ବିହାରର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରଙ୍କ ପରଲୋକ

ନୂଆଦିଲ୍ଲୀ: ଦୀର୍ଘ ଦିନ ଧରି ଅସୁସ୍ଥ ଥିବା ବିହାରର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରଙ୍କର ଆଜି ଦେହାନ୍ତ ହୋଇଛି । ଦିଲ୍ଲୀରେ ଚିକିତ୍ସିତ ହେଉଥିବା ବେଳେ ତାଙ୍କର ବିୟୋଗ ହୋଇଛି। ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ହୋଇଥିଲା।

ଜଗନ୍ନାଥଙ୍କ ବିୟୋଗରେ ବିହାରରେ ୩ ଦିନିଆ ରାଜକୀୟ ଶୋକ ପାଳନ କରିବାକୁ ବିହାର ସରକାର ଘୋଷଣା କରିଛନ୍ତି। ସେ ବିହାରର ଶେଷ କଂଗ୍ରେସ ମୁଖ୍ୟମନ୍ତ୍ରୀ ଥିଲେ। ଇନ୍ଦିରା ଗାନ୍ଧି ସରକାରରେ ସେ ରେଳମନ୍ତ୍ରୀ ଭାବରେ ଦାୟିତ୍ୱ ସମ୍ଭାଳିଥିଲେ।

ଜଗନ୍ନାଥ ମିଶ୍ର ବିହାରରୁ ତିନି ଥର ମୁଖ୍ୟମନ୍ତ୍ରୀ ହୋଇଥିଲେ। ୧୯୭୫ରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ହୋଇଥିବା ବେଳେ ୧୯୮୦ରେ ଦ୍ୱିତୀୟ ଥର ଏବଂ ଅନ୍ତିମ ଥର ୧୯୮୯ରେ ମୁଖ୍ୟମନ୍ତ୍ରୀ ହୋଇଥିଲେ । ଛୋଟ ବେଳୁ ରାଜନୀତିରେ ତାଙ୍କର ରୁଚି ଥିଲା।

ରାଜନୀତିରେ ପ୍ରବେଶ କରିବା ପୂର୍ବରୁ ସେ ଏକ କଲେଜର ପ୍ରଫେସର ଭାବେ କାମ କରୁଥିଲେ। ଏହାପରେ ସେ କଂଗ୍ରେସରେ ଯୋଗ ଦେଇ ତାଙ୍କର ରାଜନୀତିକ ଇନିଂସ ଆରମ୍ଭ କରିଥିଲେ।

ବିହାରରେ ଜଣେ ବଡ଼ ନେତା ଭାବରେ ଜଗନ୍ନାଥ ମିଶ୍ରଙ୍କୁ ଗଣାଯାଏ। ସେ ବିହାରର ପ୍ରତି ପଞ୍ଚାୟତ ସହ ଜଡ଼ିତ ଥିବା ନେତା ଥିଲେ।

You might also like