ସ୍ୱାଧୀନତାର ୭୨ ବର୍ଷ ପରେ ଗାଁରେ ପହଞ୍ଚିଲା ବିଜୁଳୀ

ପୁନେ: ଭାରତକୁ ସ୍ୱାଧୀନ ହେବାର ୭୨ ବର୍ଷ ବିତିଗଲାଣି। ଏହା ମଧ୍ୟରେ ଦେଶ ବହୁ ଆଗକୁ ମଧ୍ୟ ବଢ଼ିସାରିଲାଣି। କିନ୍ତୁ ଆଜିବି କିଛି କ୍ଷେତ୍ରରେ ଉନ୍ନତି ହୋଇନଥିବା ଦେଖିବାକୁ ମିଳିଛି। ଆମେ କହୁଛୁ ମହାରାଷ୍ଟ୍ରର ଏକ ଗାଁ କଥା। ସ୍ୱାଧୀନତା ପରଠାରୁ ହିଁ ଏହି ଗାଁ ଅନ୍ଧକାରରେ ବିତାଉଥିଲା। କିନ୍ତୁ ଶେଷରେ ଏହିଁ ଗାଁରେ ବିଜୁଳୀ ପହଞ୍ଚିଛି। ଏହି ଗାଁ ମହାରାଷ୍ଟ୍ରର ଅକୋଲା ଜିଲ୍ଲାରେ ଅବସ୍ଥିତ। ଅକୋଲା ଜିଲ୍ଲାର ନାଭି ତଲାଇ ନଦୀରେ ଅବସ୍ଥିତ ଏହି ଗାଁର ନିବାସୀ ବିଜୁଳୀ ଆସିବା ନେଇ ଖୁସିରେ ଦୀପାବଳି ମନାଇଛନ୍ତି। ଏହି ଗାଁରେ ଜନସଂଖ୍ୟା ମାତ୍ର ୫୪୦।

ଏହା ପୂର୍ବରୁ ଏମାନେ ଅମରାବତୀ ଜିଲ୍ଲାରେ ମେଳଘାଟ ବ୍ୟାଘ୍ର ପ୍ରୋଜେକ୍ଟର ମୁଖ୍ୟ ଅଞ୍ଚଳରେ ରହୁଥିଲେ। କିନ୍ତୁ ୨୦୧୮ରେ ସେମାନଙ୍କୁ ନାଭି ତଲାଇ ନଦୀ ନିକଟକୁ ସ୍ଥାନାନ୍ତର କରାଯାଇଥିଲା। ତେବେ ତଲହରା ତାଲୁକା ଗାଁରେ ରହୁଥିବା ୫୪୦ଜଣ ଲୋକ ପୁନଃଥଇଥାନ ସମୟରୁ ହିଁ ବିଜୁଳୀର ବଞ୍ଚିତ ଥିଲେ। ନିବାସୀଙ୍କୁ ନିଜ ମୋବାଇଲ୍ ଫୋନ୍ ଚାର୍ଜ କରିବା ପାଇଁ ପଡ଼ୋଶୀ ଗାଁରେ ଲୋକଙ୍କ ଉପରେ ନିର୍ଭର କରିବାକୁ ପଡ଼ୁଥିଲା। ହେଲେ ଜୁଲାଇ ୨୨ ତାରିଖରେ ଗାଁରେ ବିଜୁଳୀ ପହଞ୍ଚିବା ପରେ ସେମାନଙ୍କ ଜୀବନରୁ ଅନ୍ଧକାର ଦୂର ହୋଇଥିଲା।

