ଡୋମେନ୍‌ରେ ପରିବର୍ତ୍ତନ କଲା କି ଗୁଗଲ ? ବ୍ଲଗ୍‌ ଆକାଉଣ୍ଟକୁ ଆକ୍ସେସ୍ କରିପାରୁ ନାହାଁନ୍ତି ବ୍ଲଗର୍‌

ନୂଆଦିଲ୍ଲୀ: ଭାରତରେ ଅନେକ ବ୍ଲଗ୍‌ର ବର୍ତ୍ତମାନ ତାଙ୍କ ବ୍ଲଗ ଆକାଉଣ୍ଟକୁ ଆକ୍ସେସ୍ କରିପାରୁ ନାହାଁନ୍ତି। ତା ସହିତ ଭାରତୀୟ ଡୋମେନ୍‌ ଥିବା ଅନେକ ୱେବ୍‌ ପେଜ୍ ମଧ୍ୟ ଆକ୍ସେସ୍‌ ହେଉନଥିବା ଅଭିଯୋଗ ହେଉଛି। ଗୁଗଲ URLs blogspot.in. ଉପରେ ନିୟନ୍ତ୍ରଣ କରିପାରୁ ନଥିବାରୁ ଏପରି ଅସୁବିଧା ସୃଷ୍ଟି ହୋଇଛି। କିନ୍ତୁ ବ୍ଲଗ୍ ୟୁଜର ଏହାର URLsକୁ blogspot.com.ରେ ବଦଳାଇଲା ପରେ ଯାଇ ବ୍ଲଗ୍ ଶୋ କରୁଥିବା ଅଭିଯୋଗ ଆସୁଛି।

Next Webର ରିପୋର୍ଟ ଅନୁସାରେ, ଗୁଗଲର ଆଉ blogspot.in ଡୋମେନ୍‌ ପାଇଁ ମାଲିକାନା ନାହିଁ। ତେଣୁ ଏପରି ସମସ୍ୟା ହେଉଛି। ତେବେ ସତରେ ଏହି ଡୋମେନ୍‌ ଉପରେ ଗୁଗଲ ମାଲିକାନା ହରାଇଛି କି ନାହିଁ ସେ ନେଇ ଗୁଗଲ ପକ୍ଷରୁ କୌଣସି ସ୍ପଷ୍ଟ ରିପୋର୍ଟ ଆସିନାହିଁ। ତେବେ blogspot.in ବ୍ୟବହାର କରୁଥିବା ନିୟମିତ ବ୍ଲଗରମାନେ ଏବେ ନିଜ ଡୋମେନ୍‌ ବ୍ୟବହାର କରିପାରିବେ।

Blogspot.in ହେଉଛି ଗୁଗଲ ବ୍ଲଗରର ଏକ ଅଂଶ। ପୂର୍ବରୁ ଏହା ବ୍ଲଗ୍‌ସ୍ପଷ୍ଟ୍ ନାମରେ ପରିଚିତ। ୨୦୦୩ରେ ଗୁଗଲ ଆଣିଥିଲା।ଟେକ୍‌ ୱେବ୍‌ସାଇଟ୍‌ Neowinର ରିପୋର୍ଟ ଅନୁସାରେ, ଦେଶପାଇଁ ସ୍ୱତନ୍ତ୍ର ହୋଇଥିବା ଡୋମେନଗୁଡ଼ିକ ଅଲଗା ବ୍ଲଗ୍‌ ଆଡ୍ରେସ୍‌ ନୁହେଁ, ଏହା କେବଳ ୟୁଜର ରହୁଥିବା ଦେଶକୁ ଆଧାର କରି ତିଆରି ହୋଇଥିବା ଏକ ନୂଆ ରୂପ।

ଯେତେବେଳେ ଜଣେ ୟୁଜର ଭାରତରେ ବ୍ଲଗ ବ୍ୟବହାର କରିବେ ସେତେବେଳେ blogspot.com. ବଦଳରେ ତାଙ୍କୁ blogspot.in ଉପରେ ସର୍ଚ୍ଚ କରିବାକୁ ପଡ଼ିବ। ଫେବ୍ରୁଆରୀ ୨୦୧୩ରେ ଦେଶପାଇଁ  ସ୍ୱତନ୍ତ୍ର URLs କିଣିଥିଲା ବ୍ଲଗର। ସ୍ଥାନୀୟ ନିୟମ ଉଲ୍ଲଂଘନ କରୁଥିବା  କଣ୍ଟେଣ୍ଟକୁ ହଟାଇ ଦେବାକୁ ଏହି ବ୍ୟବସ୍ଥା କରାଯାଇଥିଲା।

 

You might also like