ନିର୍ଦ୍ଦୟ ପୋଲିସ! ପାସ୍‌ ନଥିବା କହି ଛାଡ଼ିଲାନି ଗାଡ଼ି, ଅଧାବାଟରେ ଚାଲିଗଲା ରୋଗୀଙ୍କ ଜୀବନ

ଛତିଶଗଡ଼: ଛତିଶଗଡ଼ରେ ପୋଲିସର ନିର୍ଦ୍ଦୟତା ଦେଖିବାକୁ ମିଳିଛି। ଯେଉଁଠାରେ ଜଣେ ଅସୁସ୍ଥ ମହିଳାଙ୍କୁ ଡାକ୍ତରଖାନା ନେବାକୁ ପୋଲିସ ଛାଡ଼ିନଥିଲା।  ଯାହାଦ୍ୱାରା ରାସ୍ତାରେ ହିଁ ମହିଳା ଜଣଙ୍କ ପ୍ରାଣ ହରାଇଥିଲେ। ଛତିଶଗଡ଼ର ବଳରାମପୁରର ଜଣେ ବ୍ୟକ୍ତି ନିଜ ପତ୍ନୀର ଦେହ ଖରାପ କହି ପୋଲିସ ଆଗରେ ବାରମ୍ୱାର ନିବେଦନ କରିଥିଲେ। ଏମିତିକି ବ୍ୟକ୍ତି ଜଣଙ୍କ ହସ୍ପିଟାଲର ସ୍ଲିପ୍‌ ମଧ୍ୟ ଦେଖାଇଥିଲେ, ତଥାପି ପୋଲିସ ବ୍ୟକ୍ତିଙ୍କ ଗାଡ଼ିକୁ ଆଗକୁ ଛାଡ଼ିନଥିଲା। ପୋଲିସି ବ୍ୟକ୍ତିଙ୍କୁ ପାସ୍‌ ମାଗିଥିଲା। ପାସ୍‌ ନ ଦେଇପରିବା ଯୋଗୁ ଘଟଣାର କିଛି ସମୟ ପରେ ବ୍ୟକ୍ତି ନିଜ ପତ୍ନୀଙ୍କୁ ଧରୀ ଘରକୁ ଫେରୁଥିଲେ। କିନ୍ତୁ ତାଙ୍କ ପତ୍ନୀ ଗାଁଠାରୁ ୧୦ କିମି ଦୂରରେ ପ୍ରାଣ ହରାଇଥିଲେ। ପୋଲିସ ଯୋଗୁ ମହିଳାଙ୍କର ପ୍ରାଣ ଚାଲିଯାଇଥିବା ପରିବାର ପକ୍ଷରୁ ଅଭିଯୋଗ ହୋଇଛି।

ଖବର ଅନୁଯାୟୀ, ବଳରାମପୁର ଜିଲ୍ଲାର ଗୌନା ଗାଁର ବିହାନୀ ଦେବୀ କିଛି ଦିନ ହେବ ଅସୁସ୍ଥ ଥିଲେ। ଏନେଇ ତାଙ୍କ ସ୍ୱାମୀ ଏକ ଭଡ଼ା ଗାଡ଼ି କରି ଚିକିତ୍ସା ପାଇଁ ତାଙ୍କୁ ଅମ୍ବିକାପୁରର ସରକାରୀ ଡାକ୍ତରଖାନାକୁ ନେଉଥିଲେ। କିନ୍ତୁ ସୁରଜପୁର ଜିଲ୍ଲାର ସୀମାରେ ଡ୍ୟୁଟି କରୁଥିବା ପୋଲିସ ତାଙ୍କୁ ଆଗକୁ ଛାଡ଼ିନଥିଲା। ବିହାନୀଙ୍କ ସ୍ୱାମୀ ପୋଲିସକୁ ହସ୍ପିଟାଲର ସ୍ଲିପ୍‌ ଦେଖାଇବା ସହିତ ଯେତେ କାକୁତି ମିନତୀ ହୋଇ କହିଥିଲେ ମଧ୍ୟ ପୋଲିସ ଗାଡ଼ି ଛାଡ଼ିନଥିଲା। ବ୍ୟକ୍ତିଙ୍କୁ ପୋଲିସ କର୍ମଚାରୀ ପାସ୍‌ ମାଗିଥିଲେ। ପାସ୍‌ ନଥିବା କହି ବ୍ୟକ୍ତିଙ୍କୁ ମେଡ଼ିକାଲ ଯିବାକୁ ଅନୁମତି ଦେଇନଥିଲେ।

