ମନପସନ୍ଦର ଜୋତାକୁ ତକିଆ ତଳେ ରଖି ଶୋଉଥିଲେ ଅମିତାଭ

ମୁମ୍ୱାଇ: ଟେଲିଭିଜନ୍‌ର ସବୁଠାରୁ ଲୋକପ୍ରିୟ ରିଆଲିଟି କ୍ୱିଜ୍‌ ଶୋ’ ହେଉଛି ‘କୌନ୍‌ ବନେଗା କରୋଡ଼ପତି’। ଗତକାଲି ଶୋ’ରେ ମଧ୍ୟପ୍ରଦେଶରୁ ଆସିଥିବା ପ୍ରତିଯୋଗୀ ନିତିନ୍‌ କୁମାର ପଟବା ଅମିତାଭ ବଚ୍ଚନଙ୍କ ସହିତ ମଜାମସ୍ତି କରିଥିଲେ। ଆଉ ଏହା ଦର୍ଶକଙ୍କର ଭରପୂର ମନୋରଞ୍ଜନ କରିଥିଲା।

ନିତିନ୍‌ଙ୍କ ପରେ ମହାରାଷ୍ଟ୍ରରୁ ଆସିଥିବା ହେମନ୍ତ, ଶୋ’ରେ ପରିବାର ସହିତ ଥିବା ତାଙ୍କର ସ୍ନେହପୂର୍ଣ୍ଣ ସମ୍ପର୍କକୁ ଶେଆର୍‌ କରି ଭାବବିହ୍ୱଳ ହୋଇଥିଲେ। ଏହି ସମୟରେ ଅମିତାଭ ବଚ୍ଚନ ମଧ୍ୟ ତାଙ୍କର କିଛି ସ୍ମୃତିକୁ ଶୋ’ରେ ଦର୍ଶକଙ୍କ ସାମ୍ନାରେ ରଖିଥିଲେ।

ଅମିତାଭ ତାଙ୍କୁ ଶୋ’ରେ ପ୍ରଶ୍ନ କରିଥିଲେ,‘ ଆପଣ ସର୍ବଦା ହସୁଛନ୍ତି କିପରି ?’ ଏହାକୁ ନେଇ ହେମନ୍ତଙ୍କ ମା’ କହିଥିଲେ, ‘ଏହା ତା’ ଜେଜେମାଙ୍କ ଆଶୀର୍ବାଦ।’ ତାଙ୍କର ଜେଜେମା ତାଙ୍କ ସହିତ ରହୁଛନ୍ତି କି ନାହିଁ ବୋଲି ଶୋ’ରେ ଅମିତାଭ ହେମନ୍ତଙ୍କୁ ପ୍ରଶ୍ନ କରିଥିଲେ। ଏହାର ଉତ୍ତରରେ ହେମନ୍ତ କହିଥିଲେ, ‘ଆମେ ଜେଜେମା’ଙ୍କ ସହିତ ରହୁଛୁ।’

ହେମନ୍ତଙ୍କ ମୁହଁରୁ ଏପରି ଉତ୍ତର ଶୁଣି ଅମିତାଭ ଭାବବିହ୍ୱଳ ହୋଇପଡ଼ିଥିଲେ ଏବଂ ବହୁତ କମ୍‌ ଲୋକ ଏପରି ଚିନ୍ତାଧାରା ରଖନ୍ତି ବୋଲି କହିଥିଲେ।

ନିଜର ପିଲାଦିନ କଥା ମନେ ପକାଇ ହେମନ୍ତ ଆହୁରି ମଧ୍ୟ କହିଥିଲେ, ‘ପିଲାଦିନେ ସେ କୌଣସି ଜିନିଷ ପାଇଁ ଜିଦି କରୁ ନଥିଲେ। ଯଦି କୌଣସି ପିଲାଙ୍କୁ ଆଇସ୍‌କ୍ରିମ୍‌ ଖାଉଥିବାର ଦେଖୁଥିଲେ ତାଙ୍କୁ ବି ଆଇସକ୍ରିମ୍‌ ଖାଇବାକୁ ଇଚ୍ଛା ହେଇଥିଲା। କିନ୍ତୁ ସେ ଏ କଥା ମା’ଙ୍କୁ ଆସି କହୁ ନଥିଲେ।’ ଅମିତାଭ ହେମନ୍ତଙ୍କର ଏହି କଥା ଶୁଣି ନିଜ ପିଲାଦିନର ସ୍ମୃତିକୁ ଶେଆର୍‌ କରିଥିଲେ ଏବଂ କହିଥିଲେ, ‘ପିଲାଦିନେ ମୁଁ ମଧ୍ୟ ଏପରି କରୁଥିଲି।’

