ସୁପ୍ରିମକୋର୍ଟ କହିଲେ ରାସ୍ତାରେ ଚାଲି ଚାଲି ଯିବା ବେଳେ ପ୍ରବାସୀଙ୍କୁ ରୋକିହେବନି

ନୂଆଦିଲ୍ଲୀ: ଲକ୍ ଡାଉନ ସମୟରେ ରାସ୍ତାରେ ଚାଲି ଚାଲି ଯିବା ବେଳେ ଲୋକଙ୍କୁ ଅଟକା ଯାଇପାରିବନି। ଏଥିସହ କିଏ ଚାଲି ଚାଲି ଯାଉଛନ୍ତି, ତାହା ଯାଞ୍ଚ କରିବା ମଧ୍ୟ ଅସମ୍ଭବ ବ୍ୟାପାର। ଶୁକ୍ରବାର ଏକ ଆବେଦନର ଶୁଣାଣି ବେଳେ ଏଭଳି କହିଛନ୍ତି ସୁପ୍ରିମକୋର୍ଟ।  ଏଥି ସହିତ ଏ ସମ୍ପର୍କିତ ଏକ ଆବେଦନକୁ ସର୍ବୋଚ୍ଚ କୋର୍ଟ ଖାରଜ କରିଦେଇଛନ୍ତି।

ଯେଉଁ ପ୍ରବାସୀମାନେ ରାସ୍ତାରେ ଚାଲି ଚାଲି ଯାଉଛନ୍ତି, ସେମାନଙ୍କୁ ଖାଦ୍ୟ ଓ ବାସ ଯୋଗାଇ ଦେବାକୁ କେନ୍ଦ୍ର ସରକାରଙ୍କୁ କୋର୍ଟ ନିର୍ଦ୍ଦେଶ ଦିଅନ୍ତୁ ବୋଲି ଆଲୋକ ଶ୍ରୀବାସ୍ତବ ନାମକ ଜଣେ ଆଇନଜୀବୀ ଆବେଦନରେ ଦର୍ଶାଇଥିଲେ। ଏହା କୋର୍ଟ ବ୍ୟାପାର ନୁହେଁ, ତେବେ ଏନେଇ ସମସ୍ତ ରାଜ୍ୟ ସରକାର ନଜର ରଖି ବ୍ୟବସ୍ଥା କରିପାରିବେ ବୋଲି କହିଛନ୍ତି ସୁପ୍ରିମକୋର୍ଟ।

ସାରା ଦେଶର ପ୍ରବାସୀମାନଙ୍କୁ ନିଜ ନିଜ ପ୍ରଦେଶକୁ ଫେରିଯିବା ପାଇଁ ସରକାରଙ୍କର ତରଫଉ ଆର୍ଥିକ ସହଯୋଗ ଦିଆଯାଉଛି। କିନ୍ତୁ ପ୍ରବାସୀମାନେ ତାକୁ ଅପେକ୍ଷା ନକରି ପାଦରେ ଚାଲି ଚାଲି ଯାଉଛନ୍ତି ବୋଲି କେନ୍ଦ୍ର ସରକାର ସୁପ୍ରିକୋର୍ଟଙ୍କୁ କହିଥିଲେ।

 

You might also like