ପରେ ବ୍ୟକ୍ତି ଜଣଙ୍କ ଅସୁସ୍ଥ ପତ୍ନୀଙ୍କୁ ଧରି ଘରକୁ ଫେରୁଥିଲେ। ତଥାପି ବ୍ୟକ୍ତିଙ୍କ ଦୁଃଖ ସରିନଥିଲା। ଘରକୁ ଫେରୁଥିବା ସମୟରେ ଗାଡ଼ିର ଡ୍ରାଇଭର ମଧ୍ୟ ସେମାନଙ୍କୁ ଅଧା ରାସ୍ତାରେ ଛାଡି ପଳାଇ ଯାଇଥିଲା। ପ୍ରାୟ ଏକ ଘଣ୍ଟା ଧରି ରାସ୍ତାରେ ଅପେକ୍ଷା କରିଥିଲେ। ସେତେବେଳକୁ ବିହାନୀଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରେ ଲାଗିଛି। ପରେ ଏକ ଟ୍ରାକ୍ଟର ସାହାଯ୍ୟରେ ମହିଳାଙ୍କ ଜଣଙ୍କ ଘରକୁ ଫେରୁଥିଲେ। କିନ୍ତୁ ଗାଁଠାରୁ ୧୦ କିମି ଦୂରରେ ମହିଳାଙ୍କର ପ୍ରାଣ ବାୟୁ ଉଡ଼ିଯାଇଥିଲା। ବ୍ୟକ୍ତି ଜଣଙ୍କ ମହିଳାଙ୍କ ମୃତଦେହକୁ ନେଇ ଗାଁକୁ ଫେରିଥିଲେ।

ଏଭଳି ଦୁଃଖଦ ଘଟଣାର ତଦନ୍ତ ପାଇଁ ସ୍ଥାନୀୟ ପ୍ରଶାସନ ଜଣେ ଅଧିକାରୀଙ୍କୁ ନିଯୁକ୍ତି କରିଥିବା ଜଣାପଡ଼ିଛି। ଏଥିସହିତ ସେଠାକାର ଜିଲ୍ଲାପାଳ ମଧ୍ୟ ତଦନ୍ତ ନିର୍ଦ୍ଦେଶ ଦେଇ କହିଛନ୍ତି ଯେ ଯଦି କେହିବି ଦୋଷୀ ସାବ୍ୟସ୍ତ ହୁଅନ୍ତି, ତେବେ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

 

ଆହୁରି ପଢ଼ନ୍ତୁ

କରୋନା ଆକ୍ରାନ୍ତ ବି ଦେବେ ଭୋଟ୍

ଲଦାଖରେ ବଡ଼ ଧରଣର ଭୂକମ୍ପ

୧୬ ବର୍ଷର ଝିଅ ଆକାଉଣ୍ଟରେ ୧୦ କୋଟି ଟଙ୍କା !

ସାଧାରଣ ଲୋକଙ୍କୁ ଦିଆଗଲା ଋଷ ଭାକ୍ସିନ୍‌ ‘ସ୍ପୁଟନିକ ଭି’

ଏନ୍‌କାଉଣ୍ଟରରେ ଦୁଇ ଲସ୍କର ଆତଙ୍କୀ ନିହତ

Bihar Election 2020 Date:୩ଟି ପର୍ଯ୍ୟାୟରେ ହେବ ବିହାର ବିଧାନସଭା ନିର୍ବାଚନ, ଭୋଟ୍‌ ଗ୍ରହଣ ସମୟ ସୀମା ୧ ଘଣ୍ଟା ବୃଦ୍ଧି

ଅକ୍ଟୋବରରେ ହେବ ଭାରତ ପ୍ରସ୍ତୁତ ’କୋଭାକ୍ସିନ’ର ତୃତୀୟ ପର୍ଯ୍ୟାୟ ପରୀକ୍ଷଣ

ଦକ୍ଷିଣ କୋରିଆ ଅଧିକାରୀଙ୍କୁ ଗୁଳି କରି ହତ୍ୟା କରିବା ପରେ ଜାଳିଦେଲେ

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ଭାରତରେ Harley-Davidsonର ପ୍ରଡକ୍ଟ ଓ ସେଲ୍ ବନ୍ଦ

ଗଲୱାନ ସଂଘର୍ଷରେ କେତେ ସୈନିକଙ୍କୁ ହରାଇଛି, ହିସାବ ଦେଲା ଚୀନ

୧୨ ବର୍ଷର ନାବାଳକଙ୍କ ସମେତ ୩ ଜଣଙ୍କ ଉପରେ ଚଢ଼ିଗଲା ବସ୍‌

You might also like