ବିଏସ୍‌ଏନ୍‌ଏଲ୍‌ ହେଲା ଦେବାଳିଆ: କର୍ମଚାରୀଙ୍କୁ ଦରମା ଦେବାକୁ ଟଙ୍କା ନାହିଁ !

ନୂଆଦିଲ୍ଲୀ: ସରକାରୀ ଟେଲିକମ କମ୍ପାନୀ ବିଏସ୍‌ଏନଏଲ୍‌ ଏବେ ଘାଟାରେ ଚାଲିଛି। ସ୍ଥିତି ଏପରି ହୋଇଛି ଯେ ଜୁନ୍‌ ମାସରେ ଏଠାରେ କାର୍ଯ୍ୟରତ କର୍ମଚାରୀଙ୍କୁ ଦରମା ଦେବାକୁ ମଧ୍ୟ କମ୍ପାନୀ ପାଖରେ ଟଙ୍କା ନାହିଁ। ଏପରିକି ଯଦି କେନ୍ଦ୍ର ସରକାର ସହଯୋଗ ନ କରିବେ, ତା’ହେଲେ କମ୍ପାନୀ ଆଗକୁ ଆଉ ସେବା ଯୋଗାଇ ପାରିବ ନାହିଁ। କମ୍ପାନୀ ପକ୍ଷରୁ sos ଜରିଆରେ କେନ୍ଦ୍ର ସରକାରଙ୍କୁ ଏଭଳି ଗୁହାରି କରାଯାଇଛି।

କମ୍ପାନୀ ପକ୍ଷରୁ କୁହାଯାଇଛି ଯେ “କମ୍ପାନୀ ପାଖରେ ଟଙ୍କା ନଥିବାରୁ ଜୁନ୍‌ ମାସରେ କର୍ମଚାରୀଙ୍କୁ ଦରମା ବାବଦକୁ ୮୫୦ କୋଟି ଟଙ୍କା ଦେବାକୁ ଆମେ ଅକ୍ଷମ। କମ୍ପାନୀ ଉପରେ ଏବେ ଆଉଟଷ୍ଟାଣ୍ଡିଂ ଲାଇବିଲିଟିର ପରିମାଣ ୧୩ ହଜାର କୋଟି ରହିଛି। ଏହି କାରଣ ପାଇଁ କମ୍ପାନୀର କାରବାରରେ ବାଧା ସୃଷ୍ଟି ହେବା ଆରମ୍ଭ ହୋଇଛି।” ବିଏସ୍‌ଏନ୍‌ଏଲ୍‌ର କର୍ପୋରେଟ୍‌ ବଜେଟ୍‌ ଓ ବ୍ୟାଙ୍କିଂ ଡିଭିଜନ୍‌ର ସିନିୟର ଜେନେରାଲ ମ୍ୟାନେଜର ପୂର୍ଣ୍ଣ ଚନ୍ଦ୍ର କେନ୍ଦ୍ର ଟେଲିକମ ମନ୍ତ୍ରଣାଳୟର ଯୁଗ୍ମ ସଚିବଙ୍କ ପାଖକୁ ଚିଠି ଲେଖି କହିଛନ୍ତି, “ପ୍ରତି ମାସରେ କମ୍ପାନୀର ଆୟ ଓ ବ୍ୟୟ ମଧ୍ୟରେ ଯଥେଷ୍ଟ ପ୍ରାର୍ଥକ୍ୟ ରହୁଛି। ଫଳରେ କମ୍ପାନୀ ଚଳାଇବା ସମ୍ଭବପର ହେଉନାହିଁ। ଏବେ ସ୍ଥିତି ଏମିତି ହେଲାଣି ଯେ ଆଗକୁ ବିଏସ୍‌ଏନ୍‌ଏଲ୍‌ ଯେ ବିନା ସହାୟତାରେ ସେବା ଯୋଗାଇ ପାରିବ, ତା’ହା କହିହେବ ନାହିଁ। ତେଣୁ କେନ୍ଦ୍ର ସରକାର ସହାୟତାର ହାତ ବଢ଼ାଇବା ଦରକାର।”

