ରାହୁଲଙ୍କ ଉପରେ ବର୍ଷିଲେ ଜେପି ନଡ୍ଡା

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧିଙ୍କ ଉପରେ ବର୍ଷିଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା। ଗଲଓ୍ୱାନ୍ ଘାଟିରେ ଭାରତୀୟ ଯବାନ ମାନେ ନିଜ ଜୀବନକୁ ବାଜି ଲଗାଇ ଦେଇଥିବା ବେଳେ ରାହୁଲଙ୍କ ମନ୍ତବ୍ୟ ଯବାନଙ୍କ ମନୋବଳ କମାଉଛି ବୋଲି ନଡ୍ଡା କହିଛନ୍ତି।

ରାହୁଲ ଅଯଥା ବାରମ୍ବାର ଟ୍ୱିଟ୍ କରି ଯବାନଙ୍କ ମନୋବଳ କମାଉଛନ୍ତି। କୌଣସି ସଠିକ୍ ତଥ୍ୟ ନଜାଣି ନାନା ପ୍ରସଙ୍ଗରେ ଟ୍ୱିଟ୍ କରୁଥିବାରୁ ନଡ୍ଡା ରାହୁଲଙ୍କୁ କଡ଼ା ସମାଲୋଚନା କରିଛନ୍ତି।

ଏଥିସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ରାହୁଲ ସମ୍ମାନ କରୁନାହାନ୍ତି। ଏପରିକି ରାହୁଲ ନିଜେ ନିଜ ଦଳର ପ୍ରଧାନମନ୍ତ୍ରୀଙ୍କର ଅଧ୍ୟାଦେଶକୁ ମଧ୍ୟ ଚିରି ଦେଇଥିବା ଉଦାହରଣ ଦେଇଛନ୍ତି ନଡ୍ଡା।

ଏହା ପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ରାହୁଲ ଗାନ୍ଧିଙ୍କୁ କଡ଼ା ଯବାବ ଦେଇଥିଲେ। ସଂକୀର୍ଣ୍ଣ ରାଜନୀତିରୁ ବାହାରି ରାହୁଲ ଦେଶ ସହିତ ଛିଡ଼ା ହୁଅନ୍ତୁ ବୋଲି ଟ୍ୱିଟ୍ କରିଥିଲେ ଶାହ। ତା ସହିତ ଜଣେ ଆହତ ଯବାନ ରାହୁଲ ଗାନ୍ଧିଙ୍କ ପାଇଁ ଦେଇଥିବା ଏକ ମେସେଜ୍‌କୁ ମଧ୍ୟ ସେ ଟ୍ୱିଟର୍‌ରେ ଶେୟାର କରିଥିଲେ।

 

You might also like