ଚୀନ ରାଷ୍ଟ୍ରପତିଙ୍କ ନାଁକୁ ଭୁଲ୍ ଅନୁବାଦ କରି କ୍ଷମା ମାଗିଲା ଫେସବୁକ୍

ନୂଆଦିଲ୍ଲୀ: ଚୀନ ରାଷ୍ଟ୍ରପତି ସି ଜିନ୍‌ପିଙ୍ଗ୍‌ ନାଁକୁ ଭୁଲ୍‌ ଅନୁବାଦ କରି କ୍ଷମା ମାଗିଲା ଫେସବୁକ୍। ସି ଜିନ୍‌ପିଙ୍ଗଙ୍କୁ ‘ମିଷ୍ଟର ଶିଥୋଲ୍‌’ (Mr Shithole) ଲେଖିଥିଲା ଫେସ୍‌ବୁକ୍। ମିଆଁମାରର କଥିତ ଭାଷା ବର୍ମିସ୍‌ରୁ ଏହାକୁ ଇଂରାଜୀରେ ଅନୁବାଦ କଲାବେଳେ ଫେସ୍‌ବୁକ୍ ଦ୍ୱାରା ଏଭଳି ଭୁଲ୍ ହୋଇଥିଲା। ଆଉ ଏହାର ତୁରନ୍ତ ପରେ ତ୍ରୁଟି ସୁଧାରି କ୍ଷମା ମାଗିଥିଲା ଫେସ୍‌ବୁକ୍।

ଚୀନ ରାଷ୍ଟ୍ରପତି ସି ଜିନ୍‌ପିଙ୍ଗ୍‌ ମିଆଁମାର୍ ଗସ୍ତରେ ଥିଲେ, ଏବଂ ବିଭିନ୍ନ ପ୍ରୋଜେକ୍ଟ ପାଇଁ ମିଆଁମାରର ଷ୍ଟେଟ୍‌ କାଉନ୍‌ସିଲର ଅଙ୍ଗ ସନ୍ ସୁ କ୍ୱିଙ୍କ ସହିତ ଅନେକ ଚୁକ୍ତି ସ୍ୱାକ୍ଷରିତ କରିଥିଲେ।

Image result for jinping myamar"
ସି ଜିନ୍‌ପିଙ୍ଗ୍‌ ଓ ଅଙ୍ଗ୍ ସନ୍‌ ସୁ କ୍ୱି

ତେବେ ଏହା ପୂର୍ବରୁ ଅଙ୍ଗ୍ ସନ୍‌ ସୁ କ୍ୱିଙ୍କ ଫେସ୍‌ବୁକ୍ ପେଜ୍‌ରେ ଜିନ୍‌ପିଙ୍ଗ୍‌ଙ୍କ ଗସ୍ତ ନେଇ ବର୍ମିସ୍ ଭାଷାରେ ଏକ  ସୂଚନା ପବ୍ଲିସ୍ ହୋଇଥିଲା, ଏଥିରେ ଜିନ୍‌ପିଙ୍ଗଙ୍କ ନାଁକୁ ଭୁଲ୍ ଇଂରାଜୀ ଅନୁବାଦ କରି ଦେଖାଇଥିଲା ଫେସ୍‌ବୁକ୍।

ସେଥିରେ ଲେଖାଥିଲା “ ଚାଇନାର ରାଷ୍ଟ୍ରପତି ମିଷ୍ଟର୍‌ ସିଥୋଲ୍‌ ପହଁଞ୍ଚିଲେ। ” କେବଳ ସେତିକି ନୁହେଁ ଇରାୱାଡି ନାମକ ଏକ ସ୍ଥାନୀୟ ଖବରକାଗଜର ଶିରୋନାମାରେ ମଧ୍ୟ ଜିନ୍‌ପିଙ୍ଗଙ୍କ ନାମ ସିଥୋଲ୍‌ ଲେଖା ଥାଇ ଖବର ପ୍ରକାଶ ପାଇଥିଲା।

You might also like