କଙ୍ଗାରୁକୁ ପାଣିରୁ ଉଦ୍ଧାର କଲା ପୁଲିସ, ଆଉ ତା ପରେ ….

ଅଷ୍ଟ୍ରେଲିଆ: ଅଷ୍ଟ୍ରେଲିଆର କାନବେରାରେ ଏମିତି ଏକ ଦୃଶ୍ୟ ସାମ୍ନାକୁ ଆସିଛି, ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ନଦୀରେ ଏକ କଙ୍ଗାରୁ ବୁଡ଼ି ଯାଉଥିବା ଦେଖି ଦୁଇ ଜଣ ପୁଲିସ କର୍ମଚାରୀ ବହୁ କଷ୍ଟରେ ତାକୁ ଉଦ୍ଧାର କଲେ। ହେଲେ ତା’ପରେ କଙ୍ଗାରୁ ଏମିତି କାମ କଲା…

 ପାଣିରୁ କଙ୍ଗାରୁକୁ ଉଦ୍ଧାର କରିବାର ଦୃଶ୍ୟକୁ କେହିଜଣେ ମୋବାଇଲରେ ରେକର୍ଡିଂ କରିଥିଲେ ଯାହାର ଭିଡିଓ ଭାଇରାଲ ହୋଇଛି। ପୁଲିସ  କର୍ମୀମାନେ କଙ୍ଗାରୁକୁ ଥରେ ବହୁ କଷ୍ଟରେ ପାଣିରୁ ଉଦ୍ଧାର କଲେ। ହେଲେ ତା ପରେ ପୁଣି ସେ ପାଣିକୁ ଡେଇଁ ପଡ଼ିଲା। କାନବେରାର ବୁରେଲ ଲେକ୍‌ରେ ଘଟିଛି ଏପରି ଘଟଣା।

Jetski police in Canberra attempt to arrest swimming suspect [OC] from r/australia

ଭିଡିଓରେ ଦେଖିବାକୁ ମିଳିଛି, ଦୁଇଜଣ ପୁଲିସ କର୍ମୀ କଙ୍ଗାରୁକୁ ବାହାରକୁ ଆଣିଛନ୍ତି। ହେଲେ କୂଳରେ ପହଞ୍ଚିବା  ପରେ କଙ୍ଗାରୁକୁ ଡଙ୍ଗାରୁ କାଢି ତଳେ ରଖିବା କ୍ଷଣି ସେ ପୁଣି ଛଲାଙ୍ଗ ମାରି ପାଣିକୁ ଡେଇଁ ପଡ଼ିଛି। ସେତିକି ନୁହେଁ, ପହଁରି ପହଁରି ଦୂରକୁ ପଳାଇ ଯାଉଛି। ଏକାଧିକ ବାର ଚେଷ୍ଟା କରିବା ପରେ ଶେଷରେ କଙ୍ଗାରୁକୁ ପାଣିରୁ ଉଦ୍ଧାର କରିଛନ୍ତି।

ସୂଚନା ଅନୁଯାୟୀ, କଙ୍ଗାରୁ ଭଲ ପହଁରିପାରେ। ହେଲେ କିନ୍ତୁ  ଏଠି ସେ ପାଣିରେ ଫସି ଯାଇଥିଲା। ସେ ଯେତେବେଳେ ପାଣିରୁ ବାହାରିବାକୁ ଚେଷ୍ଟା କରୁଥିଲା ଲେକ୍‌ର ଦୁଇ ପାଖରେ ଥିବା ସିମେଣ୍ଟ ବନ୍ଧ ଥିବାରୁ ପାଣିରୁ ବାହାରି ପାରୁ ନ ଥିଲା। ଆଉ ପୁଲିସ କର୍ମୀମାନେ ଯେତେବେଳେ ତାକୁ ଉଦ୍ଧାର କରୁଥିଲେ ସେ ପୁଣି ପାଣିକୁ ଡ଼େଇଁ ପଡ଼ୁଥିଲା।

ଯାହା ବି ହେଉ, ୨ୟ ଥର କଙ୍ଗାରୁକୁ ପାଣିରୁ ବାହାର କରିବା ପରେ ପୁଲିସ କର୍ମୀ ତାକୁ ବାନ୍ଧି ଦେଇଥିଲେ ଏବଂ ପରେ ଏକ ଟ୍ରକ୍‌ରେ ପକାଇ ନେଇ ଯାଇଥିଲେ।

You might also like