ମୋଦିଙ୍କ ମାଷ୍ଟରଷ୍ଟ୍ରୋକ: ପୁଣି ୧୫ ଟିକସ୍‌ ଅଧିକାରୀ ବିଦା

ନୂଆଦିଲ୍ଲୀ: ଦୁର୍ନୀତି ପ୍ରତି ଜିରୋ ଟଲରାନ୍ସର ଲକ୍ଷ୍ୟ ନେଇ ମୋଦି-୨ ସରକାର ପୁଣିଥରେ ଆକ୍ସନ ମୋଡ୍‌ରେ ଦେଖିବାକୁ ମିଳିଛି। ଦୁର୍ନୀତି ଅଭିଯୋଗ ଥିବା ଦେଶର ୧୫ ଜଣ ବରିଷ୍ଠ ଟିକସ୍‌ ଅଧିକାରୀଙ୍କୁ ଆଜି ମୋଦି-୨ ସରକାର ବାଧ୍ୟତାମୂଳକ ଅବସର ନେବାକୁ ନିର୍ଦ୍ଦେଶ ଦେଇଛନ୍ତି।

ଏଭଳି ବାଧ୍ୟତାମୂଳକ ଅବସର ନେବାକୁ ନିର୍ଦ୍ଦେଶ ପାଇଥିବା ୧୫ ଅଧିକାରୀଙ୍କ ମଧ୍ୟରେ ସେଣ୍ଟ୍ରାଲ ବୋର୍ଡ ଅଫ୍‌ ଇନ୍‌ଡାଇରେକ୍ଟ ଟ୍ୟାକ୍ସ ଓ କଷ୍ଟମ୍ସ(ସିବିଆଇସି) ବିଭାଗର ପ୍ରିନ୍ସିପାଲ କମିଶନର, କମିଶନର, ଆଡିସନାଲ କମିଶନର ଓ ଡେପୁଟି କମିଶନର ରାଙ୍କର ଅଫିସର ରହିଛନ୍ତି। ଜେନେରାଲ ଫାଇନାନ୍ସ ରୁଲ୍ସ ଅଫ୍‌ ସେଣ୍ଟ୍ରାଲ ଗଭର୍ଣ୍ଣମେଣ୍ଟ ସର୍ଭିସର ନିୟମ ୫୬(ଜେ) ଆଧାରରେ ଏହି ଅଧିକାରୀମାନଙ୍କୁ ବାଧ୍ୟତାମୂଳକ ଅବସର ନେବାକୁ କୁହାଯାଇଛି।

ଏହି ତାଲିକାରେ ସିବିଆଇସିର ପ୍ରିନ୍ସିପାଲ କମିଶନର ଅନୁପ ଶ୍ରୀବାସ୍ତବ ରହିଛନ୍ତି। ତାଙ୍କ ନାଁରେ ସିବିଆଇ ଦୁଇଟି ମାମଲା ରୁଜୁ କରିଛି। ତାଙ୍କ ବିରୋଧରେ ସିବିଆଇ ଅପରାଧିକ ଷଡ଼ଯନ୍ତ୍ର ଓ ଲାଞ୍ଚ କାରବାର ଭଳି ସାଂଘାତିକ ଅଭିଯୋଗର ତଦନ୍ତ କରୁଛି। ଏହାବାଦ୍‌ ଯୌନ ଉତ୍ପୀଡ଼ନ, ସରକାରୀ ବଙ୍ଗଳାକୁ ଖାଲି ନ କରିବା ଓ ଆୟବହିର୍ଭୂତ ସମ୍ପତ୍ତି ଠୁଳ କରିବା ଭଳି ଅଭିଯୋଗ ମଧ୍ୟ ଶ୍ରୀବାସ୍ତବଙ୍କ ନାଁରେ ରହିଛି। କମିଶନର ଅତୁଲ ଦୀକ୍ଷିତଙ୍କ ନାଁରେ ମଧ୍ୟ ଦୁଇଟି ସିବିଆଇ ମାମଲା ରହିଛି।

