ବିହାର ନିର୍ବାଚନ: ମେଣ୍ଟରୁ ଓହରିଲା ଭିଆଇପି, ଏକାକୀ ଲଢ଼ିବ ନିର୍ବାଚନ

ପାଟନା: ବିହାର ନିର୍ବାଚନକୁ ନେଇ ଏପର୍ଯ୍ୟନ୍ତ ଦଳଗୁଡ଼ିକ ମଧ୍ୟରେ ଛକାପଞ୍ଝା ଲାଗି ରହିଛି। ଗତକାଲି ବିରୋଧୀଙ୍କ ମହାମେଣ୍ଟରେ ସାମିଲ ହୋଇଥିବା ଭିଆଇପି(ବିକାଶଶୀଳ ଇନସାନ ପାର୍ଟି) ଏକାକୀ ୨୪୩ ସିଟ୍‌ରେ ନିର୍ବାଚନ ଲଢ଼ିବ ବୋଲି ଘୋଷଣା କରିଛି। ଆର୍‌ଜେଡିର ମୁଖ୍ୟ ତେଜସ୍ୱୀ ଯାଦବଙ୍କ ନେତୃତ୍ୱକୁ ଅସ୍ୱୀକାର କରିବା ସହିତ ଏପରି ଘୋଷଣା କରିଛି ଭିଆଇପି। ରବିବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇ ଭିଆଇପି ଅଧ୍ୟକ୍ଷ ମୁକେଶ ଶାହନି ଏକଥା କହିଛନ୍ତି।

ବଲିଉଡ୍‌ ସେଟ୍‌ ଡିଜାଇନର୍‌ରୁ ରାଜନେତା ସାଜିଥିବା ମୁକେଶ ସାମ୍ବାଦିକ ସମ୍ମିଳନୀରେ କହିଛନ୍ତି “ ଭିଆଇପି ବିହାରର ୨୪୩ ବିଧାନସଭା ଆସନରେ ଏକାକୀ ଲଢ଼ିବ ବୋଲି ମୁଁ ଘୋଷଣା କରୁଛି। ମୁଁ ଆସନ୍ତାକାଲି ପ୍ରଥମ ପର୍ଯ୍ୟାୟରେ ମୋର ୭୧ ଜଣ ପ୍ରାର୍ଥୀଙ୍କ ନାଁ ଘୋଷଣା କରିବି।” ମହାମେଣ୍ଟରୁ ଓହିରଯିବା ପରେ ମୁକେଶ ଶାହନି ଏପରି ଘୋଷଣା କରିଛନ୍ତି। ମହାମେଣ୍ଟ ଉପରେ ଅସନ୍ତୋଷ ପ୍ରକାଶ କରି ମୁକେଶ କହିଛନ୍ତି “ମୁଁ କୌଣସି ଗୋଟିଏ କିମ୍ବା ଦୁଇଟି ଦଳ ସହିତ ମେଣ୍ଟ କରିପାରିବି ନାହିଁ। ପ୍ରତି ନିର୍ବାଚନ ମଣ୍ଡଳୀରେ ମୋ ଦଳର ଏକାକୀ ୨୫ ହଜାର ଭୋଟ ରହିଛି। ତେଣୁ ମୁଁ ଏକାକୀ ଲଢ଼ିବି।”

ମେଣ୍ଟରୁ ଓହିରିଯିବା ପରେ ଆର୍‌ଜେଡି ମୁଖ୍ୟ ତେଜସ୍ୱୀ ଯାଦବଙ୍କୁ କଡ଼ା ସମାଲୋଚନା କରିଛନ୍ତି ମୁକେଶ। ତେଜସ୍ୱୀ ଆରମ୍ଭରୁ ମୋତେ ଅନ୍ଧାରରେ ରଖିବାକୁ ଚାହୁଁଥିଲେ। ମେଣ୍ଟ ସହିତ ଚିଟିଂ କରିବାକୁ ଚାହୁଁଥିଲେ ବୋଲି ମୁକେଶ କହିଛନ୍ତି। ତେଜସ୍ୱୀ ମାଝୀଙ୍କୁ ମେଣ୍ଟରୁ ବାହାର କରିଥିବା ଅଭିଯୋଗ ଆଣିବା ସହିତ କଂଗ୍ରେସକୁ ସର୍ତ୍ତ ମୁତାବକ ୭୦ ସିଟ୍ ନ ଦେଇ ୫୮ ଦେଇଛନ୍ତି ବୋଲି ଅଭିଯୋଗ କରିଛନ୍ତି ମୁକେଶ। ସେ ଆହୁରି ମଧ୍ୟ କହିଛନ୍ତି ଯେ ତେଜସ୍ୱୀ ତାଙ୍କ ଇଚ୍ଛା ଅନୁସାରେ ରାଜନୀତି କରିବାକୁ ଚାହୁଁଛନ୍ତି। ମୁଁ ଏପରି କରିପାରିବି ନାହିଁ ବୋଲି ମୁକେଶ କହିଛନ୍ତି। ଏମିତିକି ସେ ମୋତେ କ୍ଷମା ମାଗିଲେ ବି ମୁଁ ତାଙ୍କ ସହିତ ରହିପାରିବି ନାହିଁ ବୋଲି ଭିଆଇପି ମୁଖ୍ୟ ମୁକେଶ ଶାହନି କହିଛନ୍ତି।

