ଧାରା ୩୫(ଏ) ଉଚ୍ଛେଦ ଦାବି

 ୨୬ରେ ସୁପ୍ରିମକୋର୍ଟରେ ହେବ ଶୁଣାଣି

ଶ୍ରୀନଗର : ଜମ୍ମୁ ଓ କଶ୍ମୀରକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ଦେଉଥିବା ସମ୍ବିଧାନର ଧାରା ୩୫(ଏ) ଉପରେ ପରବର୍ତ୍ତୀ ଶୁଣାଣି ୨୬ରୁ ୨୮ ତାରିଖ ମଧ୍ୟରେ ସୁପ୍ରିମକୋର୍ଟରେ ହେବ। ଧାରା ୩୫(ଏ) ଜରିଆରେ ଜମ୍ମୁ ଓ କଶ୍ମୀରର ମୂଳ ବାସିନ୍ଦା ସ୍ୱତନ୍ତ୍ର ଅଧିକାର ଓ ସୁବିଧା ଉପଭୋଗ କରିଆସୁଛନ୍ତି । ତେବେ ‘ଏକ ଦେଶ, ଏକ ଆଇନ’ ନାରାରେ ଜମ୍ମୁ ଓ କଶ୍ମୀରରେ ଏହି ଧାରା ଉଚ୍ଛେଦ ଲାଗି ଦାବି ହୋଇ ଆସୁଥିଲା। ପରବର୍ତ୍ତୀ ସମୟରେ ବିଭିନ୍ନ ସଙ୍ଗଠନ ପକ୍ଷରୁ ଏନେଇ ସୁପ୍ରିମକୋର୍ଟରେ ଆବେଦନ କରାଯାଇଥିଲା ।

ସେପଟେ ଏନେଇ ଜମ୍ମୁ ଓ କଶ୍ମୀର ସରକାର ପୂର୍ବରୁ ନିଜ ପକ୍ଷ ରଖିଛନ୍ତି । ଧାରା ୩୫(ଏ) ଜମ୍ମୁ ଓ କଶ୍ମୀର ପାଇଁ ଏକ ଅପରିହାର୍ଯ୍ୟ ଅଙ୍ଗ ବୋଲି ଦର୍ଶାଯାଇଛି । ଅନ୍ୟପଟେ ଜମ୍ମୁ ଓ କଶ୍ମୀରରେ ସ୍ଥିତି ବିଗିଡ଼ିବା ଆଶଙ୍କାରେ ସୁରକ୍ଷା ବ୍ୟବସ୍ଥା ବଢ଼ିଛି। କିଛି ବିଚ୍ଛିନ୍ନତାବାଦୀ ନେତାକୁ ଗିରଫ ବି କରାଯାଇଛି । ଧାରା ୩୫(ଏ) ବଳରେ ଜମ୍ମୁ ଓ କଶ୍ମୀରକୁ ସ୍ୱତନ୍ତ୍ର ଅଧିକାର ପ୍ରଦାନ କରାଯାଇଛି । ତେବେ ପୁଲୱାମା ଆକ୍ରମଣ ପରେ ଏହି ସ୍ୱତନ୍ତ୍ର ଅଧିକାରକୁ ହଟାଇବା ପାଇଁ ବିଭିନ୍ନ ରାଜନୈତିକ ଦଳ ଏବଂ ସଙ୍ଗଠନ ପକ୍ଷରୁ ଦାବି କରାଯାଉଛି ।

 

You might also like