ଗୋଆ ଉପମୁଖ୍ୟମନ୍ତ୍ରୀଙ୍କ ମୋବାଇଲ୍‌ରୁ କେମିତି ଶେୟାର୍ ହେଲା ପର୍ଣ୍ଣୋଗ୍ରାଫିକ୍ ଭିଡିଓ ?‌

ପାନାଜୀ: ମୋବାଇଲ୍‌ ହ୍ୟାକ ହୋଇଥିବା ନେଇ ସାଇବର ଥାନାରେ ଅଭିଯୋଗ କରିଛନ୍ତି ଗୋଆ ଉପମୁଖ୍ୟମନ୍ତ୍ରୀ ଚନ୍ଦ୍ରକାନ୍ତ କାଭ୍‌ଲେକର। ତାଙ୍କ ମୋବାଇଲ୍‌ରୁ ସେ ସଦସ୍ୟ ଥିବା ଏକ ହ୍ୱାଟ୍ସଆପ୍‌ ଗ୍ରୁପ୍‌କୁ ଆପତ୍ତିଜନକ ଭିଡିଓ ପଠାଯାଇଥିବା ସେ ଥାନାରେ ଅଭିଯୋଗ କରିଛନ୍ତି। ଏହାପରେ ଗୋଆରେ ବିଜେପିର ଅଡ଼ୁଆ କିନ୍ତୁ ବଢ଼ିଯାଇଛି। କାରଣ ଘଟଣାକୁ ନେଇ ବିରୋଧୀ ବିଜେପି ଉପରେ ରାଜନୈତିକ ଆକ୍ରମଣ କରିଛି।

ରିପୋର୍ଟ ଅନୁସାରେ, ଉପମୁଖ୍ୟମନ୍ତ୍ରୀଙ୍କ ମୋବାଇଲ୍‌ରୁ ‘ଭିଲେଜ୍‌ ଅଫ୍‌ ଗୋଆ’ ହ୍ୱାଟ୍‌ସଆପ୍‌ ଗ୍ରୁପ୍‌କୁ ଏକ ପର୍ଣ୍ଣୋଗ୍ରାଫିକ୍‌ ଭିଡିଓ ଶେୟାର କରାଯାଇଛି। ଏହି ଗ୍ରୁପ୍‌ରେ ନିଜେ ଉପମୁଖ୍ୟମନ୍ତ୍ରୀ ଜଣେ ସଦସ୍ୟ ଅଛନ୍ତି। ସୋମବାର ରାତି ପ୍ରାୟ ୧.୨୦ ବେଳେ ଏହି ଭିଡିଓ ଶେୟାର ହୋଇଛି।

ତେବେ କାଭ୍‌ଲେକରଙ୍କ ଅଭିଯୋଗ ଅନୁସାରେ ସେ ଶୋଇଥିବା ବେଳେ ତାଙ୍କ ମୋବାଇଲ୍‌ରୁ ଏହି ଆପତ୍ତିଜନକ ଭିଡିଓ ଶେୟାର ହୋଇଛି। ସେତେବେଳେ ତାଙ୍କ ପାଖରେ ମୋବାଇଲ୍‌ ନଥିଲା। ସେ ଶୀଘ୍ର ଶୋଇପଡ଼ିଥିଲେ। ଏଣୁ ପୋଲିସ ଦୋଷୀ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରୁ ବୋଲି ସେ ସାଇବର ଥାନାରେ ଅଭିଯୋଗ କରିଛନ୍ତି।

କାଭ୍‌ଲେକର ଆହୁରି କହିଛନ୍ତି ଯେ ନିକଟରେ ତାଙ୍କୁ ବଦ୍‌ନାମ କରିବାକୁ ଅନେକ ଅପଚେଷ୍ଟା କରାଯାଇଛି। ଲୋକଙ୍କ ପାଖରେ ତାଙ୍କର ଛବି ମଳିନ କରିବାକୁ ଉଦ୍ୟମ ହୋଇଛି। ତେଣୁ ଦୋଷୀ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଥାନାରେ ଅଭିଯୋଗ କରିଛନ୍ତି।