ଏମାନଙ୍କ ବ୍ୟତୀତ ସଂସାର ଚାନ୍ଦ, ଜି ଶ୍ରୀ ହର୍ଷ, ବିନୟ ବ୍ରିଜ ସିଂହ, ଅଶୋକ ଆର ମହିଦା, ବୀରେନ୍ଦ୍ର ଅଗ୍ରୱାଲ, ଅମରେଶ ଜୈନ, ନଳୀନ କୁମାର, ଏସ୍‌ଏସ୍‌ ପବନା, ଏସ୍‌ଏସ୍‌ ବିଷ୍ଟ, ବିନୋନ୍ଦ କେଆର ସାଙ୍ଗା, ରାଜୁ ସେକର, ଅଶୋକ କୁମାର ଅସୱାଲ ଓ ମହମ୍ମଦ ଅଲତାଫଙ୍କୁ ମଧ୍ୟ ବାଧ୍ୟତାମୂଳକ ଅବସର ନେବାକୁ କୁହାଯାଇଛି।

ଏହାପୂର୍ବରୁ ମୋଦି ୨ ସରକାର ୧୨ ଜଣ ଆୟକର ଅଧିକାରୀଙ୍କୁ ଦୁର୍ନୀତି, ଯୌନ ନିର୍ଯାତନା ଓ କ୍ଷମତାର ଅପବ୍ୟବହାର ଭଳି ଅଭିଯୋଗ ପାଇଁ ବାଧ୍ୟତାମୂଳକ ଅବସର ନେବାକୁ ନିର୍ଦ୍ଦେଶ ଦେଇଥିଲେ।

ଆହୁରି ପଢ଼ନ୍ତୁ

‘ଚାଇନା କମ୍ପାନୀ ଦ୍ୱାରା ଭାରତକୁ ଫାଇଦା’

ସମୁଦ୍ର କୂଳରେ ଏମିତି ଲୁକ୍‌ରେ ମନ୍ଦିରା, ଭାଇରାଲ ହେଲା ଫଟୋ

ଭାରତର ଲଗାତାର ୫ମ ବିଜୟ, ୱେଷ୍ଟଇଣ୍ଡିଜ୍ ଧରାଶାୟୀ

‘ଫୋନି’ ଖୋଲିଦେଲା ଜାଲ୍‌ ରାସନକାର୍ଡ ଗୁମର: ଚାଉଳ ନେଲେ ଟଙ୍କା ପାଇଁ ଆସିଲେନି

ପୋଲାଭରମ୍‌ ପ୍ରକଳ୍ପ ଆଗେଇନେବା ପାଇଁ ଆନ୍ଧ୍ରକୁ ଅନୁମତି

ଦାୟିତ୍ୱହୀନତା: ଉଦ୍ଧାର ହେଲେ ୨ ଶିଶୁପୁତ୍ର, ଜଣେ କାର୍ ଭିତରୁ, ଜଣେ ବନ୍ଦ ଘରୁ

ତିନି ରାଜ୍ୟସଭା ପ୍ରାର୍ଥୀ କୋଟିପତି, ଅମରଙ୍କ ନାଁରେ ରହିଛି ଏମିତି ଅଭିଯୋଗ

ମୋଟ୍ ବ୍ୟୟ ପରିମାଣ ୧ ଲକ୍ଷ ୩୯ ହଜାର କୋଟି  ଛୁଇଁବା ସମ୍ଭାବନା

ରାଜଧାନୀରୁ କାର ଲୁଟ୍ ଘଟଣାର ପର୍ଦ୍ଦାଫାସ

୪ ନର୍ସଙ୍କୁ ବାଧ୍ୟତାମୂଳକ ଛୁଟିରେ ପଠାଇଲା ସ୍ୱାସ୍ଥ୍ୟ ବିଭାଗ

ପାଠ୍ୟ ପୁସ୍ତକରେ ଏଣିକି ରହିବ କ୍ୟୁଆର କୋର୍ଡ

ବହୁ ଚର୍ଚ୍ଚିତ ସାମ୍ବାଦିକ ତରୁଣ ଆଚାର୍ଯ୍ୟ ହତ୍ୟା ମାମଲା, ୫ ଦୋଷୀଙ୍କୁ ଆଜୀବନ ଜେଲ୍‌

You might also like