କମିଲା ସୁନା ଓ ରୂପା ଦର

ନୂଆଦିଲ୍ଲୀ: ଲଗାତାର ତିନି ଧରି ସୁନା ଓ ରୂପା ଦରରେ ହ୍ରାସ ଦେଖିବାକୁ ମିଳିଥିବା ବେଳେ ଆଜି ମଧ୍ୟ ଏହି ଦରରେ ହ୍ରାସ ଦେଖିବାକୁ ମିଳିଛି। ଆଜି ଟ୍ରେଡିଂ ଆରମ୍ଭରୁ ସୁନା ଓ ରୂପା ଦରରେ ହ୍ରାସ ଦେଖିବାକୁ ମିଳିଥିଲା।

ଆଜି ଦିନ ୧୧ଟା ୭ ରେ ସୁନା ଦର Multi Commodity Exchange(MCX)ରେ ୨୦୮ଟଙ୍କା ହ୍ରାସ ସହ ପ୍ରତି ୧୦ ଗ୍ରାମକୁ ୪୯,୩୦୦ଟଙ୍କାରେ କାରବାର ଚାଲିଥିଲା। ଏହାପରେ ମଧ୍ୟ ସୁନା ଦରରେ ହ୍ରାସ ଦେଖିବାକୁ ମିଳିଥିଲା। ଦିନ ୧୧ଟା ୯ ରେ ରୂପା ଦର MCXରେ ୨,୧୮୮ଟଙ୍କା ହ୍ରାସ ସହ ପ୍ରତି କି.ଗ୍ରା.କୁ ୫୬,୩୦୦ଟଙ୍କାରେ କାରବାର ଚାଲିଥିଲା।

ଗତ ୪ ଦିନରେ ସୁନା ଦର ପ୍ରତି ୧୦ ଗ୍ରାମକୁ ପାଖାପାଖି ଅଢ଼େଇ ହଜାର ଟଙ୍କା ହ୍ରାସ ପାଇଛି। ଅନ୍ତରାଷ୍ଟ୍ରୀୟ ବଜାରରେ ମଧ୍ୟ ସୁନା ଦରରେ ବଡ଼ ଧରଣର ହ୍ରାସ ଦେଖିବାକୁ ମିଳିଛି।

Good Returnsର ଏକ ରିପୋର୍ଟ ଅନୁସାରେ,ଆଜି ୨୪ କ୍ୟାରେଟ୍‌ ସୁନା ପ୍ରତି ୧୦ ଗ୍ରାମକୁ ୪୯,୪୦୦ଟଙ୍କା ଥିବାବେଳେ ରୂପା ଦର ପ୍ରତି କିଲୋକୁ ୫୭ ହଜାର ୦୦୦ଟଙ୍କା ରହିଛି। ଗତକାଲି ସୁନା ଦର ୫୦ ହଜାର ଥିବାବେଳେ ରୂପା ଦର ୫୯ ହଜାର ଥିଲା।

You might also like