ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ରବିବାର ଧ୍ୟାନ ଏବଂ ଯୋଗ ବିଜ୍ଞାନରେ ଏକ ବର୍ଷର ଡିପ୍ଲୋମା ପାଠ୍ୟକ୍ରମ ଘୋଷଣା କରିଛନ୍ତି। ଏପର୍ଯ୍ୟନ୍ତ ୪୫୦ ପ୍ରାର୍ଥୀ ଏଥିରେ ପଞ୍ଜୀକୃତ ହୋଇଛନ୍ତି। ସେ କହିଛନ୍ତି ଯେ ଅକ୍ଟୋବର ୨ ତାରିଖରୁ ଶିକ୍ଷକମାନେ ଲୋକମାନଙ୍କୁ ମାଗଣା ତାଲିମ ଦେବା ଆରମ୍ଭ କରିବେ। ଦିଲ୍ଲୀ ସରକାରଙ୍କ ଦ୍ୱାରା ସ୍ଥାପିତ ଯୋଗ ଏବଂ ଧ୍ୟାନ ପ୍ରଶିକ୍ଷଣ କେନ୍ଦ୍ରର ଭିଡିଓ କନଫରେନ୍ସିଂ ମାଧ୍ୟମରେ ସିଏମ୍ ଅରବିନ୍ଦ କେଜ୍ରିୱାଲ ଏହି ଘୋଷଣା କରିଛନ୍ତି। ସେ କହିଛନ୍ତି ଯେ ଅକ୍ଟୋବର ପରେ ଦିଲ୍ଲୀ ସରକାର ଯୋଗ ଅଭ୍ୟାସକାରୀଙ୍କୁ ମାଗଣା ଯୋଗ ପ୍ରଶିକ୍ଷକ ଯୋଗାଇ ଦେବେ। ବର୍ତ୍ତମାନ ପର୍ଯ୍ୟନ୍ତ ୪୫୦ ଯୋଗ ପ୍ରଶିକ୍ଷକ ତାଲିମ ଦେବାକୁ ପ୍ରସ୍ତୁତ ଅଛନ୍ତି।

ଯୋଗ ଦିବସ ପାଇଁ ଏହି ବଡ଼ ଘୋଷଣା କରିବାବେଳେ କେଜ୍ରିୱାଲ କହିଛନ୍ତି ଯେ ଯେଉଁମାନେ ଏକ ଗୋଷ୍ଠୀ ଗଠନ କରି ଯୋଗ ଶିଖିବାକୁ ଚାହୁଁଛନ୍ତି ସେମାନଙ୍କୁ ଦିଲ୍ଲୀ ସରକାର ଯୋଗ ପ୍ରଶିକ୍ଷକ ଯୋଗାଇବ। ସେ ଆହୁରି କହିଛନ୍ତି, ଯୋଗ ପାଇଁ ଏକ ବଜେଟ୍ ସ୍ଥିର କରାଯିବ ବୋଲି ଦିଲ୍ଲୀ ସରକାର ନିଷ୍ପତ୍ତି ନେଇଛନ୍ତି। ଯୋଗ ଏବଂ ଧ୍ୟାନକୁ ଦିଲ୍ଲୀର ଦ୍ୱାରରୁ ଦ୍ୱାର ପର୍ଯ୍ୟନ୍ତ ନିଆଯିବ ବୋଲି ସେ କହିଛନ୍ତି। ଏହି ଲକ୍ଷ୍ୟ ସହିତ ଏକ ନୂତନ ଯୋଗ କେନ୍ଦ୍ର ଆରମ୍ଭ ହୋଇଛି ।

ପ୍ରକାଶ ଥାଉକି ଆସନ୍ତାକାଲି ଅର୍ଥାତ୍ ଜୁନ୍ ୨୧ ହେଉଛି ଆନ୍ତର୍ଜାତୀୟ ଯୋଗ ଦିବସ। ଏହି ଅବସରରେ ସାରା ଦେଶରେ ଯୋଗ ସମ୍ବନ୍ଧୀୟ କାର୍ଯ୍ୟକ୍ରମ ଆୟୋଜନ କରାଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ସକାଳ ୬:୩୦ରେ ସମ୍ବୋଧିତ କରିବେ। ଆନ୍ତର୍ଜାତୀୟ ଯୋଗ ଦିବସ ପ୍ରଥମେ ୨୧ ଜୁନ୍ ୨୦୧୫ ରେ ପାଳନ କରାଯାଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୭ ସେପ୍ଟେମ୍ବର ୨୦୧୪ରେ ମିଳିତ ଜାତିସଂଘର ସାଧାରଣ ସଭାରେ ତାଙ୍କ ଅଭିଭାଷଣରେ ଏହା ଆରମ୍ଭ କରିଥିଲେ।

Other Stories