ମ୍ୟାଚ୍‌ ନୁହେଁ, ସେ ଥିଲା ଇଟାଲି ପାଇଁ ଜୈବିକ ବମ୍

ରୋମ୍‌: ଇଟାଲିରେ କରୋନା ତାଣ୍ଡବ ହୃଦୟ ଥରାଇ ଦେଉଛି । ଏତେ ସମୃଦ୍ଧ ଦେଶ, ଅର୍ଥନୀତିଠାରୁ ଆରମ୍ଭ କରି ସ୍ୱାସ୍ଥ୍ୟ ସେବା ଏତେ ଭଲ। ତଥାପି ଏମିତି କାହିଁକି ହେଲା ? କରୋନାର ଉତ୍ପତି ସ୍ଥଳ ଚୀନଠାରୁ ବି ଭୟାବହ ପରିସ୍ଥିତି ! କରୋନା ଭାଇରସ ଇଟାଲିରୁ ୮ ହଜାର ଜୀବନ ନେଇ ସାରିଲାଣି ।

ଇଟାଲିରେ ଏପରି ଭୟାବହ ସ୍ଥିତି କାହିଁକି ହେଲା ତାହାର ଉତ୍ତରରେ ଜଣେ ଡାକ୍ତର କହିଛନ୍ତି, ଫେବ୍ରୁଆରୀରେ ମିଲାନରେ ହୋଇଥିବା ଏକ ଚାମ୍ପିଅନ ଲିଗ୍‌ ମ୍ୟାଚ୍‌ ଇଟାଲି ପାଇଁ ଜୈବିକ ବମ୍‌ ପାଲଟିଲା । ଏହି ମ୍ୟାଚ୍‌୍ ଦେଖିବା ପାଇଁ ୪୦ ହଜାର ଲୋକ ଏକାଠି ହୋଇଥିଲେ ।

ଡାକ୍ତର ପ୍ରାନନ୍ସିକୋ ଫୋକେଙ୍କ କହିବା ଅନୁଯାୟୀ, ୧୯ ଫେବ୍ରୁଆରୀରେ ମିଲାନ ସହରରେ ଏକ ମ୍ୟାଚର ଆୟୋଜନ କରାଯାଇଥିଲା । ଆଟଲାଣ୍ଟା ଏବଂ ବେଲେସିଆ ମଧ୍ୟରେ ଏହି ମ୍ୟାଚ ଚାଲିଥିଲା । ଏହି ମ୍ୟାଚ୍‌ ଦେଖିବା ପାଇଁ ସ୍ୟେନ ସିରୋ ଷ୍ଟାଡିୟମରେ ପ୍ରାୟ ୪୦ ହଜାର ଦର୍ଶକ ଏକାଠି ହୋଇଥିଲେ । ଏହି ମ୍ୟାଚର ଦୁଇ ଦିନ ପରେ ପ୍ରଥମ କରୋନା ଆକ୍ରାନ୍ତ ବ୍ୟକ୍ତିଙ୍କ ମୃତ୍ୟୁ ଘଟିଥିଲା ।

ଏହା ପୂର୍ବରୁ ସ୍ଥାନୀୟ ଜଣେ ମେୟର ମଧ୍ୟ ସମାନ କଥା କହିଥିଲେ । ସେ କହିଥିଲେ, ଏହି ମ୍ୟାଚ ପରେ ହିଁ ଇଟାଲିରେ କରୋନା ଦ୍ରୁତ ଗତିରେ ବ୍ୟାପିଥିଲା । କାରଣ ଏହି ମ୍ୟାଚ ଦେଖିବାକୁ ଅନେକ ୟୁରୋପୀୟ ଦେଶରୁ ଦର୍ଶକ ଆସିଥିଲେ । ବୋଧହୁଏ ସେହିଠାରୁ ଏହି ଭୟଙ୍କର ରୋଗ ବ୍ୟାପିଥିଲା ବୋଲି ମେୟର ଜଣକ ଅନୁମାନ କରିଛନ୍ତି ।

ମେୟରଙ୍କ ପରି ସ୍ଥାନୀୟ ବର୍ଗାମୋ ଡାକ୍ତରଖାନାର ଜଣେ ଡାକ୍ତର ମଧ୍ୟ ଏହି ମ୍ୟାଚ୍‌୍‌କୁ ଜୈବିକ ବମ୍ ବୋଲି ଅଭିହିତ କରିଛନ୍ତି । ସେ କହିଛନ୍ତି ଆଟଲାଣ୍ଟା ଟିମର କ୍ୟାପଟେନ୍‌ ଆଲେକ୍‌ଜାଣ୍ଡ୍ରା ଗୋମେଜ ମଧ୍ୟ ଡରି ଯାଇଥିଲେ । ଏବେ ଏଇ ମ୍ୟାଚ୍‌୍‌କୁ ନେଇ ସାରା ଇଟାଲିରେ ଚର୍ଚ୍ଚା ହେବାରେ ଲାଗିଛି ।