ଚିରାଗ ପାସ୍‌ୱାନ, କହ୍ନେୟା କୁମାର ଓ ମୋତେ ଭୟ କରନ୍ତି ତେଜସ୍ୱୀ। ଏମିତିକି ତାଙ୍କ ଭାଇ ତେଜ ପ୍ରତାପ ଯାଦବଙ୍କ ସହିତ ବି ତାଙ୍କର ଭଲ ପଡ଼ୁନାହିଁ ବୋଲି ମୁକେଶ କହିଛନ୍ତି। ଗତକାଲି ଆର୍‌ଜେଡି ଭିଆଇପି ସହିତ ସିଟ୍ ଶେୟାର କରିବ ବୋଲି ନିଷ୍ପତ୍ତି ହୋଇଥିଲା। ଆଜି ସିଟ୍‌ ଭାଗ ହେବାରୁ ଆର୍‌ଜେଡି ୧୪୪ ସିଟ୍, କଂଗ୍ରେସ ୭୦ ସିଟ୍ ଓ ବାମ ଦଳଙ୍କୁ ୨୯ ସିଟ୍ ମିଳିଥିଲା। ଏଥିରେ ରାଜି ହୋଇନଥିଲେ ମୁକେଶ। ସେ ୨୦ ସିଟ୍ ମାଗିବା ସହିତ ଉପମୁଖ୍ୟମନ୍ତ୍ରୀ ପଦ ପାଇଁ ସେ ଦାବି କରିଥିଲେ। ମେଣ୍ଟରେ ମୁକେଶଙ୍କର ଦାବି ପୂରଣ ନ ହେବାରୁ ସେ ଏଥିରୁ ଓହରି ଯାଇଛନ୍ତି।

ଆହୁରି ପଢ଼ନ୍ତୁ

‘ଶକ୍ତି କ୍ଷେତ୍ରରେ ଭାରତର ଭବିଷ୍ୟତ ଉଜ୍ଜ୍ୱଳ ଓ ସୁରକ୍ଷିତ’

ଭାଇରାଲ ହେଉଛି ରାବଣଙ୍କ ଭାଙ୍ଗଡ଼ା

ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ କ୍ରିକେଟ ଟିମ ଘୋଷଣା

ମଣିଷ ଶରୀରରେ କରୋନା ଟିକା ଦିଆଯିବା ପରେ ଆସିଲା ରୋଚକ ତଥ୍ୟ

କାର୍ଗି‌ଲ୍‌ ଯୁଦ୍ଧକୁ ନେଇ ବଡ ଖୁଲାସା କଲେ ନବାଜ ସରିଫ

ପୁରୁଣା ମ୍ୟାପ ସହ ବିଜୟାଦଶମୀ ବାର୍ତ୍ତା ଦେଲେ ଓଲି

ଡୋଭାଲଙ୍କ ଚେତାବନୀ -‘ବିପଦ ଆସିଲେ ଛାଡ଼ିବୁନି’

ବିଜୟାଦଶମୀରେ ଶସ୍ତ୍ର ପୂଜା ପରେ ଡ୍ରାଗନକୁ ଏମିତି ଚେତାବନୀ ଦେଲେ ପ୍ରତିରକ୍ଷା ମନ୍ତ୍ରୀ

ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କରୋନା ଆକ୍ରାନ୍ତ

ଯେମିତି ନିର୍ବାଚନ, ସେଇ ପଦ୍ଧତିରେ ହେବ ଦେଶରେ କୋଭିଡ୍ ଟିକାକରଣ

ଆର୍‌ବିଆଇ ଗଭର୍ଣ୍ଣରଙ୍କୁ କରୋନା

ସିଏଏକୁ ନେଇ ମୋହନ ଭାଗବତଙ୍କ ମନ୍ତବ୍ୟରେ କଡ଼ା ପ୍ରତିକ୍ରିୟା ରଖିଲେ ଅସଦୁଦ୍ଦିନ ଓୱେସୀ

You might also like