ସୁପ୍ରିମକୋର୍ଟରେ ଇସ୍ଲାମ୍‌ ପତାକା ବିବାଦ ପ୍ରସଙ୍ଗ

ନୂଆଦିଲ୍ଲୀ: ଦେଶରେ ପାକିସ୍ତାନୀ ରାଜନୈତିକ ଦଳ ମୁସ୍ଲିମ୍ ଲିଗ୍‌ର ପତାକା ସହ ସାମଞ୍ଜସ୍ୟ ରଖୁଥିବା ପତାକା ଉପରେ ପ୍ରତିବନ୍ଧକ ଲଗାଇବା ସଂପର୍କିତ ମାମଲାରେ ସୁପ୍ରିମକୋର୍ଟ କେନ୍ଦ୍ରକୁ ଜବାବ ତଲବ କରିଛନ୍ତି। ଆସନ୍ତା ୨ ସପ୍ତାହ ମଧ୍ୟରେ ଏ ନେଇ ଜବାବ ରଖିବା ଲାଗି ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କୁ ନେଇ ଗଠିତ ଖଣ୍ଡପୀଠ ନିର୍ଦ୍ଦେଶ ଦେଇଛନ୍ତି।

ସବୁଜ କପଡ଼ା ଉପରେ ଔଜଲ୍ୟମାନ ତାରକା ଚିହ୍ନ ଥିବା ପତାକାକୁ ଦେଶରେ ପ୍ରତିବନ୍ଧକ ଲଗାଇବା ପାଇଁ ସିହା ଓ୍ୱାକଫ୍ ବୋର୍ଡ ମୁଖ୍ୟ ସୟଦ ଓ୍ୱାସିମ ରିଜଭି ସୁପ୍ରିମକୋର୍ଟରେ ଆବେଦନ କରିଥିଲେ। ମୁସଲମାନବହୁଳ ଅଞ୍ଚଳରେ ଏଭଳି ପତାକା ବ୍ୟବହାର ଯୋଗୁ କିଛି ଲୋକଙ୍କ ମଧ୍ୟରେ ଉତ୍ସାହ ଦେଖା ଦେଉଥିବାବେଳେ କିଛି ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଉଛି ବୋଲି ରିଜଭି ଜଣାଇଥିଲେ। ସେ ତାଙ୍କ ଆବେଦନରେ କହିଥିଲେ ଯେ, ଏଭଳି ପତାକା ବ୍ୟବହାର ଲାଗି ଇସ୍ଲାମ ଧର୍ମରେ କୌଣସି ବ୍ୟବସ୍ଥା ନାହିଁ।

 

You might also like