କରୋନା ପାଇଁ ଦୁଇ ମାସ ପର୍ଯ୍ୟନ୍ତ ମିଳିବ ମାଗଣା ରାସନ

ନୂଆଦିଲ୍ଲୀ: ଦିଲ୍ଲୀ ସରକାରର ବଡ଼ ଘୋଷଣା। ସମସ୍ତ ରାସନକାର୍ଡଧାରୀ ପାଇବେ ମାଗଣା ରାସନ ସାମଗ୍ରୀ। ଦିଲ୍ଲୀରେ କରୋନା ଭାଇରସ ବିପର୍ଯ୍ୟୟ ମଧ୍ୟରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଙ୍ଗଳବାର ଏକ ସାମ୍ବାଦିକ ସମ୍ମିଳନୀ କରିଛନ୍ତି। କେଜ୍ରିୱାଲ ଘୋଷଣା କରିଛନ୍ତି ଯେ ଦିଲ୍ଲୀରେ ଥିବା ସମସ୍ତ ୭୨ ଲକ୍ଷ ରାସନ କାର୍ଡଧାରୀ ଦୁଇମାସ ପାଇଁ ମାଗଣା ରାସନ ସାମଗ୍ରୀ ପାଇବେ। କରୋନା ସଙ୍କଟ ଏବଂ ଅନେକ ଦିନ ଧରି ଚାଲିଥିବା ତାଲାବନ୍ଦ ମଧ୍ୟରେ ଦିଲ୍ଲୀ ମୁଖ୍ୟମନ୍ତ୍ରୀ ଏହି ଘୋଷଣା କରିଛି।

ଅରବିନ୍ଦ କେଜ୍ରିୱାଲ କହିଛନ୍ତି ଯେ ଦିଲ୍ଲୀରେ ଯେତେସବୁ ଅଟୋ ଓ ଟ୍ୟାକ୍ସି ଚାଳକଙ୍କୁ ଅଛନ୍ତି ପ୍ରତ୍ୟେକଙ୍କୁ ପାଞ୍ଚ ହଜାର ଟଙ୍କା ଆର୍ଥିକ ସହାୟତା ଦିଆଯିବ। ଏହା ଦ୍ଵାରା ପ୍ରାୟ ଦେଢ ଲକ୍ଷ ଅଟୋ-ଟ୍ୟାକ୍ସି ଚାଳକ ଉପକୃତ ହେବେ। କେଜ୍ରିୱାଲ କହିଛନ୍ତି ଯେ ଗତ ସପ୍ତାହରେ ଶ୍ରମିକମାନଙ୍କୁ ମଧ୍ୟ ଏଭଳି ସହାୟତା ଦିଆଯାଇଛି।

ଏହି ଅବସରରେ ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି ଯେ ଦୁଇମାସ ମାଗଣାରେ ରାସନ ପାଇବା ଅର୍ଥ ନୁହେଁ ଯେ ତାଲାବନ୍ଦ ଦୁଇ ମାସ ପର୍ଯ୍ୟନ୍ତ ରହିବ। ପରିସ୍ଥିତି ସୁଧାରିବା ମାତ୍ରେ ତାଲାବନ୍ଦ ହଟାଇବାକୁ ଚାହୁଁଥିବା ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ କରୋନା କାରଣରୁ ଦିଲ୍ଲୀରେ ଏକ କଷ୍ଟଦାୟକ ସମୟ ଚାଲିଛି, ଏହି ସମୟରେ ଯେଉଁମାନେ କାହାକୁ ସାହାଯ୍ୟ କରିପାରିବେ, ସେମାନେ କରିବା ଉଚିତ।

ପ୍ରକାଶ ଥାଉକି ଦିଲ୍ଲୀରେ କରୋନାର ଦ୍ୱିତୀୟ ତରଙ୍ଗ ହଇଚଇ ସୃଷ୍ଟିକରିଛି। ଗତ କିଛି ଦିନ ମଧ୍ୟରେ ଦିଲ୍ଲୀରେ କୋଡ଼ିଏ ହଜାରରୁ ଅଧିକ ମାମଲା ଏବଂ ଚାରି ଶହରୁ ଅଧିକ ମୃତ୍ୟୁ ଘଟିଛି। ଦିଲ୍ଲୀର ଡାକ୍ତରଖାନାଗୁଡ଼ିକରେ ଶଯ୍ୟା, ଅମ୍ଳଜାନ ଏବଂ ଅନ୍ୟାନ୍ୟ ସୁବିଧା ଅଭାବ ରହିଛି। କରୋନା ବୃଦ୍ଧି ହେତୁ ଦିଲ୍ଲୀରେ ପ୍ରଥମ ସପ୍ତାହନ୍ତ ତାଲାବନ୍ଦ ଲାଗୁ କରାଯାଇଥିଲା, ମାତ୍ରପରେ ଏହାକୁ ଆଉ କିଛି ଦିନ ପାଇଁ ବୃଦ୍ଧି କରାଯାଇଥିଲା। ପୂର୍ବରୁ ଏହାକୁ ଏକ ସପ୍ତାହ ପାଇଁ ବୃଦ୍ଧି କରାଯାଇଛି।

ପୂର୍ବ ତୁଳନାରେ ଦିଲ୍ଲୀର କରୋନା ସ୍ଥିତିରେ ସାମାନ୍ୟ ଉନ୍ନତ ଆସିଥିବା ଦେଖାଯାଏ, କିନ୍ତୁ ମୃତ୍ୟୁସଂଖ୍ୟା ସମସ୍ତଙ୍କୁ ଭୟଭୀତ କରୁଛି। ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ଆସିଥିବା ପରିସଂଖ୍ୟାନ କିଛି ମାତ୍ରାରେ ସନ୍ତୋଷଜନକ ବୋଲି କୁହାଯାଇପାରେ। ଗତ ୨୪ ଘଣ୍ଟା ମଧ୍ୟରେ, ୧୮,୦୪୩ ନୂତନ କରୋନା ସଂକ୍ରମଣ ହୋଇଥିବା ବେଳେ ୪୪୮ ଜଣଙ୍କର ମୃତ୍ୟୁ ହୋଇଛି। ବର୍ତ୍ତମାନ ଦିଲ୍ଲୀରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୮୯,୫୯୨ କୁ ବୃଦ୍ଧି ପାଇଛି। ଗତ ୨୪ ଘଣ୍ଟା ମଧ୍ୟରେ ୨୦,୨୯୩ ଜଣଙ୍କୁ ଡିସଚାର୍ଜ କରାଯାଇଛି। ବର୍ତ୍ତମାନ ଦିଲ୍ଲୀରେ ୫୦,୪୪୧ ଜଣ ଲୋକ ଗୃହବନ୍ଦୀ ହୋଇ ଚିକିତ୍ସିତ ହେଉଥିବାବେଳେ ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ମୋଟ ୬୧,୦୪୫ ନମୁନା ପରୀକ୍ଷା କରାଯାଇଥିବାବେଳେ ମୃତ୍ୟୁ ହାର ବର୍ତ୍ତମାନ ୧.୪୪% ରେ ପହଞ୍ଚିଛି। ତେବେ ରବିବାରଠାରୁ ଏହା ହ୍ରାସ ପାଇବା ଆରମ୍ଭ କରିଛି। ସୋମବାର ସକରାତ୍ମକତା ହାର ୨୯.୫୬% ଥିଲା।

You might also like