ଉପନିର୍ବାଚନରେ କୋଭିଡ କଟକଣା: ନାମାଙ୍କନ ପତ୍ର ଦାଖଲ ବେଳେ ଶୋଭାଯାତ୍ରା ମନା

ନୂଆଦିଲ୍ଲୀ:କରୋନା କଟକଣା ମଧ୍ୟରେ ହେବାକୁ ଯାଉଛି ବିହାର ବିଧାନସଭା ନିର୍ବାଚନ ଓ ବିଭିନ୍ନ ରାଜ୍ୟର ଉପନିର୍ବାଚନ।  କରୋନା କଟକଣାକୁ ଦୃଷ୍ଟିରେ ରଖି ଷ୍ଟାର କ୍ୟାମ୍ପେନର ଗାଇଡ୍‌ଲାଇନ୍‌ରେ ପରିବର୍ତ୍ତନ କରିଛନ୍ତି ନିର୍ବାଚନ କମିଶନ। କେମିତି ପ୍ରଚାର କରାଯିବ, ପ୍ରାର୍ଥୀମାନେ କିପରି ନାମାଙ୍କନ ଦାଖଲ କରିବେ ସେ  ନେଇ ଗାଇଡ ଲାଇନ ଜାରି କରିଛନ୍ତି ଇସି।

ନିର୍ବାଚନରେ ଲଢୁଥିବା ପ୍ରାର୍ଥୀଙ୍କ ପାଇଁ ଜାରି ନିର୍ଦ୍ଦେଶନାମା ଅନୁସାରେ,  ନାମାଙ୍କନ ଦାଖଲ ପାଇଁ ପ୍ରାର୍ଥୀଙ୍କ ସହିତ କେବଳ ଦୁଇ ଜଣ ସମର୍ଥକ ଯାଇ ପାରିବେ । ନାମାଙ୍କନ ଲାଗି କେବଳ ଦୁଇଟି ଗାଡି ବ୍ୟବହାର କରିପାରିବେ ପ୍ରାର୍ଥୀ । ଘର ଘର ବୁଲି ପ୍ରଚାର ପାଇଁ ସର୍ବାଧିକ ୫ ଜଣଙ୍କୁ ଅନୁମତି ମିଳିବ । ପବ୍ଲିକ ମିଟିଂ ପାଇଁ ସ୍ଥାନ ଚୟନ ହେବ ଏବଂ ୧୦୦ ଭିତରେ ସୀମିତ ରହିବ ସଂଖ୍ୟା।

ନୋମେନେସନ୍ ଦାଖଲ ପାଇଁ ଏକ ବଡ଼ କଠୋରୀର ବ୍ୟବସ୍ଥା କରିବେ ଜିଲ୍ଲା ପ୍ରଶାସନ । ଭୋଟରଙ୍କ ତାପମାତ୍ରା ମାପିବା, ସାନିଟାଇଜର, ମାସ୍କ ପିନ୍ଧିବା ସହ ସାମାଜିକ ଦୂରତା ପାଳନ କରିବେ ସମସ୍ତ ଭୋଟର । ଗ୍ଲୋଭ୍ସ ବ୍ୟବହାର କରି ଭୋଟ ଦେବାକୁ ଯିବେ । ଏଥିଲାଗି ପ୍ରଶାସନ ପକ୍ଷରୁ ସମସ୍ତ ଭୋଟରଙ୍କୁ ଗ୍ଲୋଭ୍ସ ପ୍ରଦାନ କରାଯିବ । ପ୍ରତି ବୁଥ୍‌ରେ ସର୍ବାଧିକ ୧ ହଜାର ଭୋଟର ଭୋଟ ଦେବାକୁ ବ୍ୟବସ୍ଥା କରାଯାଇଛି ତେବେ କରୋନା ଦୃଷ୍ଟିରୁ ଭୋଟ ଗ୍ରହଣ ପାଇଁ ୪୦ରୁ ୫୦% ବୁଥ୍ ବଢ଼ା ଯାଇଛି।

ଭୋଟ ଗ୍ରହଣ ଦିନ ସମସ୍ତଙ୍କର ଥର୍ମାଲ ସ୍କ୍ରିନିଂ ହେବ। ମାସ୍କ ବାଧ୍ୟତାମୂଳକ । ମାସ୍କ ପିନ୍ଧି ନ ଥିଲେ ପ୍ରଶାସନ ପକ୍ଷରୁ ଦିଆଯିବ । ଗ୍ଲୋଭ୍ସ ପିନ୍ଧି ଭୋଟର EVM ବଟନ୍ ଟିପିବେ। କୌଣସି ଭୋଟର କରୋନା ସନ୍ଦେହ ହେଲେ, ଟୋକନ୍ ନେଇ ଶେଷ ଘଣ୍ଟାରେ ଭୋଟ ଦେବେ।

You might also like