ଚୀନ ସହ ହାତ ମିଳାଇଲା ପାକିସ୍ତାନ; LoC ନିକଟରେ ମୁତୟନ କଲା ୨୦, ୦୦୦ ଟ୍ରୁପ୍‌ ସୈନ୍ୟ

ନୂଆଦିଲ୍ଲୀ: ଲଦାଖରେ ଭାରତ ଏବଂ ଚୀନ୍ ମଧ୍ୟରେ ଚାଲିଥିବା ତିକ୍ତତାକୁ ଦୃଷ୍ଟିରେ ରଖି ପାକିସ୍ତାନ ଗିଲ୍‌ଗିଟ-ବାଲ୍‌ଟିସ୍ତାନର LoC ନିକଟରେ ଦୁଇ ଡିଭିଜନ ସେନା ବିଭାଗ ମୁତୟନ କରିଛି। LoC ନିକଟରେ ପାକିସ୍ତାନୀ ସେନାର ପ୍ରାୟ ୨୦, ୦୦୦ ଟ୍ରୁପ୍‌ ସୈନ୍ୟ  ମୁତୟନ ହୋଇଛନ୍ତି। ଭାରତ ଉପରେ ଚାପ ପ୍ରୟୋଗ କରିବା ପାଇଁ ପାକିସ୍ତାନ ଏପରି କରୁଥିବା କୁହାଯାଉଛି। ଏପରିକି ଏହା ପଛରେ ଚୀନ୍‌ର ନିର୍ଦ୍ଦେଶ କାର୍ଯ୍ୟ କରୁଛି ବୋଲି ଆଶଙ୍କା କରାଯାଉଛି।

ଇକ୍‌ନମିକ ଟାଇମ୍‌ସ ସୂତ୍ରରୁ ପ୍ରକାଶ ଯେ, ଚୀନ ଅଧିକାରୀ ଜମ୍ମୁ-କାଶ୍ମୀରରେ ହିଂସା ବୃଦ୍ଧି କରିବା ପାଇଁ ଆତଙ୍କବାଦୀ ଗୋଷ୍ଠୀ ସହ ଆଲୋଚନା କରୁଛନ୍ତି। ଏଥିରୁ ସ୍ପଷ୍ଟ ସୂଚନା ମିଳୁଛି ଯେ, ଭାରତ ବିରୋଧରେ ସୀମାରେ ଚୀନ-ପାକିସ୍ତାନ ହାତ ମିଳାଇଛନ୍ତି। ଏହି କାରଣରୁ କାଶ୍ମୀରର ପଶ୍ଚିମ ସୀମାରେ ଉତ୍ତେଜନା ବୃଦ୍ଧି କରିବା ପାଇଁ ପାକିସ୍ତାନ ୨୦ ହଜାର ସେନା ମୁତୟନ କରିଛି।

ଖବର ଅନୁଯାୟୀ, ବାଲାକୋଟ ଏୟାର ଷ୍ଟ୍ରାଇକ୍ ସମୟରେ ପାକିସ୍ତାନ  ଯେତିକି ସୈନ୍ୟ ମୁତୟନ କରିଥିଲା ଏଥର ତା ଠାରୁ ଅଧିକ ସୈନ୍ୟ ନିୟୋଜିତ କରିଛି।   ଏଥି ସହିତ ପାକିସ୍ତାନର ଏୟାର ଡିଫେନ୍ସ ରାଡାର ମଧ୍ୟ ୨୪ ଘଣ୍ଟା ପାଇଁ ସମଗ୍ର ଅଞ୍ଚଳ ଉପରେ ନଜର ରଖିଛି। ଗୋଟିଏ ପଟେ ପାକିସ୍ତାନ ଏବଂ ଚୀନ୍ ସୀମାରେ ସୈନ୍ୟ ମୁତୟନ ଏବଂ ଅନ୍ୟପଟେ ଆତଙ୍କବାଦୀଙ୍କୁ ଉତ୍ସାହିତ କରିବା ପାଇଁ ଉଦ୍ୟମ-ଏପରି ସ୍ଥିତିରେ ଭାରତକୁ ଦୁଇ ଦୁଇଟି ଯୁଦ୍ଧ କରିବାକୁ ପଡ଼ିବ।

କୁହାଯାଉଛି ଯେ ନିକଟ ଅତୀତରେ ଚୀନ୍ ଏବଂ ପାକିସ୍ତାନର ସାମରିକ ଅଧିକାରୀଙ୍କ ମଧ୍ୟରେ ବୈଠକ ହୋଇଛି। ଏହା ପରେ ପାକିସ୍ତାନ ଉତ୍ତରରେ ଲଦାଖକୁ ଲାଗିଥିବା ଗିଲଗିଟ୍‌-ବାଲଟିସ୍ଥାନରେ ୨୦, ୦୦୦ ସୈନ୍ୟ ମୁତୟନ କରିଛି।

 

You might also like