା ପ୍ରାୟ ତିନି ସ୍ଥାନରୁ ପ୍ରାୟ ୨ରୁ ୨.୫ କିମି ପଛକୁ ହଟିଛନ୍ତି।

ତେବେ ପୂର୍ବ ଲଦାଖ ସେକ୍ଟରରେ ଉତ୍ତେଜନା ଜାରି ରହିଛି। ତେବେ ଚୀନ ନିଜ ସେନା ସହ ଅନ୍ୟ ସରଞ୍ଜାମ ଏଠାରୁ ହଟାଇବା ପରେ ହିଁ ସୀମାରେ ଉତ୍ତେଜନା ହ୍ରାସ ପାଇବ। ମିଳିଥିବା ଖବରରୁ ଜଣାଯାଇଛି, ଚୀନକୁ ମୁହଁତୋଡ ଜବାବ ଦେବା ପାଇଁ ଭାରତ ଲଦାଖ ସେକ୍ଟରରେ ୧୦ ହଜାରରୁ ଅଧିକ ସେନା ମୁତୟନ କରିଛି।

ଅନ୍ୟପକ୍ଷେ ଗତ ୬ ତାରିଖରେ ଦୁଇ ଦେଶ ମଧ୍ୟରେ ହୋଇଥିବା ଆଲୋଚନା ସକରାତ୍ମକ ହୋଇଥିବା କହିଥିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ।

You might also like