ସରକାରଙ୍କୁ ଦାୟୀ କଲା କଂଗ୍ରେସ

ପୁଲଓ୍ୱାମା ଆକ୍ରମଣ ଘଟଣା

 ନୂଆଦିଲ୍ଲୀ: ପୁଲଓ୍ୱାମାରେ ସଂଘଟିତ ଆତଙ୍କବାଦୀ ଆକ୍ରମଣରେ ୪୦ ଭାରତୀୟ ଯବାନ ସହିଦ ହୋଇଗଲେ। ଏହି ଘଟଣାରେ ସାରା ଦେଶରେ ଶୋକର ଛାୟା ଖେଳି ଯାଇଛି। ହେଲେ ଏତେ ବଡ଼ ଆତଙ୍କବାଦୀ ଆକ୍ରମଣ ପଛରେ ସରକାରଙ୍କ ଅବେହଳାକୁ ଦାୟୀ କରିଛି କଂଗ୍ରେସ।

କଂଗ୍ରେସ ମୁଖପାତ୍ର ରଣଦୀପ ସୂର୍ଯ୍ୟେବାଲା ଅଭିଯୋଗ କରିଛନ୍ତି, ଏତେ ପରିମାଣର ବିସ୍ଫୋରକ ସଂଗ୍ରହ କରି କିପରି ଆତଙ୍କବାଦୀମାନ ଠୁଳ କଲେ। ପୋଲିସ ଓ ଇଣ୍ଟେଲେଜନ୍ସି ଏଜେନ୍ସି କିପରି କିଛି ସୁରାକ ପାଇ ପାରିଲେ ନାହିଁ ।  ଆକ୍ରମଣର ୪୮  ଘଣ୍ଟା ପୂର୍ବରୁ ଜୈଶ୍ ଏ ମହମ୍ମଦ ଏକ ଭିଡିଓ ଜାରି କରି ଆକ୍ରମଣର ଚେତାବନୀ ଦେଇଥିଲା ।

କିନ୍ତୁ ତାକୁ କାହିଁକି ଅଣଦେଖା କରାଯାଇଥିଲା ବୋଲି ପ୍ରଶ୍ନ କରିଛନ୍ତି ସୂର୍ଯ୍ୟେବାଲା । ଏପରିକି ଫେବୃୟାରୀ ୮ ତାରିଖରେ ଗୁଇନ୍ଦା ବିଭାଗ ଦେଇଥିବା ରିପୋର୍ଟକୁ ମଧ୍ୟ ଅଣଦେଖା କରାଯାଇଥିଲା । ଆକ୍ରମଣ ପରେ ମଧ୍ୟ ମୋଦି କେବଳ ନିଜ ପ୍ରଚାରରେ ବ୍ୟସ୍ତ ଥିବା ଅଭିଯୋଗ ଆଣିଛି କଂଗ୍ରେସ ।

You might also like