ପ୍ରଧାନମନ୍ତ୍ରୀ-ମୁଖ୍ୟମନ୍ତ୍ରୀ ଆଲୋଚନା: ପିଏମ୍‌ କହିଲେ, ସାମାନ୍ୟ ଅସାବଧାନ ହେଲେ ସବୁ ପାଣିରେ ପଡ଼ିବ

ନୂଆଦିଲ୍ଲୀ: ସାମାନ୍ୟ ଅସାବଧାନରେ ସବୁ ପାଣିରେ ପଡ଼ିବ। କରୋନା ସ୍ଥିତି ନେଇ ମୁଖ୍ୟମନ୍ତ୍ରୀମାନଙ୍କ ସହ ମୋଦିଙ୍କ ଆଲୋଚନା। ଏହି ଆଲୋଚନା କାଳରେ ଲୋକଙ୍କୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।

ଏ ନେଇ ସେ କହିଛନ୍ତି, ବର୍ତ୍ତମାନ ସ୍ଥିତିରେ ଘରୁ ବାହାରକୁ ବାହାରିବା କଥା ଚିନ୍ତା ବି କରନ୍ତୁନି। ସାମାନ୍ୟ ଅସାବଧାନ ହେଲେ ଆମର ସବୁ ଚେଷ୍ଟା ପାଣିରେ ପଡ଼ିବ। ୨ ଗଜ ଦୂରତ୍ୱ ରଖି ସତର୍କତାର ସହ ଆମେ କାମ କରିବା ବୋଲି ମୋଦି ଲୋକମାନଙ୍କୁ ପରାମର୍ଶ ଦେଇଛନ୍ତି।

ଏଥିସହିତ ସେ ଆହୁରି ମଧ୍ୟ କହିଛନ୍ତି, ଯେ ଏବେ ପ୍ରାୟ ସବୁ ସରକାରୀ, ବେସରକାରୀ ଅଫିସ ଖୋଲିଗଲାଣି। ଧୀରେଧୀରେ ବେପାର, ବଣିଜ ସ୍ୱାଭାବିକଆଡ଼କୁ ଗତି କରୁଛି। ପ୍ରତିଟି ଭାରତୀୟଙ୍କୁ ବଞ୍ଚାଇବା ପାଇଁ ଦିନରାତି ପରିଶ୍ରମ କରିଛୁ। ଆବଶ୍ୟକ ପଦକ୍ଷେପ ଦ୍ୱାରା କରୋନାକୁ ନିୟନ୍ତ୍ରଣ କରିବାରେ ସଫଳ ହୋଇଛୁ ବୋଲି ମୋଦି କହିଛନ୍ତି।

ନିକଟରେ ଲକ୍ଷ ଲକ୍ଷ ପ୍ରବାସୀ ଶ୍ରମିକ ନିଜ ଗାଁକୁ ଫେରିଛନ୍ତି। ଏତେ ଜନସଂଖ୍ୟା ସତ୍ତ୍ୱେ ଯେଭଳି ବିନାଶକାରୀ ହେବାକଥା ହୋଇନି। ଭାରତୀୟଙ୍କ ଅନୁଶାସନ ଏବେ ବିଶ୍ୱରେ ଚର୍ଚ୍ଚା ହେଉଛି ବୋଲି କହିଛନ୍ତି  ମୋଦି।

You might also like