ଆସାମ ପରେ ମଣିପୁର ଗସ୍ତ କରିବେ ଅମିତ ଶାହା

ଉତ୍ତରପୂର୍ବ ରାଜ୍ୟ ଗସ୍ତରେ କେନ୍ଦ୍ରଗୃହମନ୍ତ୍ରୀ ଅମିତ୍ ଶାହ

ଆସାମ:  ଉତ୍ତରପୂର୍ବ ରାଜ୍ୟ ଗସ୍ତରେ କେନ୍ଦ୍ରଗୃହମନ୍ତ୍ରୀ ଅମିତ୍ ଶାହ। ଆସାମ ପରେ ଆଜି ମଣିପୁର ଯିବେ ଶାହ।  ଗତକାଲି ଆସାମ ଗୌହାଟି ଗସ୍ତ କରି ଏକାଧିକ ଉନ୍ନୟନମୂଳକ କାର୍ଯ୍ୟର ଶୁଭାରମ୍ଭ କରିଛନ୍ତି। ବିଜେପି ଅମଳରେ ଆସାମରେ ଶାନ୍ତି ଫେରିଛି। ବୋଡୋଲ୍ୟାଣ୍ଡ ଚୁକ୍ତି ପରେ ଯୁବକମାନେ ବନ୍ଧୁକ ଛାଡ଼ି ସମାଜର ମୁଖ୍ୟସ୍ରୋତକୁ ଫେରିଛନ୍ତି।

ବିଜେପି ଶାସନକୁ ଆସିବା ପରେ କେବଳ ଆସାମ ନୁହେଁ ଉତ୍ତରପୂର୍ବ ରାଜ୍ୟ ଗୁଡ଼ିକରେ ବି ବିକାଶର ଧାରା ଆରମ୍ଭ ହୋଇଥିବା ଗତକାଲି କହିଥିଲେ ଗୃହମନ୍ତ୍ରୀ ଅମିତ୍ ଶାହ। ସେହିପରି ନୂଆ କୃଷି ଆଇନକୁ ନେଇ ଚାଷୀଙ୍କୁ ଭ୍ରମିତ କରାଯାଉଥିବା ଅଭିଯୋଗ ଆଣି ବିରୋଧୀଙ୍କ ଉପରେ ବର୍ଷିଥିଲେ ଶାହ। ଆସନ୍ତାବର୍ଷ ଆସାମରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଶାହାଙ୍କ ଏହି ଗସ୍ତ ବିଜେପି ନେତା ଓ କର୍ମୀଙ୍କ ମନୋବଳ ବଢ଼ାଇଛି।

କିଛିଦିନ ପୂର୍ବରୁ ଚାଷୀଙ୍କ ଘରେ ଖାଇଲେ, ବଙ୍ଗଳା ସଙ୍ଗୀତର ମୂର୍ଚ୍ଛନା  ଶୁଣିଲେ। ଦୁଇ ଦିନିଆ ପଶ୍ଚିମବଙ୍ଗ ଗସ୍ତ ଅବସରରେ ଥିବା କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହ  ବୀରଭୂମ ଯାଇଥିଲେ। ସ୍ଥାନୀୟ ଏକ ଚାଷୀଙ୍କ ଘରେ ମଧ୍ୟାହ୍ନ ଭୋଜନ କରିଥିଲେ ଶାହା। ଦଳୀୟ ନେତାଙ୍କ ସହ ପାରମ୍ପରିକ ଖାଦ୍ୟକୁ ଖାଇଥିଲେ।

ଏହାପୂର୍ବରୁ ବଙ୍ଗଳାର ପ୍ରସିଦ୍ଧ ସଙ୍ଗୀତ ବାଓଲ୍ ଗୀତକୁ ଶୁଣିଥିଲେ କେନ୍ଦ୍ର ମନ୍ତ୍ରୀ। ବଙ୍ଗଳା ସଂସ୍କୃତିକୁ ବେଶ ନିକଟରୁ ଅନୁଭବ କରିଛନ୍ତି ଶାହ। ଏହାପୂର୍ବରୁ ବୀରଭୂମ ଜିଲ୍ଲାର ଶାନ୍ତିନିକେତନରେ ଥିବା ବିଶ୍ୱଭାରତୀ ବିଶ୍ୱବିଦ୍ୟାଳୟ ଗସ୍ତ କରିଛନ୍ତି। ରବୀନ୍ଦ୍ରନାଥ ଟାଗୋରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ପରେ ଏକ ସାଂସ୍କୃତିକ କାର୍ଯ୍ୟକ୍ରମରେ ସାମିଲ ହୋଇଥିଲେ ।

