ଦ୍ୱାଦଶ ପରୀକ୍ଷାରେ ୧୦୦ ପ୍ରତିଶତ ନମ୍ବର ରଖି ଚର୍ଚ୍ଚାରେ ଦିବ୍ୟାଂଶୀ

ଲକ୍ଷ୍ନୌ: ଗତକାଲି ସିବିଏସଇ ଦ୍ୱାଦଶ ପରୀକ୍ଷା ଫଳ ପ୍ରକାଶିତ ପାଇଛି । ଏଥିରେ ଉତ୍ତରପ୍ରଦେଶ ଲକ୍ଷ୍ନୌର ଦିବ୍ୟାଂଶୀ ଜୈନ୍ ୧୦୦ ପ୍ରତିଶତ ମାର୍କ ରଖିଛନ୍ତି । ତାଙ୍କର ଏଇ ସଫଳତା ପାଇଁ ଚାରିଆଡୁ ଛୁଟିଛି ପ୍ରଶଂସାର ସୁଅ।

ଦିବ୍ୟାଂଶୀ ନବୟୁଗ ରେଡିଏନ୍ସ ସ୍କୁଲର ଛାତ୍ରୀ। ଦିବ୍ୟାଂଶୀ ପିଲାବେଳୁ ସେ ଭଲ ପାଠପଢନ୍ତି। ସ୍କୁଲରେ ସବୁବେଳେ ଭଲ ନମ୍ବର ରଖୁଥିଲେ। ସ୍କୁଲରେ ସେ ୯୭.୬ ପ୍ରତିଶତ ମାର୍କ ରଖିଥିଲେ। ଆହୁରି ଭଲ କରିବା ପାଇଁ ଖୁବ୍‌ ପରିଶ୍ରମ କରୁଥିଲେ। ତାଙ୍କର ଏହି ସଫଳତାର ଶ୍ରେୟ ନିଜ ବାପା-ମା’ଙ୍କ ସହ ଶିକ୍ଷକମାନଙ୍କୁ ଦେଇଛନ୍ତି ଦିବ୍ୟାଂଶୀ।

ଆଗକୁ ଦିବ୍ୟାଂଶୀ ଇତିହାସରେ ଗବେଷଣା କରିବାକୁ ଲକ୍ଷ୍ୟ ରଖିଛନ୍ତି । ଏହାଫଳରେ ସେ ଭାରତର ଇତିହାସ ସମ୍ପର୍କରେ ଅନେକ ତଥ୍ୟ ଜାଣିପାରିବେ ବୋଲି ଆଶା ରଖିଛନ୍ତି।

ଦିବ୍ୟାଂଶୀଙ୍କ ବାପା ରାକେଶ ପ୍ରକାଶ ଜୈନ ଜଣେ ବ୍ୟବସାୟୀ ଏବଂ ମାଆ ସୀମା ଜଣେ ଗୃହିଣୀ।

ସୂଚନାଥାଉ କି,  କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ଦ୍ୱାଦଶ ଶ୍ରେଣୀ ପରୀକ୍ଷାରେ ୮୮.୭୮ ପ୍ରତିଶତ ଛାତ୍ରଛାତ୍ରୀ ପାସ୍ କରିଛନ୍ତି। ଗତ ବର୍ଷ ୮୩.୪୦ ପ୍ରତିଶତ ଛାତ୍ରଛାତ୍ରୀ ପାସ୍ କରିଥବାବେଳେ ଚଳିତ ବର୍ଷ ଦ୍ୱାଦଶ ବୋର୍ଡ ପରୀକ୍ଷା ଫଳାଫଳରେ ୫% ଅଧିକ ପାସ କରିଛନ୍ତି। ଏଥି ସହିତ ପୁଅମାନଙ୍କ ତୁଳନାରେ ଝିଅଙ୍କ ପାସ୍ ହାର ଅଧିକ ରହିଛି।

You might also like