ପୁଲ୍‌ୱାମା ପ୍ରତିଶୋଧ ପରେ ଭାରତୀୟ ବାୟୁସେନାକୁ ଛୁଟୁଛି ପ୍ରଶାଂସାର ସୁଅ

ନୂଆଦିଲ୍ଲୀ: ପାକ୍‌ ଅଧିକୃତ କଶ୍ମୀର (ପିଓକେ)ରେ ଆତଙ୍କବାଦୀ ଶିବିର ଉପରେ ବାୟୁସେନାର ଅପରେସନକୁ ସାରା ଦେଶରେ ପ୍ରଶଂସା କରାଯାଇଛି। ଦଳମତ ନିର୍ବିଶେଷରେ ସବୁ ଦଳର ନେତା ଓ ସାଧାରଣ ଜନତା ଏହାକୁ ସ୍ୱାଗତ କରିଛନ୍ତି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଭାରତୀୟ ବାୟୁ ସେନାର କାର୍ଯ୍ୟକୁ ସାଲ୍ୟୁଟ୍‌ କରିଛନ୍ତି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ବାୟୁସେନାକୁ ସାଲ୍ୟୁଟ୍‌ କରିଛନ୍ତି।  ଦେଶର ସୁରକ୍ଷା ପାଇଁ ଆତଙ୍କବାଦୀ କ୍ୟାମ୍ପ ଧ୍ୱଂସ କରାଯାଇଥିବାରୁ ସେ ସ୍ୱାଗତ କରିବା ସହ ଜୟ ହିନ୍ଦ୍‌ ବୋଲି ଟ୍ୱିଟ୍ କରିଛନ୍ତି।

ଏହି ଏୟାର୍‌ ଷ୍ଟ୍ରାଇକ୍‌କୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍‌ ମଧ୍ୟ ସ୍ୱାଗତ କରିଛନ୍ତି। ଏହି ଆକ୍ରମଣ ଆମକୁ ଗର୍ବିତ କରିଛି ବୋଲି ସେ ଟ୍ୱିଟ୍ କରିଛନ୍ତି।  ସେହିପରି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଏହାକୁ ସ୍ୱାଗତ କରିଛନ୍ତି।

ସେପଟେ, ପିଓକେରେ ଭାରତୀୟ ବାୟୁସେନାର ଆକ୍ରମଣକୁ ଉଚ୍ଚ ପ୍ରଶଂସା କରିଛନ୍ତି ବିଜେପି ନେତା ସୁବ୍ରମଣ୍ୟମ ସ୍ୱାମୀ। ସେ କହିଛନ୍ତି, ଅସ୍ଥାୟୀ ଭାବେ ପାକିସ୍ତାନ କବ୍‌ଜାରେ ଥିବା ଅଞ୍ଚଳରେ ଭାରତ ଆକ୍ରମଣ କରିବାରେ କିଛି ଅସୁବିଧା ନାହିଁ। ତେଣୁ କୌଣସି ଅନ୍ତର୍ଜାତୀୟ ଆଇନ୍‌ ଭଙ୍ଗ ହୋଇନାହିଁ।

You might also like