ବିଲ୍ଡିଂରେ ଲାଗିଲା ନିଆଁ, ଦୁଇଭାଇ ଜୀବନ ବଞ୍ଚାଇବା ପାଇଁ ୪୦ ଫୁଟ୍‌ ତଳକୁ ଡେଇଁପଡ଼ିଲେ

ଗ୍ରେନୋବଲ୍‌: ଫ୍ରାନ୍ସରେ ଏକ ଆପାର୍ଟମେଣ୍ଟର ତୃତୀୟ ମହଲାରେ ନିଆଁ ଲାଗିଯାଇଥିଲା। ଫଳରେ ସେହି ମହଲାରୁ ଦୁଇ ଭାଇ ନିଜ ଜୀବନ ବଞ୍ଚାଇବା ପାଇଁ ତଳକୁ ଡେଇଁ ପଡ଼ିଥିଲେ। କିନ୍ତୁ ଆଶ୍ଚର୍ଯ୍ୟର କଥା ଯେ ଦୁଇ ଭାଇ ଜୀବିତ ଅଛନ୍ତି। ବିଲ୍ଡିଂ ତଳେ ଛିଡ଼ା ହୋଇଥିବା ଉଦ୍ଧାରକାରୀ ଟିମ୍‌ ସେ ଦୁହିଁଙ୍କୁ ବଞ୍ଚାଇଥିଲେ। ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍‌ ଭାଇରାଲ ହେବାରେ ଲାଗିଛି।

ଖବର ଅନୁଯାୟୀ, ଗତ ମଙ୍ଗଳବାର ଦିନ ଗ୍ରେନୋବଲ୍ ସହରରେ ଥିବା ଏକ ଆପାର୍ଟମେଣ୍ଟର ତୃତୀୟ ମହଲାରେ ନିଆଁ ଲାଗିଯାଇଥିଲା। ନିଆଁ ଲାଗିବା ସମୟରେ ଦୁଇଭାଇ ଘର ଭିତରେ ଥିଲେ। ବାହାର ପଟୁ ରୁମ୍‌କୁ ଲକ୍‌ କରାଯାଇଥିଲା। ଯାହାଫଳରେ ଦୁଇ ଭାଇ ବାହାରକୁ ଆସିପାରିନଥିଲେ। ପରେ ଘରର ଝରକା ଦେଇ ୪୦ ଫୁଟ୍‌ ତଳକୁ ଡେଇଁବାକୁ ବାଧ୍ୟ ହୋଇଥିଲେ। । ପ୍ରଥମେ ୧୦ ବର୍ଷର ବଡ଼ ଭାଇ ତିନି ବର୍ଷର ଛୋଟ ଭାଇକୁ ଝରକା ଦେଇ ତଳକୁ ପିଙ୍ଗିଥିଲେ । ତା’ପରେ ସେ ନିଜେ ତଳକୁ ଡେଇଁଥିଲେ। ଆପାର୍ଟମେଣ୍ଟର ତଳେ ଛିଡ଼ା ହୋଇଥିବା ଉଦ୍ଧାରକାରୀ ଟିମ୍‌ ଦୁହିଁଙ୍କ ଜୀବନ ବଞ୍ଚାଇଥିଲେ। ଏହି ସମୟର ଭିଡିଓ ସେହି ଆପାର୍ଟମେଣ୍ଟରେ ରହୁଥିବା ଜଣେ ପଡ଼ୋଶୀ ଏହାର ସୁଟିଂ କରିଥିଲେ।

ଦୁଇଭାଇଙ୍କର କିଛି ବି କ୍ଷତି ହୋଇନାହିଁ। କିନ୍ତୁ ଦୁହେଁ ଧୂଆଁରେ ଆକ୍ରାନ୍ତ ହୋଇଥିଲେ। ପରେ ଦୁଇ ଭାଇଙ୍କ ସମେତ ବିଲ୍ଡିଂର କିଛି ଲୋକ ଓ ଉଦ୍ଧାରକାରୀ ଟିମ୍‌  ଡାକ୍ତରଖାନାରେ ଭର୍ତ୍ତି ହୋଇଥିଲେ। ଦୁଇ ଭାଇଙ୍କୁ ଧରିବା ସମୟରେ କିଛି ଉଦ୍ଧାରକାରୀ ଟିମ୍‌ ଆହତ ମଧ୍ୟ ହୋଇଛନ୍ତି।

