ଆକାଶରୁ ଖସିଲା ମୃତ୍ୟୁ : ଝାଡ଼ଖଣ୍ଡରେ ବଜ୍ରାଘାତରେ ୫ ମୃତ

ରାଞ୍ଚି : ଆକାଶରୁ ଖସିଲା ମୃତ୍ୟୁ । ଝାଡ଼ଖଣ୍ଡ ଦୁମକା ତଥା ରାମଗଡ଼ ଜିଲ୍ଲାରେ ମଙ୍ଗଳବାର ବଜ୍ରପାତରେ ଜଣେ ନାବାଳକ ସମେତ ପାଞ୍ଚ ଜଣ ପ୍ରାଣ ହରାଇଛନ୍ତି । ସେହିପରି ବଜ୍ରପାତରେ ଅନେକ ଲୋକ ଆହତ ହୋଇଥିବା ସୂଚନା ମିଳିଛି ।

ମସଲିନା ଥାନା ଅଞ୍ଚଳ ଅନ୍ତର୍ଗତ କୁଞ୍ଜବନ ଗାଁରେ ବଜ୍ରପାତ ଯୋଗୁଁ ଶିବଶଙ୍କର ମୁର୍ମୁ ନାମକ ୧୦ ବର୍ଷିୟ ନାବାଳକର ମୃତ୍ୟୁ ହୋଇଛି । ସନ୍ଧ୍ୟା ସମୟରେ ନିଜର ଦୁଇ ବନ୍ଧୁଙ୍କ ସହ ପଡ଼ିଆରୁ ଘେରାଏ ବୁଲି ବାହାରିଥିିବା ସମୟରେ ଏପରି ଦୁଃଖଦ ଘଟଣା ଘଟିଛି । ସେହିପରି ଶିବଶଙ୍କର ଅନ୍ୟ ଦୁଇ ବନ୍ଧୁ ବଜ୍ରାଘାତ ଯୋଗୁଁ ବେହାସ ହୋଇ ଯାଇଥିଲେ ।

ଅନ୍ୟପଟେ କାଠକୁଣ୍ଡ ଥାନା ଅଞ୍ଚଳର କୋଡ଼ିଆ ଗାଁରେ ୨୮ ବର୍ଷିୟ ପ୍ରବୀଣ ଚିକୁ ନାକମ ବ୍ୟକ୍ତି ଘର ଅଗଣାରେ ଥିବାବେଳେ ବଜ୍ରପାତରେ ଜୀବନ ହାରିଛନ୍ତି । ଏତେ ଜୋରରେ ବଜ୍ରପାତ ହୋଇଥିବା ତାଙ୍କ ସ୍ତ୍ରୀ କିଛି ଘଣ୍ଟା ଧରି ଦାଣ୍ଡଦୁଆରେ ବେହାସ ପଡ଼ି ରହିଥିଲେ । ଅନୁମଣ୍ଡଳ ଅଧିକାରୀ କହିଛନ୍ତି ପୋଷ୍ଟମୋଟର୍ମ ପରେ ଉଭୟଙ୍କ ପରିବାରକୁ ୪-୪ ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରାଯିବ ।

ସେପଟେ ରାମଗଡ଼ର ମୋଡୁ ବ୍ଲକର ଗୋସୀଗାଁରେ ଦ୍ୱିପହର ସମୟରେ ବଜ୍ରପାତରେ ତିନି ଜଣ ଯୁବକ ମୃତ୍ୟ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି । ତିନି ଜଣ ଯୁବକ ବନ୍ଧୁଙ୍କ ସହ କ୍ରିିକେଟ ଖେଳି ଘରକୁ ଫେରୁଥିବା ସମୟରେ ବଜ୍ରପାତ ହୋଇଥିଲା । ଫଳରେ ଘଟଣାସ୍ଥଳରେ ଟଳି ପଡ଼ିଥିଲେ ତିନି ବନ୍ଧୁ ।

You might also like