ସିବିଆଇ ତଦନ୍ତ ଦାବି କଲେ ହାଥରସ ପୀଡ଼ିତାଙ୍କ ଭାଇ; କହିଲେ, ବାପା ଚାପରେ ବୟାନ ଦେଇଛନ୍ତି

ଲକ୍ଷ୍ନୌ: ହାତରସ ପୀଡ଼ିତାଙ୍କ ବାପା ୟୁପି ସରକାରଙ୍କ ତଦନ୍ତରେ ସନ୍ତୁଷ୍ଟ ଥିବା ପୋଲିସ କହୁଥିବା ବେଳେ ତାଙ୍କ ସାନ ଭାଇ କିନ୍ତୁ ଏଥିରେ ସନ୍ତୁଷ୍ଟ ନାହାନ୍ତି। ଏନେଇ ଏକ ଜାତୀୟ ଗଣମାଧ୍ୟମକୁ ଫୋନ୍ ଯୋଗେ କଥା ହୋଇ ପୀଡ଼ିତାଙ୍କ ସାନଭାଇ ସିବିଆଇ ତଦନ୍ତ ଦାବି କରିଛନ୍ତି।

ଫୋରେନ୍ସିକ ଓ ଶବ ବ୍ୟବଚ୍ଛେଦ ରିପୋର୍ଟରେ ପୀଡ଼ିତାଙ୍କ ଦୁଷ୍କର୍ମ ହୋଇନଥିବା ରିପୋର୍ଟକୁ ଅସ୍ୱୀକାର କରିଛନ୍ତି ତାଙ୍କ ସାନଭାଇ। ଏନେଇ ସେ କହିଛନ୍ତି “ ଆମେ ଏହି ତଦନ୍ତରେ ସନ୍ତୁଷ୍ଟ ନାହୁଁ। ଏହି ମାମଲାରେ ଆମେ ସିବିଆଇ ତଦନ୍ତ ଚାହୁଁଛୁ। ମୋ ଭଉଣୀର ମୃତ୍ୟୁ ହୋଇଛି ଓ ପୋଲିସ ଆମକୁ ତା ମୁହଁ ବି ନ ଦେଖାଇ ଅନ୍ତିମ ସଂସ୍କାର କରିଛି। ତେଣୁ ଆମେ ସନ୍ତୁଷ୍ଟ ବୋଲି ସେମାନେ କେମିତି ଭାବୁଛନ୍ତି ?”

କିଛି ସମୟ ପୂର୍ବରୁ ପୀଡ଼ିତାଙ୍କ ବାପା ପୋଲିସ ତଦନ୍ତରେ ସନ୍ତୁଷ୍ଟ ଥିବା ପୋଲିସ କହିଥିଲା। ଏହା ଉପରେ ବି ମନ୍ତବ୍ୟ ରଖିଛନ୍ତି ପୀଡ଼ିତାଙ୍କ ସାନ ଭାଇ। ସେ କହିଛନ୍ତି “ମୋ ବାପା ସନ୍ତୁଷ୍ଟ ଥିବା ନେଇ ଯେଉଁ ମନ୍ତବ୍ୟ ଦେଇଥିଲେ, ତାହା ଚାପରେ ଦେଇଥିଲେ। ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥଙ୍କ ସହିତ ଭିଡିଓ କଲ୍‌ରେ କଥା ହେବା ପାଇଁ ମୋ ବାପାଙ୍କୁ ଡକାଯାଇଥିଲା। ଏହାପରେ ପୋଲିସ ତଦନ୍ତ ସପକ୍ଷରେ ମନ୍ତବ୍ୟ ଦେବା ପାଇଁ ତାଙ୍କ ଉପରେ ଚାପ ପକାଇଯାଇଥିଲା।”

ସେ ଆହୁରି ମଧ୍ୟ କହିଥିଲେ ଯେ ପୋଲିସ ସବୁଆଡ଼େ ରହିଛନ୍ତି। ଏମିତିକି ଘରର ଛାତ ଉପରେ ବି ପୋଲିସ ରହିଛନ୍ତି। ମିଡିଆ ସହିତ କଥା ହେବାକୁ ମଧ୍ୟ ଦେଉନାହାଁନ୍ତି ବୋଲି ପୀଡ଼ିତାଙ୍କ ସାନ ଭାଇ କହିଛନ୍ତି।

