କେନ୍ଦ୍ର ସରକାରଙ୍କ ଆଉ ଏକ ଭେଟି : ଘର କିଣିବା ଉପରେ ଜିଏସ୍‌ଟି ହ୍ରାସ 

ନୂଆଦିଲ୍ଲୀ: ନିର୍ବାଚନ ପୂର୍ବରୁ କେନ୍ଦ୍ର ସରକାରଙ୍କ ଆଉ ଏକ ଭେଟି। ଘର ବିକ୍ରି ଉପରେ ଜିଏସ୍‌ଟି ହ୍ରାସ ଲାଗି ନିଷ୍ପତ୍ତି ନେଇଛନ୍ତି ସରକାର। ଖାସ୍ କରି ମଧ୍ୟମ ଓ ନିମ୍ନ ମଧ୍ୟବିତ୍ତଙ୍କ ଲାଗି ଉଦ୍ଦିଷ୍ଟ  ଶସ୍ତା ଘର ବା ଆଫୋଡେବଲ୍‌ ହାଉସ ଉପରେ ଜିଏସ୍‌ଟିକୁ ୧ ପ୍ରତିଶତକୁ ଖସାଇ ଦିଆଯାଇଛି।

ପୂର୍ବରୁ ଏହା ୮ ପ୍ରତିଶତ ଥିଲା। ଆଫୋଡେବଲ ହାଉସର ସଂଜ୍ଞା ମଧ୍ୟ ପରିବର୍ତ୍ତନ କରାଯାଇଛି। ମେଟ୍ରୋରେ ୬୦ ବର୍ଗ ମିଟର ଓ ଅନ୍ୟ ସହରରେ ୯୦ ବର୍ଗ ମିଟରରୁ କମ୍ ଜମିରେ ନିର୍ମିତ ଘରକୁ ଏହି ଶ୍ରେଣୀରେ ନିଆଯିବ।

ସେହିପରି ବିକ୍ରି ଲାଗି ଉଦ୍ଦିଷ୍ଟ ଓ ନିର୍ମାଣାଧୀନ ଅବସ୍ଥାରେ ଥିବା ଘର ଉପରେ ବି ଜିଏସ୍‌ଟି ହ୍ରାସ କରାଯାଇଛି। ପୂର୍ବରୁ ଏହା ୧୨ ପ୍ରତିଶତ ଥିବା ବେଳେ ଏହାକୁ କମାଇ ୫ ପ୍ରତିଶତ କରାଯାଇଛି। ଆଜି ବସିଥିବା ଜିଏସ୍‌ଟି କାଉନସିଲ୍‌ ବୈଠକରେ ଏହି ନିଷ୍ପତ୍ତି ନିଆଯାଇଛି।

You might also like