କଂଗ୍ରେସ ସଭାପତିଙ୍କ ଘରେ ସିବିଆଇ ଚଢଉ

ବେଙ୍ଗାଲୁର: କର୍ଣ୍ଣାଟକ ପ୍ରଦେଶ କଂଗ୍ରେସ ସଭାପତି  ଡିକେ ଶିବକୁମାରଙ୍କ ଘରେ ସିବିଆଇ ରେଡ୍ । ଆୟ ବହିର୍ଭୂତ ସମ୍ପତ୍ତି ଠୁୁଳ ଅଭିଯୋଗରେ ସିବିଆଇ ପକ୍ଷରୁ ଏହି ରେଡ କରାଯାଇଛି।  ଶିବକୁମାରଙ୍କ ସମେତ ତାଙ୍କ ଭାଇ ଡି.କେ ସୁରେଶଙ୍କ ଘରେ ବି ରେଡ୍ କରିଛି ସିବିଆଇ ।

ଏକକାଳୀନ ୧୪ଟି ସ୍ଥାନରେ ସିବିଆଇ ରେଡ୍ ନେଇ ସୂଚନା ଆସୁଛି । ସେଥିମଧ୍ୟରେ କର୍ଣ୍ଣାଟକର ୯, ଦିଲ୍ଲୀର ୪ ଓ ମୁମ୍ବାଇର ଗୋଟିଏ ସ୍ଥାନରେ ଚଢ଼ାଉ ହୋଇଛି । ଚଢ଼ାଉ ପରେ ଶିବକୁମାରଙ୍କ ନାଁରେ ମାମଲା ରୁଜୁ କରିଛି ସିବିଆଇ । ଡିକେ ଶିବକୁମାରଙ୍କ ଓକିଲ ସିବିଆଇର ଅଚାନକ କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନ ଉଠାଇଛନ୍ତି ।

କୋର୍ଟରେ ମାମଲା ଥିବା ବେଳେ ସିବିଆଇର ଏଭଳି କାର୍ଯ୍ୟାନୁଷ୍ଠାନ ଠିକ୍ ହୋଇନି ବୋଲି କହିଛନ୍ତି ତାଙ୍କ ଓକିଲ । ସେପଟେ ଶିବକୁମାରଙ୍କ ଘରେ ସିବିଆଇ ରେଡକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି ଶହ ଶହ କଂଗ୍ରେସ କର୍ମୀ ।

You might also like