ଉଲ୍ଲେଖଯୋଗ୍ୟ, କିଛି ମାସ ତଳେ ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଏସ୍‌ଏନ୍‌ଏଲ୍‌ରେ ଚାଲିଥିବା ଘାଟା ସମ୍ପର୍କରେ ଅବଗତ ହୋଇଥିଲେ। କମ୍ପାନୀର ଚେୟାରମ୍ୟାନ୍‌ ମଧ୍ୟ ଏ ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ସବୁ କଥା କହିଥିଲେ। ହେଲେ ୧.୭ ଲକ୍ଷ କର୍ମଚାରୀ କାମ କରୁଥିବା ଏହି କମ୍ପାନୀ ପ୍ରତି ମୋଦିଙ୍କ ଶୁଭ ଦୃଷ୍ଟି ପଡ଼ି ନଥିଲା। ଏବେ ଏହି କର୍ମଚାରୀଙ୍କ ଭାଗ୍ୟ ସୁତାଖିଅରେ ଝୁଲିବା ଆରମ୍ଭ ହୋଇଛି।

ଗତ ସପ୍ତାହରେ ମଧ୍ୟ ବିଏସ୍‌ଏନ୍‌ଏଲ୍‌ ପକ୍ଷରୁ କେନ୍ଦ୍ର ସରକାରଙ୍କୁ ଏ ସମ୍ପର୍କରେ ଅବଗତ କରାଯାଇଥିଲା। କମ୍ପାନୀକୁ ୨୦୧୮ରେ ୯୦ ହଜାର କୋଟି ଟଙ୍କାର କ୍ଷତି ସହିବାକୁ ପଡ଼ିଥିବା ଏଥିରେ କୁହାଯାଇଥିଲା।

ଆହୁରି ପଢ଼ନ୍ତୁ

CAA ବିରୋଧୀ ହିଂସା: ପୋଲିସ କର୍ମୀ ମୃତ

‘ନମସ୍ତେ’ରୁ ଆରମ୍ଭ, ‘ଓ୍ୱି ଲଭ୍ ଇଣ୍ଡିଆ’ରେ ଅଭିଭାଷଣ ଶେଷ କଲେ ଟ୍ରମ୍ପ

ସୁନା କିଣିବା ପାଇଁ ଯୋଜନା କରୁଛନ୍ତି କି ? ଲାଗିପାରେ ଏମିତି ଝଟ୍‌କା

ସାବରମତୀ ଆଶ୍ରମରେ ଚରଖା ଚଲେଇଲେ ଟ୍ରମ୍ପ

ବିମାନ ବନ୍ଦରରେ ଟ୍ରମ୍ପଙ୍କୁ ଆଲିଙ୍ଗନ କଲେ, ପାଛୋଟି ନେଲେ ମୋଦି

ଭାରତରେ ପହଞ୍ଚିଲେ ଟ୍ରମ୍ପ, ବିମାନବନ୍ଦରରେ ବିପୁଳ ସ୍ୱାଗତ

ଚୀନ୍‌ ପରେ ଏବେ ଦକ୍ଷିଣ କୋରିଆରେ କରୋନା ଆତଙ୍କ

କାଲି ଆସୁଛନ୍ତି ଟ୍ରମ୍ପ; ଏମିତି ହୋଇଛି ପ୍ରସ୍ତୁତି

ସୋନଭଦ୍ରରେ ସୁନା ନାହିଁ; ଖବର ମିଛ ବୋଲି କହିଲା ଭାରତୀୟ ଭୂତତ୍ତ୍ୱ ସର୍ବେକ୍ଷଣ ସଂସ୍ଥା

କଂଗ୍ରେସ ପାଇଁ ସକ୍ରିୟ ଏବଂ ପୂର୍ଣ୍ଣକାଳୀନ ନେତୃତ୍ୱ ଦରକାର: ଶଶି ଥରୁର

ବଢ଼ିପାରେ ତମାଖୁ ସେବନର ବୟସ ସୀମା

ଦିଲ୍ଲୀରେ ସିଏଏ ସପକ୍ଷବାଦୀ ଓ ଆନ୍ଦୋଳନକାରୀଙ୍କ ମଧ୍ୟରେ ପଥର ମାଡ଼

You might also like