ଜାତୀୟ ଗଣମାଧ୍ୟମ ହିନ୍ଦୁସ୍ଥାନ ଟାଇମ୍ସ ଓ ଏନ୍‌ଡିଟିଭି ରିପୋର୍ଟ ଅନୁସାରେ, ଏଭଳି ଘଟଣାରେ ଗୋଆ ଉପମୁଖ୍ୟମନ୍ତ୍ରୀ ନାଁରେ ମହିଳା ଥାନାରେ ମାମଲା ରୁଜୁ ହୋଇଛି। ଗୋଆ ଫର୍‌ୱାର୍ଡ ଦଳର ମହିଳା ମୋର୍ଚ୍ଚା ପକ୍ଷରୁ ଏହି ମାମଲା କରାଯାଇଛି। ମହିଳା ସମ୍ମାନରେ ଆଞ୍ଚ ଆସିଛି ବୋଲି ଅଭିଯୋଗ କରି ଆଇଟି ଆକ୍ଟ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମହିଳା ମୋର୍ଚ୍ଚା ଦାବି କରିଛି। ସେହିପରି କଂଗ୍ରେସ ମଧ୍ୟ ଘଟଣାରେ ବିଜେପିକୁ ଟାର୍ଗେଟ କରିଛି। ଦଳୀୟ ନେତା ଗୌରଭ ପାଢ଼ୀ ଟ୍ୱିଟ୍ କରି ଉପମୁଖ୍ୟମନ୍ତ୍ରୀଙ୍କୁ ସମାଲୋଚନା କରିଛନ୍ତି।

 

 

ଆହୁରି ପଢ଼ନ୍ତୁ

କୋଭିଡ୍‌ ହସ୍ପିଟାଲ୍‌ରେ ଭୟାବହ ଅଗ୍ନିକାଣ୍ଡ, ଚାଲିଗଲା ୫ କରୋନା ଆକ୍ରାନ୍ତଙ୍କ ଜୀବନ

ପରଲୋକରେ ଭାରତର ସଫ୍ଟୱେୟର ଇଣ୍ଡଷ୍ଟ୍ରୀ ଜନକ ଏଫ୍‌ସି କୋହଲି

କେବିସିର ୩ କୋଟିପତି ମହିଳା, ଜାଣନ୍ତୁ ଏମାନଙ୍କ ସଂଘର୍ଷମୟ ଜୀବନର କାହାଣୀ

ୱାନ୍ ନେସନ୍‌ ୱାନ୍‌ ଇଲେକ୍ସନ୍‌ ଦେଶ ପାଇଁ ଆବଶ୍ୟକ; ପ୍ରଧାନମନ୍ତ୍ରୀ

ମରୁଭୂମିରୁ ମିଳିଲା ରହସ୍ୟମୟ ଜିନିଷ; ଲୋକେ କହିଲେ ଅଶୁଭ ସଙ୍କେତ

ଚାଷୀଙ୍କ ପାଇଁ ଦିଲ୍ଲୀ ସୀମା ସିଲ୍‌ ହେଲା; ତଥାପି ଗର୍ଜିଲେ

ଡିସେମ୍ବର ୩୧ ଯାଏ ବିଦେଶକୁ ଉଡ଼ି ପାରିବ ନାହିଁ ବିମାନ

ମନେ ପଡିଲା ୨୬/୧୧ର ସେଇ ଭୟଙ୍କର ସ୍ମୃତି

ଗ୍ରାହକଙ୍କୁ ଆଶ୍ୱସ୍ତି; ଡିବିଏସ୍‌ ଇଣ୍ଡିଆ ସହିତ ମିଶିବ ଲକ୍ଷ୍ମୀ ବିଳାସ ବ୍ୟାଙ୍କ

ଅଫିସରୁ ବିଳମ୍ବରେ ଫେରୁଥିଲେ ସ୍ୱାମୀ; ଅତିଷ୍ଠ ହୋଇ FIR ଦାଏର କଲେ ମହିଳା

ଗୋଲ୍ଡ‌ ମର୍ସିଡିଜ୍‌ କାର୍‌ ଧରି ବୁଲିଲେ ଚାଷୀ

ବିଳମ୍ବିତ ରାତିରେ ଲ୍ୟାଣ୍ଡଫଲ୍ କଲା ବାତ୍ୟା ‘ନିଭାର’, ପ୍ରବଳ ବର୍ଷା

You might also like