ପୁଣିଥରେ ବଢ଼ିଲା ଆୟକର ରିଟର୍ଣ୍ଣ ଅବଧି

ନୂଆଦିଲ୍ଲୀ: ୨୦୧୯-୨୦ ଆର୍ଥିକ ବର୍ଷର ଆୟକର ରିଟର୍ଣ୍ଣ ଫାଇଲ୍ ଅବଧିକୁ କେନ୍ଦ୍ର ସରକାର ବଢ଼ାଇ ଦେଇଛନ୍ତି। ତେବେ ଏହି ଅବଧିକୁ ୩୧ ଡିସେମ୍ୱର ୨୦୨୦କୁ ବୃଦ୍ଧି କରାଯାଇଛି।

ଏହା ସହ ଯେଉଁ କରଦାତା ବା କମ୍ପାନୀ ଗୁଡ଼ିକର ଆକାଉଣ୍ଟକୁ ଅଡିଟ୍‌ କରିବା ଜରୁରୀ ସେମାନଙ୍କ ପାଇଁ ଏହି ଅବଧି ଦୁଇ ମାସ ବଢ଼ାଯାଇ ୩୧ ଜାନୁଆରି ୨୦୨୧ ପର୍ଯ୍ୟନ୍ତ କରାଯାଇଛି।

ପୂର୍ବରୁ ମେ ମାସରେ ଏହି ଅବଧିକୁ ଜୁଲାଇ ୩୧ରୁ ନଭେମ୍ୱର ୩୦ ପର୍ଯ୍ୟନ୍ତ ସରକାର ବଢ଼ାଇ ଥିଲେ। କରୋନା ମହାମାରୀ କାରଣରୁ କର ଦାତାଙ୍କୁ କିଛି ଦିନ ପାଇଁ ଆଶ୍ୱସ୍ତି ଦିଆଯାଇଥିଲା।

ସେଣ୍ଟ୍ରାଲ ବୋର୍ଡ ଅଫ ଡାଇରେକ୍ଟ ଟ୍ୟାକ୍ସ ବା ସିବିଡିଟି ଆୟକର ସମୟସୀମା ବୃଦ୍ଧି କରି କହିଛି ଯେ, ଏହି ଅବଧିର ବୃଦ୍ଧି କର ଦାତାଙ୍କୁ ରିଟର୍ଣ୍ଣ ଫାଇଲ୍‌ କରିବାରେ ସହାୟକ ହେବ।

You might also like