ପିଲାଦିନ ଏକ ସ୍ମୃତି ବର୍ଣ୍ଣନା କରି ବିଗ୍‌ ବି କହିଥିଲେ, ‘ଯଦି ମୋତେ କୌଣସି ଜିନିଷ ପସନ୍ଦ ଆସୁଥିଲା, ତା’ହେଲେ ମୁଁ ବାପାମା’ଙ୍କୁ କହୁ ନଥିଲି। କାରଣ ମୁଁ ଚାହୁଁ ନଥିଲି ଯେ ତାଙ୍କର ଉପରେ କୌଣସି ଚାପ ପଡୁ। ସେହିପରି ଯଦି କୌଣସି ଜୋତା ମୋତେ ପସନ୍ଦ ହେଉଥିଲା, ପରେ ମୋ ବାପା ମା’ ସେହି ଜୋତା ମୋ ପାଇଁ କିଣି ଆଣୁଥିଲେ। ସେହି ଜୋତାକୁ ମୁଁ ମୋ ତକିଆ ତଳେ ରଖି ଶୋଉଥିଲି।’

ବିଗ୍‌ ବିଙ୍କର ଏହି କଥା ଶୁଣି ଦର୍ଶକ ତାଳି ମାରିଥିଲେ। ସୂଚନାଯୋଗ୍ୟ, କୌନ ବନେଗା କରୋଡ଼ପତିର ଏହା ହେଉଛି ୧୧ଶ ସିଜିନ୍।

ଆହୁରି ପଢ଼ନ୍ତୁ

‘ଶକ୍ତି କ୍ଷେତ୍ରରେ ଭାରତର ଭବିଷ୍ୟତ ଉଜ୍ଜ୍ୱଳ ଓ ସୁରକ୍ଷିତ’

ଭାଇରାଲ ହେଉଛି ରାବଣଙ୍କ ଭାଙ୍ଗଡ଼ା

ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ କ୍ରିକେଟ ଟିମ ଘୋଷଣା

ମଣିଷ ଶରୀରରେ କରୋନା ଟିକା ଦିଆଯିବା ପରେ ଆସିଲା ରୋଚକ ତଥ୍ୟ

କାର୍ଗି‌ଲ୍‌ ଯୁଦ୍ଧକୁ ନେଇ ବଡ ଖୁଲାସା କଲେ ନବାଜ ସରିଫ

ପୁରୁଣା ମ୍ୟାପ ସହ ବିଜୟାଦଶମୀ ବାର୍ତ୍ତା ଦେଲେ ଓଲି

ଡୋଭାଲଙ୍କ ଚେତାବନୀ -‘ବିପଦ ଆସିଲେ ଛାଡ଼ିବୁନି’

ବିଜୟାଦଶମୀରେ ଶସ୍ତ୍ର ପୂଜା ପରେ ଡ୍ରାଗନକୁ ଏମିତି ଚେତାବନୀ ଦେଲେ ପ୍ରତିରକ୍ଷା ମନ୍ତ୍ରୀ

ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କରୋନା ଆକ୍ରାନ୍ତ

ଯେମିତି ନିର୍ବାଚନ, ସେଇ ପଦ୍ଧତିରେ ହେବ ଦେଶରେ କୋଭିଡ୍ ଟିକାକରଣ

ଆର୍‌ବିଆଇ ଗଭର୍ଣ୍ଣରଙ୍କୁ କରୋନା

ସିଏଏକୁ ନେଇ ମୋହନ ଭାଗବତଙ୍କ ମନ୍ତବ୍ୟରେ କଡ଼ା ପ୍ରତିକ୍ରିୟା ରଖିଲେ ଅସଦୁଦ୍ଦିନ ଓୱେସୀ

You might also like