ଇସ୍ରାଏଲକୁ ଖୋଲା ଧମକ ଦେଲା ଆତଙ୍କୀ ସଂଗଠନ, ‘ଆଜି ରାତିକୁ ଅପେକ୍ଷା କର..’

ବିରୁଟ୍‌: ଆମେରିକା ଓ ଇସ୍ରାଏଲ ଦ୍ୱାରା ଆତଙ୍କୀ ସଂଗଠନ ଘୋଷିତ ହୋଇଥିବା ହେଜବୋଲା ଖୋଲାଖୋଲି ଆକ୍ରମଣ ପାଇଁ ଧମକ ଦେଇଛି। ସିରିଆର ଇହୁଦି ପ୍ରଦେଶରେ ଇରାନ ଆକ୍ରମଣ କରିବ ବୋଲି ଇସ୍ରାଏଲ ଆଶଙ୍କା କରିଥିଲା। ଏହାକୁ ପ୍ରତିରୋଧ କରିବା ପାଇଁ ଇସ୍ରାଏଲ ପକ୍ଷରୁ ଏୟାର ଷ୍ଟ୍ରାଇକ୍‌ କରାଯାଇଥିଲା।

ତେବେ ଏହି ଏୟାର ଷ୍ଟ୍ରାଇକ୍‌ରେ ଦୁଇ ଜଣ ହେଜବୋଲା ସଦସ୍ୟ ପ୍ରାଣ ହରାଇଥିବାରୁ ସଂଗଠନ ମୁଖ୍ୟ ଏହାର ବଦଲା ନେବାକୁ ପଣ କରିଛନ୍ତି। ସଂଗଠନର ମୁଖ୍ୟ ହାସନ ନଶରାଲ୍ଲା କହିଛନ୍ତି, “୨୦୦୬ଠାରୁ ଇସ୍ରାଏଲ ଓ ହେଜବୋଲା ମଧ୍ୟରେ ଯୁଦ୍ଧ ଚାଲିଛି। ତେବେ ଇସ୍ରାଏଲ ପ୍ରଥମଥର ପାଇଁ ଏଭଳି ବଡ଼ ଧରଣର ଆକ୍ରମଣ କରିଛି।

ଆମ ଭିତରେ ୩୩ ଦିନ ଧରି ତୀବ୍ର ଯୁଦ୍ଧ ଚାଲିଥିଲା। ଏଥିରେ ଲେବାନନର ୧୨ଶହ ଲୋକ ପ୍ରାଣ ହରାଇଥିଲେ। ଇସ୍ରାଏଲର ମଧ୍ୟ ୧୬୦ଙ୍କ ଜୀବନ ଯାଇଥିଲା। ଏହାପରେ ମିଳିତ ଜାତିସଂଘର ସୁରକ୍ଷା ପରିଷଦ ଏକ ସଂକଳ୍ପ ପାରିତ କରିଥିଲା। ହେଲେ ଏବେ ଇସ୍ରାଏଲ ଆକ୍ରମଣ କରି ଏହି ଚୁକ୍ତିକୁ ଉଲ୍ଲଙ୍ଘନ କରିଛି।

ଏଭଳି ଆକ୍ରମଣକୁ ରୋକିବା ପାଇଁ ଏବେ ହେଜବୋଲା ସବୁ ପ୍ରକାରର ପଦକ୍ଷେପ ଗ୍ରହଣ କରିବାକୁ ପ୍ରସ୍ତୁତ ରହିଛି। ଇସ୍ରାଏଲ ଆଜି ରାତିକୁ ଅପେକ୍ଷା କରୁ। ଆଜି ରାତି ପରଠାରୁ ଇସ୍ରାଏଲରେ କ’ଣ ସବୁ ଘଟିବ, ସେକଥା କେହି ବି ବିଶ୍ୱାସ କରିପାରିବେ ନାହିଁ। ଇସ୍ରାଏଲର ବିମାନ ଆସି ଲେବାନନର କିଛି ଅଂଶରେ ବୋମା ମାଡ଼ କରି ଚାଲିଗଲେ। ହେଲେ ଏବେ ଇସ୍ରାଏଲ ଆମକୁ ଅପେକ୍ଷା କରିବ। ”

ହେଜବୋଲାକୁ ଇସ୍ରାଏଲ ଓ ଆମେରିକା ଆତଙ୍କୀ ସଂଗଠନ କହିଥିଲେ ହେଁ ଲେବାନନ୍‌ ଓ ସିରିଆରେ ଏହା ଏକ ରାଜନୈତିକ ଦଳର ମାନ୍ୟତା ପାଇଛି।

ଆହୁରି ପଢ଼ନ୍ତୁ

ମଦ ଢାଳି ଭୂମି ପୂଜନ କଲେ ବିଧାୟକ

ମୁଙ୍ଗେର ଗୁଳିକାଣ୍ଡ ପ୍ରତିବାଦରେ ବ୍ୟାପକ ହିଂସାକାଣ୍ଡ, ତଦନ୍ତ ନିର୍ଦ୍ଦେଶ ଦେଲେ ସିଇସି

ଫ୍ରାନ୍ସରେ ଆତଙ୍କବାଦୀ ଆକ୍ରମଣ

ବିବାଦୀୟ ମାନଚିତ୍ର ନେଇ ସଂସଦୀୟ କମିଟି ପାଖରେ କ୍ଷମା ମାଗିଲା ଟ୍ୱିଟର

ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ପରଲୋକ

ଜେଇଇ ମେନ୍‌ରେ ଟପ୍ କରିଥିବା ପରୀକ୍ଷାର୍ଥୀ ଗିରଫ

୬୫ ବର୍ଷରେ ବିବାହ କଲେ ବରିଷ୍ଠ ଓକିଲ ହରିଶ ସାଲ୍‌ଭେ

ଲ୍ୟାଣ୍ଡ ମାଇନ୍ସ ବିଛାଉଥିବାବେଳେ ବିସ୍ଫୋରଣ; ୧୨ରୁ ଅଧିକ ସେନା ମୃତ

୬୦ ବର୍ଷୀୟ ବୃଦ୍ଧଙ୍କ ଆଖିରୁ ବାହାରିଲା ୨୦ ଜୀବନ୍ତ କୃମି

ଭୟରେ ପାଦ ଥରୁଥିଲା, ଝାଳରେ ଭିଜି ଯାଇଥିଲେ ପାକ୍‌ ଆର୍ମି ଚିଫ୍, ଶେଷରେ ଅଭିନନ୍ଦନଙ୍କୁ ଛାଡି ଦେଇଥିଲେ

ବେଷ୍ଟ୍‌ କଷ୍ଟ୍ୟୁମ୍ ଡିଜାଇନର୍ ପୁରସ୍କାର ପାଇବେ ଏହି ଦିନ ମଜୁରିଆ

କରୋନା କାଳରେ ପୋଲିସ ଦମନଲୀଳାକୁ ଭର୍ତ୍ସନା କଲେ ସୁପ୍ରିମକୋର୍ଟ

You might also like