ଦୁଇ ଦିନିଆ ପଶ୍ଚିମବଙ୍ଗ ଗସ୍ତରେ  ଆସି ରାଜ୍ୟରେ ହୋଇଥିବା ରାଜନୈତିକ ହତ୍ୟାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି ଗୃହମନ୍ତ୍ରୀ ଅମିତ ଶାହ। ସେ କହିଛନ୍ତି  ସରକାର ଗଠନ ପରେ ଏହି ମାମଲାଗୁଡ଼ିକରେ ପୁଙ୍ଖାନୁପୁଙ୍ଖ ତଦନ୍ତ କରାଯିବ। ଏହା ବ୍ୟତୀତ ସେ ରାଜ୍ୟରେ ସଂଖ୍ୟାଗରିଷ୍ଠତା ସହ ସରକାର ଗଠନ କରିବେ ବୋଲି ଦାବି କରିଛନ୍ତି। ଶାହାଙ୍କ ବ୍ୟତୀତ ଭାରତୀୟ ଜନତା ପାର୍ଟିର ଜାତୀୟ ସାଧାରଣ ସମ୍ପାଦକ ତଥା ପଶ୍ଚିମବଙ୍ଗର ଦାୟିତ୍ୱରେ ଥିବା ପ୍ରଭାରୀ କୈଳାଶ ବିଜୟଭର୍ଗିଆ ମଧ୍ୟ ମମତା ସରକାରଙ୍କୁ ଘେରିଛନ୍ତି।

କୈଳାଶ ବିଜୟଭର୍ଗିଆ ମମତା ସରକାରଙ୍କ ବିରୋଧରେ ଅନେକ ଗୁରୁତର ଅଭିଯୋଗ ଆଣିଛନ୍ତି। ସେ ଦାବି କରିଛନ୍ତି,  ତୃଣମୂଳ କଂଗ୍ରେସର ଅନେକ ନେତା ତାଙ୍କ ସହ ଯୋଗାଯୋଗ କରୁଛନ୍ତି। ଉଲ୍ଲେଖନୀୟ କଥା ହେଉଛି, ଦଳର ପ୍ରଭାବଶାଳୀ ନେତା ତଥା ମମତା ସରକାରରେ ଥିବା ପରିବହନ ମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ସମେତ ଅନେକ ନେତା ଟିଏମସିରୁ ଇସ୍ତଫା ଦେଇ ବିଜେପିରେ ସାମିଲ ହୋଇଛନ୍ତି। ବିଜୟଭର୍ଗିଆ କହିଛନ୍ତି ଯେ ମମତା ବାନାର୍ଜୀ ସମ୍ବିଧାନରେ ବିଶ୍ୱାସ କରନ୍ତି ନାହିଁ, ବିଧାନସଭା ନିର୍ବାଚନରେ ​​ରାଜ୍ୟବାସୀ ସେମାନଙ୍କୁ ସମ୍ବିଧାନର ଅର୍ଥ ବୁଝାଇ ଦେବେ।

ରବିବାର କେନ୍ଦ୍ର ଗୃହମନ୍ତ୍ରୀ ଶାହା ଉଦ୍‌ବୋଧନ ଦେଇ ବଙ୍ଗଳା ଭୋଟରଙ୍କୁ ବିଧାନସଭା ନିର୍ବାଚନରେ ​​ସୁଯୋଗ ଦେବାକୁ ନିବେଦନ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଗ୍ରହଣ କରାଯାଇଥିବା ଭୋଟ୍ ପ୍ରଗତି ପାଇଁ ଏକ ଭୋଟ୍ ହେବ ବୋଲି ସେ କହିଛନ୍ତି। ବୀରଭୂମ ଜିଲ୍ଲାର ବୋଲପୁରରେ ଏକ ରୋଡ୍ ସୋକୁ ସମ୍ବୋଧିତ କରି ସେ କହିଛନ୍ତି ଯେ ଏଠାରେ ଉପସ୍ଥିତ ଜନତା ତୃଣମୂଳ କଂଗ୍ରେସ ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିରୋଧରେ ଅସନ୍ତୋଷର ପ୍ରମାଣ।

ସେ କହିଛନ୍ତି ‘ମୁଁ ବୋଲପୁରରେ ଅନେକ ରୋଡ୍ ସୋ ଦେଖିଥିଲି। କିନ୍ତୁ ଆଜି ଯାହା ଦେଖୁଛି, ମୁଁ ଏହା ପୂର୍ବରୁ କେବେ ଦେଖି ନାହିଁ । ଶାହା କହିଛନ୍ତି, ‘ଏହି ଲୋକମାନେ ଏକାଠି ହେବା ମମତା ପ୍ରତି ବଙ୍ଗଳାବାସୀଙ୍କ ଅସନ୍ତୋଷକୁ ଦର୍ଶାଉଛି। ଲୋକମାନେ ବଙ୍ଗଳାରେ ପରିବର୍ତ୍ତନ ଚାହୁଁଛନ୍ତି।

ତେବେ କହିବାକୁ ଗଲେ ନିର୍ବାଚନରେ ବିଜୟ ହେବା ଲାଗି ବାରମ୍ବାର ଉତ୍ତର-ପୂର୍ବ ରାଜ୍ୟକୁ ଗସ୍ତ କରୁଛନ୍ତି ଶାହା। ସ୍ଥାନୀୟ ଲୋକଙ୍କ ସହ ଆଲୋଚନା କରିବା ସହ କେମିତି କ୍ଷମତା ଦଖଲ ବିଜେପି କରିବ ସେନେଇ ମଧ୍ୟ ଆଲୋଚନା ହେଉଥିବା ନେଇ ସୂଚନା ରହିଛି। ତେବେ ଶାହାଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।

You might also like