ମହାରାଷ୍ଟ୍ର ରାଜ୍ୟ ବିଦ୍ୟୁତ୍ ବିତରଣ କମ୍ପାନୀ ଲିମିଟେଡ୍ (ଏମଏସଇଡିସିଏଲ୍)ର ଜଣେ ଅଧିକାରୀ କହିଛନ୍ତି, ‘ଗାଁକୁ ବିଜୁଳୀ ପହଞ୍ଚାଇବା ଆମେ ଦାୟିତ୍ୱ ଥିଲା। ଏମଏସଇଡିସିଏଲ୍ ମିଶନ୍ ମୋଡରେ କାମ କରିଥାଏ। ଏବେ ଗାଁରେ ସବୁ ଘରେ ବିଜୁଳୀ ପହଞ୍ଚିଛି।’ ନାଭି ତଲାଇ ଗାଁର ନିବାସୀଙ୍କ ପାଇଁ ଏହି ମୁହୂର୍ତ୍ତ ଦୀପାବଳି ଉତ୍ସବ ସଦୃଶ ଥିଲା। ଗାଁ ଲୋକେ ଦୀପ ପ୍ରଜ୍ଜ୍ୱଳନ ଓ ପିଲାମାନେ କେକ୍ କାଟି ଏହାର ସ୍ୱାଗତ କରିଛନ୍ତି।

ସମାଜସେବୀ ଗୋପାଳ କୋଲ୍ହେ ଓ ବିଧାନ ପରିଷଦ ସଦସ୍ୟ ଅମୋଲ୍ ମିତକାରୀ ଗାଁରେ ବିଜୁଳୀ ପହଞ୍ଚାଇବା ଭିତ୍ତିଭୂମି ପକାଇଥିଲେ। ମିତକରୀ ଏହି ଗାଁକୁ ପୋଷ୍ୟ ଭାବେ ଗ୍ରହଣ କରିଛନ୍ତି। ସେ କହିଛନ୍ତି, ନାଭି ତଲାଇ ଏବେ ରାଜ୍ୟରେ ବିକାଶର ନୂଆ ଉଦାହରଣ ସୃଷ୍ଟି କରିଛି।

ଆହୁରି ପଢ଼ନ୍ତୁ

EPFO Recruitment 2020: ଖାଲି ପଡ଼ିଥିବା ଏହି ପଦବୀ ପାଇଁ ପ୍ରକାଶ ପାଇଲା ବିଜ୍ଞପ୍ତି

ବଡ ଧରଣର ବିସ୍ଫୋରଣରୁ ଯବାନଙ୍କ ଜୀବନ ବଞ୍ଚାଇଲା ‘ସୋଫିଆ’

ଆକାଶରେ ଉଡୁଥିବାବେଳେ ହଠାତ୍‌ ବିମାନର ଇଞ୍ଜିନ୍‌ ବନ୍ଦ ହୋଇଗଲା; ରତନ ଟାଟା ବଞ୍ଚାଇଲେ ସମସ୍ତଙ୍କ ଜୀବନ

କୃଷି ବିଲକୁ ବିରୋଧ ଜାରି, ଇଣ୍ଡିଆ ଗେଟ୍ ସମ୍ମୁଖରେ ଟ୍ରାକ୍ଟର ପୋଡ଼ିଦେଲେ ଆନ୍ଦୋଳନକାରୀ

କୃଷି ବିଲ୍‌କୁ ରାଷ୍ଟ୍ରପତିଙ୍କ ମଞ୍ଜୁରୀ

ରବି କିଶନଙ୍କୁ ମିଳୁଛି କି ହତ୍ୟା ଧମକ ?

ଜେଡିୟୁରେ ମିଶିଲେ ବିହାରର ପୂର୍ବତନ ଡିଜିପି

ଆଜି ଦିନକରେ ଯେତିକି ଆକ୍ରାନ୍ତ ଚିହ୍ନଟ ହେଲେ ତା’ଠୁ ଅଧିକ ସୁସ୍ଥ ହେଲେ

ନୀତୀଶଙ୍କ ଦଳରେ ମିଶିବେ ପୂର୍ବତନ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ

କରୋନାର ଭୟଙ୍କର ପ୍ରଭାବ ବିଷୟରେ କ’ଣ କହିଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ?

‘କୃଷକ ଆତ୍ମନିର୍ଭର ଭାରତର ଆଧାର’

ଭାରତରେ ନାଁ ବଦଳାଇ ଲୋକପ୍ରିୟ ହେଉଛନ୍ତି ଚାଇନିଜ୍ ଆପ୍‌

You might also like