ବିଷାକ୍ତ ମଦ ପିଇ ୮୦ରୁ ଅଧିକ ମୃତ

ଦିସପୁର: ଉତ୍ତର ପ୍ରଦେଶ, ଉତ୍ତରାଖଣ୍ଡ ପରେ ଏବେ ଆସାମରେ ମଦମୃତ୍ୟୁର ବିଭୀଷିକା।  ଆସାମରେ ବିଷାକ୍ତ ମଦ ପିଇ ଗତକାଲି ସନ୍ଧ୍ୟାରୁ ଏପର୍ଯ୍ୟନ୍ତ ପ୍ରାୟ ୮୦ରୁ ଅଧିକ ଲୋକଙ୍କ ମୃତ୍ୟୁ ହେଲାଣି। ଦୁଇ ଶହରୁ ଅଧିକ ଲୋକ ବିଭିନ୍ନ ମେଡିକାଲରେ ଚିକିତ୍ସିତ ହେଉଛନ୍ତି।

picture credit-News18.com

ମୃତକ ଓ ଅସୁସ୍ଥ ଥିବା ସମସ୍ତେ ଚା’ ବଗିଚାରେ କାମ କରୁଥିଲେ। ଚା’ ବଗିଚାରେ ଦିନର କାମ ସରିବା ପରେ ପ୍ରାୟ ତିନିଶହରୁ ଅଧିକ ଶ୍ରମିକ ବିଷାକ୍ତ ମଦ ପିଇଥିଲେ। କିଛି ସମୟ ପରେ ଏହାର କୁପ୍ରଭାବ ଧୀରେ ଧୀରେ ଦେଖିବାକୁ ମିଳିଥିଲା। କେହି କିଛି ବୁଝିବା ପୂର୍ବରୁ ଜଣଙ୍କ ପରେ ଜଣଙ୍କର ମୃତ୍ୟୁ ହୋଇଥିଲା।

picture credit-Sakshi

ମେଡିକାଲ୍‌ ପରିସରରେ ଚା’ ବଗିଚାର ଶ୍ରମିକମାନଙ୍କ ମୃତ ଶରୀରକୁ ରଖି ରଖାଯାଇଛି। କାନ୍ଦବୋବାଳିରେ ଫାଟିପଡୁଛି ପରିବେଶ ଆସାମ ମୁଖ୍ୟମନ୍ତ୍ରୀ ଘଟଣାକୁ ନେଇ ଦୁଃଖ ପ୍ରକାଶ କରିବାସହ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି। ଏହି ଘଟଣାରେ ବର୍ତ୍ତମାନ ସୁଦ୍ଧା ଦୁଇ ଜଣଙ୍କୁ ଗିରଫ କରାଯାଇଛି। କିନ୍ତୁ ବିଷାକ୍ତ ମଦ କିପରି ଆସିଲା ସେ ସମ୍ପର୍କରେ ସ୍ପଷ୍ଟ ହୋଇନାହିଁ।

You might also like