ଆଗାମୀ ଶିକ୍ଷାବର୍ଷରେ କମିବ ପାଠ୍ୟକ୍ରମ !

ନୂଆଦିଲ୍ଲୀ: କରୋନା ସଂକ୍ରମଣକୁ ଦୃଷ୍ଟିରେ ରଖି ମାର୍ଚ୍ଚ ମାସରୁ ସ୍କୁଲ ଛୁଟି କରାଯାଇଛି। ଜୁଲାଇ ୩୧ ତାରିଖ ପର୍ଯ୍ୟନ୍ତ ସ୍କୁଲ ଛୁଟି ଘୋଷଣା କରାଯାଇଛି। ତେବେ  ଅଗଷ୍ଟ ମାସରେ ବି ସ୍କୁଲ ଖୋଲିବ କି ନାହିଁ ସେ ନେଇ ସନ୍ଦେହ ଦେଖା ଦେଇଛି। ତେଣୁ ପିଲାମାନେ କିପରି ପାଠ ପଢିବେ ଚିନ୍ତାରେ ଅଛନ୍ତି।

ତେବେ ଏହି ଚିନ୍ତା ସାମାନ୍ୟ ହାଲୁକା କରି ଦେଇଛନ୍ତି କେନ୍ଦ୍ର ସରକାର। ଆଗାମୀ ଶିକ୍ଷାବର୍ଷରେ ପାଠ୍ୟକ୍ରମ ହ୍ରାସ ହୋଇପାରେ ବୋଲି ସୂଚନା ଦେଇଛନ୍ତି ସରକାର। ଅଭିଭାବକ ଏବଂ ଶିକ୍ଷକମାନଙ୍କ ଅନୁରୋଧକୁ ନଜରରେ ରଖି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରାଳୟ ପକ୍ଷରୁ ଏନେଇ ବିଚାର କରାଯାଉଛି।

ଏ ନେଇ କେନ୍ଦ୍ରମନ୍ତ୍ରୀ ରମେଶ ପୋଖରିୟାଲ ନିଶାଙ୍କ ଟ୍ୱିଟ୍ କରି ସୂଚନା ଦେଇଛନ୍ତି। ଏପରିକି ପାଠପଢା ସମୟ ମଧ୍ୟ କମାଯାଇ ପାରେ ବୋଲି ସେ କହିଛନ୍ତି।

You might also like