ଏନେଇ ଉଦ୍ଧାର କରୁଥିବା ଜଣେ ଯୁବକ କହିଛନ୍ତି ଯେ ବିଲ୍ଡିଂର ତୃତୀୟ ମହଲାରେ ନିଆଁ ଲାଗିଯିବାରୁ ଦୁଇ ଜଣ ପିଲା ଭୟରେ ଚିତ୍କାର କରୁଥିଲେ। ଦୁହେଁ ଖାଲି କାନ୍ଦୁଥିଲେ। ତାଙ୍କ ଚିତ୍କାର ଶୁଣି ମୁଁ ସେଠାକୁ ଦୌଡ଼ିଲି। ଦୁହେଁ ଝରକା ପାଖରେ ଥିଲେ। ବିଲ୍ଡିଂରେ ନିଆଁ ଲାଗି ପ୍ରବଳ ଧୂଆଁ ବାହାରୁଥିଲା।

ଗ୍ରେନୋବଲ୍ ମେୟର ବିରତ୍ୱର ସହିତ ଉଦ୍ଧାର କରିଥିବା ବ୍ୟକ୍ତିମାନଙ୍କୁ ଧନ୍ୟବାଦ ଜଣାଇଛନ୍ତି। ନିଆଁ କିପରି ଆପାର୍ଟମେଣ୍ଟରେ ଲାଗିଲା ତା’ର ତଦନ୍ତ କରାଯାଉଛି।

ଆହୁରି ପଢ଼ନ୍ତୁ

ରାହୁଲ ଓ ପ୍ରିୟଙ୍କାଙ୍କ ନାଁରେ ଥାନାରେ ମାମଲା ରୁଜୁ

ଏମିତି ଅବସ୍ଥାରେ ଉଦ୍ଧାର ହେଲା ନାବାଳିକାଙ୍କ ମୃତଦେହ

ସିବିଆଇ ତଦନ୍ତ ଦାବି କଲେ ହାଥରସ ପୀଡ଼ିତାଙ୍କ ଭାଇ; କହିଲେ, ବାପା ଚାପରେ ବୟାନ ଦେଇଛନ୍ତି

ହାଥରସ ପୀଡ଼ିତା ବାପାକୁ ଧମକାଉଥିଲେ କି ଡିଏମ୍‌? ଭିଡିଓ ଭାଇରାଲ୍

ହାଥରସ ପୀଡ଼ିତାଙ୍କ ସହ ଦୁଷ୍କର୍ମ ହୋଇନି: ୟୁପି ପୋଲିସ

କଂଗ୍ରେସ ନେତା ଅହମ୍ମଦ ପଟେଲଙ୍କୁ କରୋନା

ମୁଖ୍ୟମନ୍ତ୍ରୀଙ୍କ ପ୍ରତିଶ୍ରୁତିରେ ମୁଁ ସନ୍ତୁଷ୍ଟ, ଏଥିପାଇଁ କାହାର ଧାରଣା ଦେବା ଆବଶ୍ୟକ ନାହିଁ: ହାଥରସ ପୀଡ଼ିତାଙ୍କ ବାପା

ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ୯୮ ହଜାର ପାର୍

ପୋଲିସ କର୍ମୀ ଅଟକାଉଥିବା ବେଳେ ଠେଲାପେଲାରେ ତଳେ ପଡ଼ିଗଲେ ରାହୁଲ ଗାନ୍ଧି

ପୁଣି ପାକିସ୍ତାନର ଅସ୍ତ୍ରବିରତି ଉଲ୍ଲଘଂନ; ୩ ଭାରତୀୟ ଯବାନ ସହିଦ

ଲକ୍‌ଡାଉନ୍ ବେଳେ ବୁକ୍‌ ହୋଇଥିବା ଟିକେଟ୍‌ର ପୂରା ଟଙ୍କା ଫେରସ୍ତ ପାଇବେ ଯାତ୍ରୀ

ମାରଣା ଷଣ୍ଢ କବଳରୁ ଜେଜେ ମା’ଙ୍କୁ ଉଦ୍ଧାର କଲା କୁନି ନାତି

You might also like