ଦେଶରେ କରୋନା ମୃତ୍ୟୁ ସଂଖ୍ୟା ୨୫୦୦ ଟପିଲା

ନୂଆଦିଲ୍ଲୀ: ଦେଶରେ କ୍ରମାଗତ ଭାବେ ବୃଦ୍ଧି ପାଇ ଚାଲଛି କରୋନା ଆକ୍ରାନ୍ତଙ୍କ ସଂଖ୍ୟା।  ଗତ ୨୪ ଘଣ୍ଟାରେ ଦେଶରେ କୋଭିଡ-୧୯ରେ ୧୩୪ ଜଣଙ୍କର ମୃତ୍ୟୁ ଘଟିଛି। ଦିନକରେ ୩ ହଜାର ୭୨୨ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି।  ଏହା ସହ ଦେଶରେ କରୋନା ମୃତ୍ୟୁ ସଂଖ୍ୟା ୨୫ଶହ ୪୯ ଛୁଇଁଥିବାବେଳେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୭୮, ୦୦୩ରେ ପହଞ୍ଚିଛି।

ତେବେ ୨୬ ହଜାର ୨୩୪ ଜଣ କରୋନା ଆକ୍ରାନ୍ତ ବର୍ତ୍ତମାନ ସୁଦ୍ଧା ସୁସ୍ଥ ହୋଇ ଘରକୁ ଫେରିଛନ୍ତି।  ବର୍ତ୍ତମାନସୁଦ୍ଧା ଦେଶରେ ଆକ୍ଟିଭ କେସ୍ ରହିଛି ୪୯ ହଜାର ୨୧୯।  ମହାରାଷ୍ଟ୍ରରେ ସର୍ବାଧିକ ୯୭୫ଜଣଙ୍କ ମୃତ୍ୟୁ ହୋଇଛି।  ଆକ୍ରାନ୍ତଙ୍କ ସଂଖ୍ୟା ୨୫ ହଜାର ୯୨୨ ପାର୍ କରିଛି ।
ସେହିପରି ଗୁଜରାଟରେ ୫୬୬ ଜଣଙ୍କ ଜୀବନ ଯାଇଛି। ଆକ୍ରାନ୍ତଙ୍କ ସଂଖ୍ୟା ରହିଛି ୯ ହଜାର ୨୬୭ । ମଧ୍ୟପ୍ରଦେଶରେ ମୃତ୍ୟୁ ସଂଖ୍ୟା ୨୩୨ ଛୁଇଁଛି । ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୪ ହଜାର ୧୭୩ ରହିଛି।  ରାଜସ୍ଥାନରେ ମଧ୍ୟ ୧୨୧ ପାର୍ କରିଛି କରୋନା ମୃତ୍ୟୁ ସଂଖ୍ୟା । ଏଠାରେ କରୋନା ଆକ୍ରାନ୍ତ ସଂଖ୍ୟା ୪ ହଜାର ୩୨୮ ରହିଛି ।

You might also like