ବାବ୍ରୀ ମସଜିଦ ଭଙ୍ଗା ଘଟଣାରେ ବୟାନ ରେକର୍ଡ କଲେ ଲାଲକୃଷ୍ଣ ଆଡଭାନୀ

ନୂଆଦିଲ୍ଲୀ: ବାବ୍ରୀ ମସଜିଦ ଭଙ୍ଗା ଘଟଣାରେ ବୟାନ ରେକର୍ଡ କଲେ ପୂର୍ବତନ ଉପପ୍ରଧାନମନ୍ତ୍ରୀ ତଥା ବିଜେପି ବରିଷ୍ଠ ନେତା ଲାଲକୃଷ୍ଣ ଆଡଭାନୀ। ଆଜି ସିବିଆଇ ସ୍ପେଶାଲ କୋର୍ଟରେ ଆଡଭାନୀ ନିଜର ବୟାନ ରେକର୍ଡ କରିଛନ୍ତି।  ଅଯୋଧ୍ୟା ବାବ୍ରୀ ମସଜିଦ ଭଙ୍ଗା ଘଟଣାର ଅଭିଯୁକ୍ତ ଭାବେ ଆଡଭାନୀ ବିଭିନ୍ନ ପ୍ରଶ୍ନ ଉତ୍ତର ରଖିଛନ୍ତି।

ସକାଳ ୧୧ଟାରୁ ସାଢ଼େ ୩ଟା ଯାଏ ଶୁଣାଣି ଜାରି ରହିଥିଲା। ଏହି ସମୟ ମଧ୍ୟରେ ଆଡଭାନୀଙ୍କୁ ଶହେରୁ ଅଧିକ ପ୍ରଶ୍ନ କରିଥିଲେ ସିବିଆଇ ସ୍ପେସାଲ କୋର୍ଟ। ତାଙ୍କ ବିରୋଧରେ ହୋଇଥିବା ସମସ୍ତ ଅଭିଯୋଗକୁ ଖଣ୍ଡନ କରିବା ସହ ବାବ୍ରୀ ମସଜିଦ ଭଙ୍ଗା ଘଟଣାରେ ତାଙ୍କର ସମ୍ପୃତ୍ତି ନଥିବା କୋର୍ଟକୁ କହିଥିଲେ ଆଡଭାନୀ। ଭିଡିଓ କନ୍‌ଫରେସିଂ ଯୋଗେ ମାମଲାର ଶୁଣାଣି  ହୋଇଥିଲା।

ଗତକାଲି ବିଜେପିର ଅନ୍ୟ ବରିଷ୍ଠ ନେତା ମୁରଲୀ ମନୋହର ଜୋଶୀ ମଧ୍ୟ ଭିଡିଓ କନ୍‌ଫରେସିଂ ମାଧ୍ୟମରେ କୋର୍ଟରେ ହାଜର ହୋଇଥିଲେ। ୧୯୯୨ ବାବ୍ରୀ ମସଜିଦ ଭଙ୍ଗା ଘଟଣାର ଷଡ଼ଯନ୍ତ୍ରକାରୀ ଭାବେ ବିଜେପି ନେତା ଲାଲକୃଷ୍ଣ ଆଡଭାନୀ, ମୁରଲୀ ମନୋହର ଜୋଶୀ ଏବଂ ଉମା ଭାରତୀଙ୍କୁ ଅଭିଯୁକ୍ତ ଭାବେ ଦର୍ଶାଯାଇଥିଲା।

You might also like