ଏପ୍ରିଲ ସୁଦ୍ଧା ମିଶିବେ ତିନି ରାଷ୍ଟ୍ରାୟତ୍ତ ବ୍ୟାଙ୍କ

ନୂଆଦିଲ୍ଲୀ: ଚଳିତ ବର୍ଷ ଏପ୍ରିଲ ସୁଦ୍ଧା ମିଶ୍ରଣ ହେବ ତିନି ରାଷ୍ଟ୍ରାୟତ୍ତ ବ୍ୟାଙ୍କ। ବିଜୟା ବ୍ୟାଙ୍କ, ବ୍ୟାଙ୍କ ଅଫ୍ ବରୋଦା ଏବଂ ଦେନା ବ୍ୟାଙ୍କର ମିଶ୍ରଣ ନେଇ ଆଜି ବିଧିବଦ୍ଧ ଭାବେ ନିଷ୍ପତ୍ତି ହୋଇଛି।

ଆଜି ବସିଥିବା କେନ୍ଦ୍ର କ୍ୟାବିନେଟ୍‌ରେ ଅର୍ଥନୈତିକ ବ୍ୟାପାର କମିଟିରେ ନିଷ୍ପତ୍ତି ପରେ ଏନେଇ ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ।

ତିନି ବ୍ୟାଙ୍କର ମିଶ୍ରଣ ପରେ ଏହା ଦେଶର ତୃତୀୟ ବୃହତ ବ୍ୟାଙ୍କ ହେବ।

ଦେନା ବ୍ୟାଙ୍କ ଓ ବିଜୟା ବ୍ୟାଙ୍କର ସମସ୍ତ କାର୍ଯ୍ୟ ଏଣିକି ବ୍ୟାଙ୍କ ଅଫ୍ ବରୋଦାରେ ହେବ। ତେବେ ଏହାଦ୍ୱାରା କର୍ମଚାରୀ ଓ ଗ୍ରାହକ ଅସୁବିଧା ଭୋଗିବେ ନାହିଁ ବୋଲି କେନ୍ଦ୍ରମନ୍ତ୍ରୀ ସୂଚନା ଦେଇଛନ୍ତି। ଏହି ବ୍ୟାଙ୍କକୁ ଆର୍ଥିକ ସ୍ୱଚ୍ଛଳ ଏବଂ ବିଶ୍ୱସ୍ତରୀୟ କରିବା ଉଦେଶ୍ୟରେ ଏପରି କରାଯାଇଛି ବୋଲି କେନ୍ଦ୍ର ସରକାର କହିଛନ୍ତି।

 

You might also like