ବିଜେପି ଟିକେଟ୍‌ରେ ନିର୍ବାଚନ ଲଢ଼ିବେ ଗୌତମ ଗମ୍ଭୀର

ନୂଆଦିଲ୍ଲୀ: କ୍ରିକେଟରରୁ ରାଜନେତା ବନିଥିବା ଗୌତମ ଗମ୍ଭୀରଙ୍କୁ ଗତକାଲି ବିଜେପି ଆସନ୍ତା ଲୋକସଭା ନିର୍ବାଚନରେ ପ୍ରାର୍ଥୀ କରିଛି। ବିଜେପି ଟିକେଟ୍‌ରେ ଗୌତମ ପୂର୍ବ ଦିଲ୍ଲୀରୁ ଲଢ଼ିବେ। ସେହିପରି ବିଜେପିର ଅନ୍ୟତମ ବରିଷ୍ଠ ନେତ୍ରୀ ମୀନାକ୍ଷୀ ଲେଖିଙ୍କୁ ଦଳ ଏଥର ନୂଆଦିଲ୍ଲୀ ସଂସଦୀୟ କ୍ଷେତ୍ର ପାଇଁ ପ୍ରାର୍ଥୀ କରିଛି।

୨୦୧୪ରେ ଏହି ଆସନରେ ବିଜେପି ମହେଶ ଗିରିଙ୍କୁ  ପ୍ରାର୍ଥୀ କରିଥିବା ବେଳେ ଏଥର ଦଳ ଗମ୍ଭୀରଙ୍କୁ ସୁଯୋଗ ଦେଇଛି। ସେହିପରି ଏହି ଆସନରେ କଂଗ୍ରେସ ପକ୍ଷରୁ ଅରବିନ୍ଦର ସିଂ ଲଭଲି ନିର୍ବାଚନ ଲଢୁଥିବା ବେଳେ ଆମ୍ ଆଦମୀ ପାର୍ଟିରୁ ଆତୀଶୀ ନିର୍ବାଚନ ପ୍ରତିଦ୍ୱନ୍ଦ୍ୱିତା କରୁଛନ୍ତି।

ଦିଲ୍ଲୀର ମୋଟ ୭ଟି ଲୋକସଭା ଆସନରୁ ଏଯାଏ ୬ଟି ଆସନ ପାଇଁ ବିଜେପି ପାର୍ଥୀ ଘୋଷଣା କରି ସାରିଥିବା ବେଳେ କେବଳ ଉତ୍ତର ପଶ୍ଚିମ ଦିଲ୍ଲୀ ପାଇଁ ପ୍ରାର୍ଥୀଙ୍କ ନାଁ ଘୋଷଣା ବାକି ରହିଛି।

You might also like