ଏଫ୍‌ଏସ୍‌ଏଲ୍ ରିପୋର୍ଟ ଓ ଶବ ବ୍ୟବଚ୍ଛେଦ ରିପୋର୍ଟରେ ପୀଡ଼ିତାଙ୍କୁ ଦୁଷ୍କର୍ମ ହୋଇନଥିବା କୁହାଯାଉଥିଲା। ତେବେ ମୃତ୍ୟୁ ପୂର୍ବରୁ ପୀଡ଼ିତାଙ୍କୁ ଗଣଦୁଷ୍କର୍ମ କଥା କାହିଁକି କହିଥିଲେ ବୋଲି ପଚାରିବାରୁ ପୀଡ଼ିତାଙ୍କ ସାନ ଭାଇ କହିଥିଲେ, ତାଙ୍କ ସହିତ ଏପରି ହୋଇଛି ତେଣୁ ସେ କହିଛନ୍ତି।

ତେବେ ସେପ୍ଟେମ୍ବର ୧୪ ତାରିଖ ବୟାନରେ ପୀଡ଼ିତା କାହିଁକି ଦୁଷ୍କର୍ମ କଥା କହିନଥିଲେ ବୋଲି ତାଙ୍କ ଭାଇଙ୍କୁ ପଚରାଯାଇଥିଲା। ଜବାବରେ ସେ କହିଥିଲେ “ ମୁଁ ଭାବୁଛି ଲଜ୍ୟା କାରଣରୁ ସେ ଏହାକୁ ଲୁଚାଇବାକୁ ଚେଷ୍ଟା କରୁଥିବ।”

ଅନ୍ୟୁପଟେ ଏହି ଘଟଣାରେ ଜିଲ୍ଲା ମାଜିଷ୍ଟ୍ରେଟ ପ୍ରବୀଣ କୁମାର ଲକ୍ସକରଙ୍କ ଏକ ଭିଡିଓ ଭାଇରାଲ୍‌ ହେବାରେ ଲାଗିଛି। ଯେଉଁଥିରେ ଡିଏମ୍‌ ପୀଡ଼ିତାଙ୍କ ପରିବାରକୁ କିଛି କହୁଥିବାର ଶୁଣାଯାଉଛି। ଯେଉଁଥିରେ ସେ ପୀଡ଼ିତାଙ୍କ ପରିବାରକୁ ବୟାନ ବଦାଇବାକୁ ଏକପ୍ରକାର ପ୍ରବର୍ତ୍ତାଉଥିବା ଦେଖାଯାଉଛି।

 

 

ଆହୁରି ପଢ଼ନ୍ତୁ

ନଭେମ୍ବର ଶେଷ ଯାଏ ବଢ଼ିଲା ଅନ୍‌ଲକ୍‌ ୫.୦ ଗାଇଡ୍‌ ଲାଇନ କଟକଣା

ଏବେ ଯେକୌଣସି ବ୍ୟକ୍ତି ଜାମ୍ମୁ କାଶ୍ମୀରରେ କିଣି ପାରିବେ ଜାଗା

ବାହା ହେବାକୁ ମନା କରିବାରୁ ଅଭିନେତ୍ରୀଙ୍କୁ ଛୁରାମାଡ଼ କଲେ ଫେସ୍‌ବୁକ ଫ୍ରେଣ୍ଡ

ଲଭ୍‌-ଜିହାଦ୍‌ରୁ ହତ୍ୟା! ସିସିଟିଭିରେ କଏଦ୍‌ ହେଲା ଭିଡିଓ

ଅଓ୍ୱନ୍ତିପୋରାରେ ଏନ୍‌କାଉଣ୍ଟର: ଆତ୍ମସମର୍ପଣ କଲା ଆତଙ୍କୀ

କେନ୍ଦ୍ରମନ୍ତ୍ରୀ ରାମଦାସ ଆଠୱାଲେ କରୋନା ପଜିଟିଭ୍

ହାଥରସ ଘଟଣା: ସୁପ୍ରିମକୋର୍ଟ କହିଲେ ୟୁପିରୁ ବାହାରକୁ ସ୍ଥାନାନ୍ତର ହେବନି ମାମଲା

୨ ଲକ୍ଷରୁ ଅଧିକ ଟଙ୍କାର ପିଆଜ ଚୋରି

ଭାରତ-ଆମେରିକା ଟୁ ପ୍ଲସ ଟୁ ବୈଠକ: BECA ରାଜିନାମା ସ୍ୱାକ୍ଷର କରିବେ ଦୁଇ ଦେଶ

ବିହାର ନିର୍ବାଚନ: ୩୪% ପ୍ରାର୍ଥୀଙ୍କ ନାଁରେ ରହିଛି ଅପରାଧିକ ମାମଲା

ସୋନୁ ସୁଦ୍‌ଙ୍କ ସାହାଯ୍ୟକୁ ନେଇ ୟୁଜର୍ସ କହିଲେ ‘ବଡ ଧୋକା’; ସୋନୁ ଦେଲେ ଏମିତି ଜବାବ୍‌

ମଦ୍ରାସାରେ ଭୟଙ୍କର ବିସ୍ଫୋରଣ; ୭ ମୃତ ୭୦ ଆହତ

You might also like