ଘାଟିରେ କମୁଛି ଟେନସନ୍, ପଛକୁ ହଟୁଛି ଚୀନ୍

ନୂଆଦିଲ୍ଲୀ: ଭାରତ ଓ ଚୀନର ସୀମାରେ ଲାଗି ରହିଥିବା ଟେନସନ୍ ଏବେ କମିବାରେ ଲାଗିଛି। ଏଲ୍ଏସି ନିକଟ ଗଲୱାନ୍ ଅଞ୍ଚଳରୁ ଚୀନ୍ ପଛକୁ ହଟିଥିବା ନୂଆ ସାଟେଲାଇଟ୍ ଚିତ୍ରରୁ ସ୍ପଷ୍ଟ ହୋଇଛି। ଜୁନ୍ ୨୮ ତାରିଖରେ ଆସିଥିବା ସାଟେଲାଇଟ୍ ଚିତ୍ରରେ ଚୀନ୍ ସେନାର ଉପସ୍ଥିତି ଦେଖିବାକୁ ମିଳିଥିଲା।

ତେବେ ଏବେ ଯେଉଁ ସାଟେଲାଇଟ୍ ଇମେଜ୍ ଆସିଛି ସେଥିରେ ଚୀନ୍ ସେନାର ଉପସ୍ଥିତି ନଜର ଆସୁନାହିଁ। ଫଳରେ ଚୀନ୍ ସେନା ଗଲୱାନ୍ ଭ୍ୟାଲିରୁ ପଛକୁ ହଟିଥିବା ସ୍ପଷ୍ଟ ହୋଇଛି। ଏହି ଇମେଜ୍‌ରୁ ଗଲ୍‌ୱାନ୍ ଘାଟିରେ ଜୁନ୍ ୨୮ ଓ ଜୁଲାଇ ୬ ତାରିଖର ଭିନ୍ନ ଭିନ୍ନ ଚିତ୍ର ଉପରେ ନଜର କଲେ ଏହା ସ୍ପଷ୍ଟ ଜଣାଯାଉଛି।

ଜୁନ୍ ୨୮ ତାରିଖର ସାଟେଲାଇଟ୍ ଇମେଜ୍‌ରେ ଘାଟି ରାସ୍ତାରେ ଡ୍ରାଗନ୍ ସେନାର ଉପସ୍ଥିତି ସ୍ପଷ୍ଟ ଦିଶୁଥିଲା। ହେଲେ ଜୁଲାଇ ୬ ତାରିଖର ଇମେଜ୍ ରେ ସେସବୁ କିଛି ନଜରକୁ ଆସୁନି। ତେଣୁ ଏଥିରୁ ସ୍ପଷ୍ଟ ହେଉଛି ଯେ ଗଲୱାନ୍ ଘାଟିରୁ ଡ୍ରାଗନ ସେନା ହଟିଛି। ସାଟେଲାଇଟ୍ ଚିତ୍ର ଅନୁଯାୟୀ, ଗଲୱାନର ଆଗୁଆ ଘାଟି ଅଞ୍ଚଳର ରାସ୍ତା ସ୍ପଷ୍ଟ ଭାବେ ଦେଖାଯାଉଛି।

ତେବେ ଏହି ରାସ୍ତା ପୂରା ଖାଲି ହୋଇ ଯାଇଥିବା ବେଳେ କୌଣସି ଗାଡ଼ି ବା ଲୋକଙ୍କ ଉପସ୍ଥିତି ମଧ୍ୟ ନାହିଁ। ଜୁନ୍‌ ୧୫ରେ ଯେଉଁ ସ୍ଥାନରେ ସଂଘର୍ଷ ହୋଇଥିଲା ସେଠାରୁ ପ୍ରାୟ ୧ କିମି ଦୂର ଚାଇନିଜ୍‌ ସୀମାରେ ପିଏଲଏ ତା’ର ପ୍ରଥମ ଟେଣ୍ଟ ନିର୍ମାଣ କରିଛି। ସୈନ୍ୟ ପ୍ରତ୍ୟାହାର ପ୍ରକ୍ରିୟା ଶେଷ ହେବା ପରେ ଉଭୟ ପକ୍ଷର ସେନାଅଧିକାରୀଙ୍କ ମଧ୍ୟରେ ପୁଣି ଆଲୋଚନା ହେବ ବୋଲି ସେନା ପକ୍ଷରୁ ସୂଚନା ଦିଆଯାଇଛି।

ତେବେ ଚାଇନା ପଛକୁ ଘୁଞ୍ଚିଥିଲେ ମଧ୍ୟ ଭାରତୀୟ ସେନା ସ୍ଥିତି ଉପରେ ପୂରା ନଜର ରଖିଥିବା କହିଛି। ଯଦି ବି ଚାଇନା ଯଦି ବି କିଛି ସେମିତି ମୁଭମେଣ୍ଟ କରେ, ତା’ହେଲେ ଭାରତୀୟ ଯବାନ ଏହାର ଜବାବ ଦେବାକୁ ପ୍ରସ୍ତୁତ ଥିବା ସେନା ପକ୍ଷରୁ କୁହାଯାଇଛି।

ଆହୁରି ପଢ଼ନ୍ତୁ

କରୋନା ଭ୍ୟାକ୍‌ସିନ୍‌ ପରେ ଔଷଧ ତିଆରି କଲା ଋଷ

ପ୍ଲେ’ ଷ୍ଟୋରକୁ ପୁଣି ଫେରିଲା Paytm

ଚୀନକୁ ଆଉଏକ ଝଟ୍‌କା, ଏହି ଦେଶରେ ବି ବ୍ୟାନ୍ ହେଲା TikTok

ମୋଦିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଲେ ବିରାଟ୍, ଜବାବରେ ପ୍ରଧାନମନ୍ତ୍ରୀ କହିଲେ…

ଡ୍ରଗ୍ସ ଲିଙ୍କ୍ ମାମଲାରେ ଆଉଜଣେ ପେଡଲର୍ ଗିରଫ

ଏଣିକି କୁକୁରଙ୍କ ପାଇଁ ବ୍ଲଡ୍ ବ୍ୟାଙ୍କ୍

ମୃତ୍ୟୁ ପୂର୍ବରୁ ଶେଷଥର ପାଇଁ କାହାକୁ କଲ୍‌ କରିଥିଲେ ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ?

କରୋନା ପଜିଟିଭ୍‌ କହି ପତ୍ନୀଙ୍କ ପାଖରୁ ଖସିଗଲେ, ଗର୍ଲଫ୍ରେଣ୍ଡ୍‌ଙ୍କ ସହ ଧରାପଡ଼ିଲେ

ନୂଆ କୃଷି ବିଲ୍‌‌କୁ କାହିଁକି ଡରୁଛନ୍ତି ଚାଷୀ ?

ଦେଶରେ ଦିନକରେ ୯୬ହଜାର ୪୨୪ କରୋନା ଆକ୍ରାନ୍ତ ଚିହ୍ନଟ

ୱାଶ୍‌ରୁମ୍‌ରୁ ମିଳିଲା ଜଣାଶୁଣା ଫ୍ୟାଶନ୍‌ ଡିଜାଇନର୍‌ଙ୍କ ମୃତଦେହ

ବିରୋଧ ସତ୍ତ୍ୱେ ଲୋକସଭାରେ ପାରିତ ହେଲା କୃଷି ବିଲ

You might also like