ଅଗଷ୍ଟ ୧୧ରେ ଶପଥ ନେଇପାରନ୍ତି ଇମ୍ରାନ ଖାନ୍

ଇସ୍‌ଲାମାବାଦ : ଆସନ୍ତା ଅଗଷ୍ଟ ୧୧ ତାରିଖରେ ପାକିସ୍ତାନର ପ୍ରଧାନମନ୍ତ୍ରୀ ଭାବେ ଶପଥ ନେଇପାରନ୍ତି ପାକିସ୍ତାନ ତେହରିକ୍‌ -ଇ-ଇନ୍‌ସାଫ ସୁପ୍ରିମୋ ଇମ୍ରାନ ଖାନ୍। ପାକିସ୍ତାନ ଗଣମାଧ୍ୟମରେ ଏନେଇ ଚର୍ଚ୍ଚା ହେବା ସହ ରେଡିଓ ପାକିସ୍ତାନରେ ମଧ୍ୟ ଏହି ଖବର ପ୍ରସାରିତ ହୋଇଛି।

ପୂର୍ବରୁ ତାଙ୍କ ଦଳର ମୁଖପାତ୍ର ଦେଶର ସ୍ୱାଧୀନତା ଦିବସ ଅଗଷ୍ଟ ୧୪ ପୂର୍ବରୁ ଇମ୍ରାନ ପ୍ରଧାନମନ୍ତ୍ରୀ ଭାବେ ଶପଥ ନେବେ ବୋଲି କହିଥିଲେ। ସେପଟେ ସଂଖ୍ୟା ଗରିଷ୍ଠତା ପାଇଁ ପିଟିଆଇ ପକ୍ଷରୁ କସରତ ଜାରି ରହିଛି। ସରକାର ଗଢିବା ପାଇଁ ଆବଶ୍ୟକ ଆହୁରି ୨୨ଟି ଆସନ।

ତେବେ ଏନେଇ ଏମ.କ୍ୟୁ.ଏମ, ପି.ଏମ.ଏଲ-କଏଦ୍ ଏବଂ ବଲୁଚି ଆୱାମି ପାର୍ଟି  ସହ ଆଲୋଅଚନ ଜାରି ରହିଥିବା ଦଳ ପକ୍ଷରୁ କୁହାଯାଇଛି। ଗତ ୨୫ତାରିଖରେ ହୋଇଥିବା ସାଧାରଣ ନିର୍ବାଚନରେ ଇମ୍ରାନଙ୍କ ପିଟିଆଇ ସର୍ବାଧିକ ୧୧୬ଟି ଆସନ ହାସଲ କରିଥିଲା।

You might also like