ଏସ୍‌ସି ଏସ୍‌ଟି ସଂଶୋଧନ ବିଲ୍‌ ପ୍ରସଙ୍ଗରେ ସଂସଦରେ ହଙ୍ଗାମା

ନୂଆଦିଲ୍ଲୀ : ଏସ୍‌ସି ଏସ୍‌ଟି ସଂଶୋଧନ ବିଲ୍‌ ପ୍ରସଙ୍ଗରେ ସଂସଦରେ ହଙ୍ଗାମା ଜାରି। ଏସ୍‌ସି ଏସ୍‌ଟି ସଂଶୋଧିତ ବିଲ୍ ପ୍ରସଙ୍ଗରେ ଅାଜି ଲୋକସଭାରେ ବିରୋଧୀ ଜୋରଦାର ହଙ୍ଗାମା କରିଥିଲେ। ଏସ୍‌ସି ଏସ୍‌ଟି ବିଲ୍ ପ୍ରସଙ୍ଗରେ ଗୃହର ଚଳିତ ଅଧିବେଶନରେ ବିଲ୍ ଅାଗତ ହେବ ବୋଲି କହିଛନ୍ତି ଗୃହମନ୍ତ୍ରୀ ରାଜନାଥ ସିଂହ।

ଚଳିତ ଅଧିବେଶନରେ ଏହି ବିଲ୍‌କୁ ଅନୁମୋଦନ କରିବାକୁ କେନ୍ଦ୍ର ସରକାର ଉଦ୍ୟମ କରିବେ ବୋଲି କହିଛନ୍ତି କେନ୍ଦ୍ର ଗୃହମନ୍ତ୍ରୀ। ଗତକାଲି କେନ୍ଦ୍ର କ୍ୟାବିନେଟ୍‌ ବୈଠକରେ ଏ ସଂକ୍ରାନ୍ତ ବିଲ୍‌କୁ ମଞ୍ଜୁରୀ ମିଳିଛି। ଏସ୍‌ସି ଏସ୍‌ଟି ବିଲ୍‌କୁ ନେଇ ଅାସନ୍ତା ଅଗଷ୍ଟ୯ରେ ଦଳିତ ସଂଗଠନ ମାନଙ୍କ ପକ୍ଷରୁ ଭାରତ ବନ୍ଦ ଡାକରା ଦିଅାଯାଇଥିବା ବେଳେ ଏହା ପୂର୍ବରୁ କେନ୍ଦ୍ର ସରକାର ମୁଣ୍ଡ ନୁଆଁଇବାକୁ ବାଧ୍ୟ ହୋଇଛି।

ବିଭିନ୍ନ ଏସ୍‌ସି,ଏସ୍‌ଟି ଅାଇନର ଦୁରୁପଯୋଗ ହେଉଥିବା ଅଭିଯୋଗ କରି ଗତ ମାର୍ଚ୍ଚ ୨୦ରେ ସୁପ୍ରିମ୍‌କୋର୍ଟ ଚିନ୍ତାବ୍ୟକ୍ତ କରିଥିଲେ। ଏହି ଅାଇନ ବଳରେ କର୍ତ୍ତବ୍ୟରତ ଅଧିକାରୀ ମାନଙ୍କୁ ତୁରନ୍ତ ଗିରଫ କରାଯାଇପରିବ ନାହିଁ ବୋଲି ଜଷ୍ଟିସ୍‌ ଅାଦର୍ଶ ଗୋଏଲ ଓ ଜଷ୍ଟିସ୍‌ ୟୁ. ୟୁ. ଲଳିତଙ୍କୁ ନେଇ ଗଠିତ ଖଣ୍ଡପୀଠ ସ୍ପଷ୍ଟ କରିବା ସହ ଏଥିରେ ସଂଶୋଧନ ଅାଣିଥିଲେ।

ଏହାଦ୍ୱାରା ଉକ୍ତ ଅାଇନକୁ ଦୁର୍ବଳ କରିଦିଅାଯାଇଥିବା ଅଭିଯୋଗ କରି ଦଳିତ ଅାନ୍ଦୋଳନ ହୋଇଥିଲା। ଯେଉଁଥିରେ ପ୍ରାୟ ୧୨ ଜଣଙ୍କ ମୃତ୍ୟୁ ହୋଇଥିଲା। ତେବେ ଅାସନ୍ତା ୯ରେ ପୁଣି ଅାନ୍ଦୋଳନ ଡାକରା ଦିଅାଯାଇଥିବାରୁ ସରକାର ଏବେ ଏହି ଅାଇନକୁ ବଳବତ୍ତର ରଖିବା ଲାଗି ନିଷ୍ପତ୍ତି ନେଇଛନ୍ତି।

You might also like