ଆଧାରକାର୍ଡ ଓ ଫୋନ୍‌ ନମ୍ବର ଦେଲେ ମିଳିବ କରୋନା ଔଷଧ

ମୁମ୍ବାଇ: ଆଧାର କାର୍ଡ ଦେଲେ ମିଳିବ କରୋନା ଔଷଧ। ମହାରାଷ୍ଟ୍ରରେ ରୋଗୀଙ୍କୁ କରୋନା ଔଷଧ ମିଳୁନଥିବା ବେଳେ ଏହାର କଳବାଜାରୀ ହେଉଛି। ବାହାରେ ଔଷଧର ଦାମ୍ ୫୦,୦୦୦ ଟଙ୍କା ପର୍ଯ୍ୟନ୍ତ ବିକ୍ରି ହେଉଛି। ଏହି ଅଭିଯୋଗ ଆସିବା ପରେ କଡ଼ା କଟକଣା କରିଛନ୍ତି ମହାରାଷ୍ଟ୍ର ସରକାର। ରୋଗୀ କୋଭିଡ-୧୯ ସାର୍ଟିଫିକେଟ୍‌, ପ୍ରେସ୍‌କ୍ରିପସନ୍‌ ଏବଂ ଫୋନ୍‌ ନମ୍ବର ଦେଖାଇଲେ ଯାଇ ସେମାନଙ୍କୁ ସିଧାସଳଖ କରୋନା ଔଷଧ ଦିଆଯିବ ବୋଲି ବିଭାଗୀୟ ମୁଖ୍ୟ କହିଛନ୍ତି।

ସାରା ଦେଶରେ ମହାରାଷ୍ଟ୍ର କରୋନାରେ ଅଧିକ କ୍ଷତିଗ୍ରସ୍ତ ହୋଇଛି। ଏଠାରେ ୨.୩୮ ଲକ୍ଷ କରୋନା ରୋଗୀ ଚିହ୍ନଟ ହୋଇଛନ୍ତି। ତେଣୁ ଔଷଧ ଦୋକାନ ହେଉ କିମ୍ବା ସପ୍ଲାଏର ସାମ୍ନାରେ ରୋଗୀଙ୍କ ଲମ୍ବା ଲାଇନ୍ ଦେଖିବାକୁ ମିଳୁଛି। କେଉଁଠି ବି କରୋନା ଔଷଧ remdesivir ଏବଂ tocilizumab ମିଳୁନଥିବା ଲୋକେ ଅଭିଯୋଗ କରୁଛନ୍ତି।

ଏନେଇ ବିଭାଗୀୟ ମନ୍ତ୍ରୀ ରାଜେନ୍ଦ୍ର ସିଂହ କହିଛନ୍ତି “ ଆମ ପାଖରେ ଯଥେଷ୍ଟ ଔଷଧ ରହିଛି। କିନ୍ତୁ ଚାହିଦା ବଢ଼ିଛି। ଔଷଧର କଳାବଜାରି ହେଉଥିବା ନେଇ ଅଭିଯୋଗ  ଆସୁଛି। ତେଣୁ ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବୁ।”

ସେ କହିଛନ୍ତି “ କେବଳ କୋଭିଡ୍-୧୯ ରୋଗୀ ହିଁ ଏହି ଔଷଧ ନେଇପାରିବେ। ସେଥିପାଇଁ ତାଙ୍କୁ ଡାକ୍ତର ପ୍ରେସ୍‌କ୍ରିପସନ୍‌, ଆଧାରକାର୍ଡ ଓ ଫୋନ୍ ନମ୍ବର ଦେଖାଇବାକୁ ପଡ଼ିବ। ତେବେ ଏଥିପାଇଁ ଭୟଭୀତ ହେବାର କୌଣସି କାରଣ ନାହିଁ।” ଯଦି କେହି ଔଷଧର ଅଧିକ ଚାର୍ଜ କରୁଛନ୍ତି ତେବେ ସରକାରଙ୍କୁ ଜଣାଇଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଭାଗୀୟ ମନ୍ତ୍ରୀ କହିଛନ୍ତି।

You might also like