ସୂଚନାଥାଉ କି, ଇଟାଲିରେ ଏବେ ୬୨୦୩ ନୂଆ ଆକ୍ରାନ୍ତଙ୍କୁ ଠାବ କରାଯିବା ପରେ ଆକ୍ରାନ୍ତଙ୍କ ସଂଖ୍ୟା ୮୦ ହଜାର ଟପି ଗଲାଣି । ଏହାକୁ ରୋକିବା ପାଇଁ ଇଟାଲି ସରକାର ନାକେଦମ୍‌ ହୋଇଗଲେଣି । ଡାକ୍ତରଖାନାରେ ପ୍ରତିଦିନ ରୋଗୀଙ୍କ ସଂଖ୍ୟା ବଢି ଚାଲିଛି । ଏପରିକି ଡାକ୍ତରଖାନାରେ ଆଉ ଜାଗା ନାହିଁ । ଏବେ ସେଠାରେ ଏମିତି ପରିସ୍ଥିତି ହୋଇଛି, ବାହାରେ ଶେଡ୍‌୍ କରି ରୋଗୀଙ୍କ ପାଇଁ ବିଛଣା ପକାଯାଇଛି । ରୋଗୀଙ୍କ ପରିଜନଙ୍କୁ ଭିତରକୁ ଆସିବା ପାଇଁ ଦିଆଯାଉ ନାହିଁ । ଏପରିକି ଡାକ୍ତର ମଧ୍ୟ ସବୁ ରୋଗୀଙ୍କ ଚିକିତ୍ସା କରିପାରୁ ନାହାନ୍ତି ।

ମେଡିକାଲ କର୍ମଚାରୀଙ୍କ ଅଭାବରୁ ଆବଶ୍ୟକ ଚିକିତ୍ସା ସେବା ଏଠାରେ ମିଳି ପାରୁନାହିଁ । ସବୁଠାରୁ ଦୁଃଖର କଥା, ରୋଗୀର ମୃତ୍ୟୁ ପରେ ପରିବାର ଲୋକଙ୍କୁ ଶବ ଦେଖିବାକୁ ଦିଆଯାଉ ନାହିଁ । ସ୍‌:ାସ୍ଥ୍ୟ ଅଧିକାରୀଙ୍କ କହିବା ଅନୁଯାୟୀ, ରୋଗୀଙ୍କ ମୃତ୍ୟୁ ପରେ ମଧ୍ୟ ମୃତକଙ୍କ ପୋଷାକରେ ଏହି ଭାଇରସ କିଛି ଘଣ୍ଟା ପର୍ଯ୍ୟନ୍ତ ବଞ୍ଚି ରହୁଛି । ତେଣୁ ଶବ ପରିଜନ ଲୋକଙ୍କୁ ହସ୍ତାନ୍ତର କଲେ ରୋଗ ସଂକ୍ରମଣର ଆଶଙ୍କା ରହିଛି । ତେଣୁ ମୃତ୍ୟୁ ପରେ ଶବକୁ ତୁରନ୍ତ ସିଲ କରି ଦିଆଯାଉଛି । ଇଟାଲି ପରମ୍ପରା ଅନୁସାରେ ଶବକୁ ତାଙ୍କର ମନପସନ୍ଦ ପୋଷାକରେ ଗୁଡ଼ାଇ କବର ଦିଆଯାଏ । ହେଲେ ଏହି ପରମ୍ପରାକୁ ଏଠାରେ ଭାଙ୍ଗି ଦିଆଯାଇଛି । ଡାକ୍ତରଖାନାରେ ମିଳୁଥିବା କପଡାରେ ଶବକୁ ଗୁଡ଼ାଇ କଫିନ ଦିଆଯାଉଛି ।

 

ଆହୁରି ପଢ଼ନ୍ତୁ

୨୪ ଘଣ୍ଟାରେ ଦେଶରେ ୬୨ ହଜାର ୬୪ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ

ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ କରୋନା

ଏକ ମାସର ଶିଶୁ ଦେଲା କରୋନାକୁ ମାତ୍‌, ମା’ କ୍ଷୀରକୁ ଡାକ୍ତର କଲେ ଅସ୍ତ୍ର

ଓଡ଼ିଶାରେ କରୋନା ନେଲା ଆଉ ୧୪ ଜୀବନ

ଓଡ଼ିଶାରେ ୧,୫୨୮ ନୂଆ କରୋନା ଆକ୍ରାନ୍ତ‌ ଚିହ୍ନଟ, ଗଞ୍ଜାମରେ ସର୍ବାଧିକ

କରୋନା ମୃତ୍ୟୁ ପଞ୍ଝାରେ ମୁଖ୍ୟମନ୍ତ୍ରୀଙ୍କ ଜିଲ୍ଲା

କଟକ ସହରରୁ ୧୨୨ ପଜିଟିଭ ଚିହ୍ନଟ

ରାଜ୍ୟରେ କରୋନାରୁ ସୁସ୍ଥ ହେଲେ ୧୫୪୩ ଆକ୍ରାନ୍ତ

ଚିନ୍ତା ବଢାଉଛି କଟକର ୩ ଅଞ୍ଚଳ, ଖୋଲିବ ଆଉ ଏକ କୋଭିଡ୍ ହସ୍ପିଟାଲ

ରାଜଧାନୀରୁ ୧୬୬ କରୋନା ପଜିଟିଭ ଚିହ୍ନଟ, ୬୮ ଲୋକାଲ କେସ୍

ଯୁବକଙ୍କ ମୃତ୍ୟୁ ପରେ ଡାକ୍ତରଙ୍କୁ ମାଡ଼ ମାରିବା ଘଟଣାରେ ୫ ଅଟକ

କୋଭିଡ୍ ପରିଚାଳନାରେ ବଡ଼ ଦୁର୍ନୀତି ହୋଇଥିବା ଅଭିଯୋଗ ଆଣିଲେ ଅପରାଜିତା

You might also like