ପୁଣି ବଢ଼ିଲା ସୁନା ଦର

ନୂଆଦିଲ୍ଲୀ: ପୁଣି ବଢ଼ିଲା ସୁନା ଦର। ଆଜି ପୁଣିଥରେ ସୁନା ଦରରେ ବୃଦ୍ଧି ଘଟିଛି। India Bullion and Jewellers Association Ltd.ର ସୂଚନା (IBJA) ଅନୁସାରେ, ସୁନା ଦର ପ୍ରତି ୧୦ ଗ୍ରାମକୁ ୫୧୫ଟଙ୍କା ବୃଦ୍ଧି ପାଇ ୪୬,୯୯୪ଟଙ୍କାରେ ପହଞ୍ଚିଛି।

ଯଦିଓ ଦେଶରେ କରୋନା ଲକ୍‌ଡାଉନ୍‌ ଜାରି ରହିଛି ତେବେ ଲକ୍‌ଡାଉନ୍‌ କଟକଣାକୁ ମାନି ଅନେକ ବିବାହ କାର୍ଯ୍ୟକ୍ରମ ହେଉଛି। ଏହି ସମୟରେ ୧୮ କ୍ୟାରେଟ୍‌ ସୁନାଠୁ ଆରମ୍ଭ କରି ୨୪ କ୍ୟାରେଟ୍ ପର୍ଯ୍ୟନ୍ତ ସୁନା ଦରରେ ବୃଦ୍ଧି ଦେଖିବାକୁ ମିଳିଛି।

ସେହିପରି ରୂପା ଦର ପ୍ରତି କି.ଗ୍ରାକୁ ୩୫ଟଙ୍କା ବୃଦ୍ଧି ପାଇଛି। ଗତକାଲି ରୂପା ଦର ପ୍ରତି କି.ଗ୍ରାକୁ ୪୭ ହଜାର ୮୦୦ଟଙ୍କା ଥିବାବେଳେ ଆଜି ୩୫ଟଙ୍କା ବୃଦ୍ଧି ପାଇ ଏହା ୪୭ ହଜାର ୮୩୫ଟଙ୍କାରେ ପହଞ୍ଚିଛି।

ବିଭିନ୍ନ ସ୍ଥାନରେ ସୁନା, ରୂପା ଦର ଅଲଗା ହୋଇପାରେ। କେବଳ ଏହାର ଦରରେ ସାମାନ୍ୟ ପାର୍ଥକ୍ୟ ଦେଖିବାକୁ ମିଳିଥାଏ।

Image Credit: LiveHindustan
You might also like